ပြည်ထောင်စုလွှတ်တော်၌ NLD ဒုတိယအင်အားအကြီးဆုံးဖြစ်လာ

ပြီးခဲ့သည့် ၂၀၁၂ ဧပြီ ၁ ရက်နေ့တွင် ကျင်းပခဲ့သည့် ကြားဖြတ်ရွေးကောက်ပွဲတွင် အမျိုးသားဒီမိုကရေစီအဖွဲ့ချုပ် (NLD)ပါတီမှ လစ်လပ်မဲဆန္ဒ နယ် (၄၅)နေရာအနက် (၄၃)နေရာ အနိုင်ရရှိခဲ့သည့်အတွက် ပြည်ထောင်စုလွှတ်တော်တွင် ဒုတိယအင်အားအကြီးဆုံး ပါတီတစ်ခုဖြစ်လာခဲ့ကြောင်း သိရသည်။

ယခင် ပြည်ထောင်စုလွှတ်တော်၌ ပထမအင်အားအကြီးဆုံးပါတီမှာ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဖြစ်ပြီး ဒုတိယအင်အားအကြီးဆုံး ပါတီမှာ ရှမ်းတိုင်းရင်းသားဒီမိုကရက်တစ်ပါတီနှင့် တတိယအင်အားအကြီးဆုံးပါတီမှာ တိုင်းရင်းသား စည်းလုံးညီညွှတ်ရေးပါတီတို့ဖြစ်ကြောင်း သိရသည်။

ဧပြီ ၁ ရက် ကြားဖြတ်ရွေးကောက်ပွဲအပြီးတွင် ပြည်ခိုင်ဖြိုးပါတီမှ ပြည်သူ့လွှတ်တော်တွင် လွှတ်တော်ကိုယ်စား လှယ် ဦးရေ ၂၁၉ ဦး၊ အမျိုးသား လွှတ်တော်တွင် ၁၂၄ ဦး စုစုပေါင်း လွှတ်တော်ကိုယ်စားလှယ် ၃၄၃ ဦးဖြင့် ဆက်လက်ဦး ဆောင်လျက်ရှိပြီး အမျိုးသားဒီမိုကရေစီအဖွဲ့ချုပ်(NLD)ပါတီမှ ပြည်သူ့လွှတ်တော်တွင် ၃၇ ဦး၊ အမျိုးသားလွှတ်တော်တွင် ၄ ဦး စုစုပေါင်းလွှတ်တော်ကိုယ်စားလှယ် ၄၁ ဦးဖြင့် ပြည်ထောင်စုလွှတ်တော်တွင် ဒုတိယ အင်အားအကြီးဆုံးပါတီတစ်ခု ဖြစ်လာခဲ့ကြောင်း သိရသည်။

ယခင် ဒုတိယအင်အားအကြီးဆုံးပါတီတစ်ခုဖြစ်သည့် ရှမ်းတိုင်းရင်းသားများ ဒီမိုကရက်တစ်(ကျားဖြူ)ပါတီသည် လက်ရှိအချိန်တွင် ပြည်သူ့ လွှတ်တော်တွင် ၁၈ ဦး၊ အမျိုးသားလွှတ်တော်တွင် ၄ ဦး စုစုပေါင်းလွှတ်တော်ကိုယ်စားလှယ် ၂၂ ဦးဖြင့် ပြည်ထောင်စုလွှတ်တော်တွင် တတိယ အင်အား အကြီးဆုံးပါတီတစ်ခုအဖြစ်သို့ ရောက်ရှိသွားခဲ့ကြောင်း သိရသည်။

ပြည်ထောင်စုလွှတ်တော်တွင် တိုင်းရင်းသားစည်းလုံးညီညွှတ်ရေးပါတီမှ ပြည်သူ့လွှတ်တော်တွင် ၁၂ ဦး၊ အမျိုးသားလွှတ်တော်တွင် ၅ ဦး စုစုပေါင်းလွှတ်တော်ကိုယ်စားလှယ် ၁၇ ဦးရှိပြီး၊ ရခိုင်တိုင်းရင်းသားများ တိုးတက်ရေးပါတီမှ ပြည်သူ့လွှတ်တော်တွင် ၉ ဦး၊ အမျိုးသားလွှတ်တော်တွင် ၇ ဦး စုစုပေါင်းလွှတ်တော်ကိုယ်စားလှယ် ၁၆ ဦးတို့ဖြင့် စတုတ္ထနှင့် ပဉ္စမနေရာသို့ ရောက်ရှိခဲ့ကြောင်း သိရသည်။

YC(yangonchronicle)