မတ္တရာ ဆက်သွယ်ရေး အဂတိလိုက်စားနေ

အထက်ပိုင်းက မည်မျှပင် good government , clean government ဖြစ်ရန်
ကြိုးစားနေသော်လည်း အောက်ခြေကတော့ ယခင်ခေတ်က အဂတိလိုက်စားမှု အတိုင်း
လိုချင်ရချင်စိတ်များမလျှော့နိုင်သော အခြေအနေများ ဖြစ်ပေါ်လျှက်ရှိပါတယ်။
 
မန္တလေးတိုင်း မတ္တရာက ဆက်သွယ်ရေး(တယ်လီဖုန်း)စခန်းဟာ သာမာန်စာရေးကြီး
အဆင့်(တာဝန်ခံ)သာဦးဆောင်ရုံးစိုက်တဲ့ရုံးပါ.။ ဒါပေမယ့် ၄င်းတာဝန်ခံနှင့်
ရုံးဝန်ထမ်း။ဆက်သွယ်ရေးဝန်ထမ်းများကတော့ တစ်ခါတည်း ချမ်းသာလောက်တဲ့
ငွေကြေးရမှ ဘယ်အရာမဆို ဆောင်ရွက်ပေးတယ်လို့ ပြောလို့ရပါတယ်။

နိုင်ငံတော်က ကြိုးဖုန်းတန်ဖိုး ခြောက်သိန်းခွဲကို
တရားဝင်သတ်မှတ်ပေးထားပေမယ့် သူတို့ရုံးနှင့်မဆိုင်ကြောင်းပြောလျှက်
မည်သူမျှ လျှောက်ထား၍ မရနိုင်ကြောင်းတာဝန်ခံ ကိုယ်တိုင်ပြန်ပြောပါတယ်။
ဒါပေမယ့် မြို့ထဲက ဆယ်သိန်းပေးသူ မည်သူမဆို
၎င်းတို့အမည်ပေါက်ရနိုင်နေတာကတော့ အံ့သြစရာကောင်းလှပါတယ်။

မြို့ထဲမှာလဲ စီးပွားရေးသမားတွေနဲ့ လက်ဝါးခြင်းရိုက်ပြီး
ကြိုးဖုန်းခွဲများကို ကြိုက်သလိုဆင်နိုင်တယ်။ ဆင်က ၁သိန်းခွဲ လစဉ်ကြေး
၅ထောင်နဲ့ ကြိုက်သလောက်ခွဲပေးမယ်ဆိုပြီး ရတဲ့ငွေတွေအားလုံး ရုံးကလူတွေ
ခွဲယူကြတာဟာ တစ်လကို သိန်းဂဏန်းရှိပါတယ်။ အဲ့ဒီငွေတွေဟာ
နိုင်ငံတော်အခွန်ငွေတွေ မဖြစ်ပဲ ၀န်ထမ်းအိပ်ထဲတန်းရောက်သွားတာကို သိရတော့
နိုင်ငံတော်ကိုယ်စား ရင်နာမိပါတယ်။

နိုင်ငံတော် အစိုးရက ကြိုးဖုန်းလက်ကိုင်ဖုန်းအားလုံးကို
လွှဲပြောင်းရောင်းချနိုင်ကြောင်း လိပ်စာပြောင်း ၂သောင်းခွဲ၊
အမည်ပြောင်းလိပ်စာပြောင်း ၅သောင်း နိုင်ငံတော်သို့
ပေးဆောင်ရန်တရားဝင်သတ်မှတ်ပေးထားသော်လည်း ကြိုးဖုန်းတလုံး
ရွှေ့ပြောင်းလိုသဖြင့် တင်ပြရာ ငွေကျပ် (၂)သိန်း ပေးမှ
ပြောင်းပေးနိုင်မည်ဟု တာဝန်ခံနှင့်လိုင်းတာဝန်ခံက တောင်းပါတယ်။
တော်တော်ပြောဆိုတောင်းပန်ပါမှ ၁သိန်းခွဲနဲ့လုပ်ပေးမယ်။ မမေးနိုင်ရင်
လုံးဝမလုပ်ပေးနိုင်ကြောင်း၊ ကြိုက်တဲ့နေရာ တိုင်နိုင်ကြောင်းပြောပါတယ်။
နိုင်ငံတော်ထက် ၄ဆရမှ လုပ်ပေးမယ့် ရုံးမျိုး မတ္တရာမြို့မှာ ရှိနေတာ
သမ္မတကြီး သိမှ သိပါလေစလို့ ပြောရမလိုပါပဲ။

ဖုန်းပျက်လို့ အကြောင်းကြားရင် ဘယ်တော့မှ တစ်ခါတည်း
ဆောင်ရွက်ပေးလေ့မရှိဘဲ အနည်းဆုံး ခြေကြွခ ၃ထောင်ရမှ မျက်နှာကြည်သာတတ်ပြီး
၂ထောင်ပေးတဲ့အိမ်တွေဆို မှတ်လောက်သားလောက်အောင် ပြစ်ထားတတ်ကြောင်း
လိုင်းမန်း ကိုယ်တိုင်ပြောတာ ကြားဖူးပါတယ်။ မတ္တရာဆက်သွယ်ရေးဟာ သူတို့
လုပ်ချင်သလိုလုပ်နေတဲ့ ထင်ရာဆိုင်း ဌာနတစ်ခု ဖြစ်နေသလို အထက်ကလည်း
လုံးဝထိန်းချုပ်ခြင်း မရှိတာတွေ့ရပါတယ်။
 
အံသြစရာကောင်းတာကတော့ ဆက်သွယ်ရေးဝန်ထမ်းတွေဟာ မြို့ကိုရောက်တာ
နှစ်ဆယ်ချီရှိနေကြပေမယ့် ပြောင်းရတာ မကြားရတာပါပဲ။
အဲလိုဝါရင့်ဝန်ထမ်းတွေက ဌာနကို
မိမိစီးပွားရေးလုပ်ငန်းအသွင်ဆောင်ရွက်လာတာကတော့ ပြောင်းရွှေ့မချထားတဲ့
အကြီးအကဲတွေကိုပဲ အပြစ်တင်ရတော့မလိုဖြစ်နေပါပြီ။

မြို့သူမြို့သားတွေ အနေနဲ့တော့ တယ်လီဖုန်းပျက်ပြင်ဆင်လျှင် မည်မျှပေးရန်၊
တယ်လီဖုန်းရွှေ့ပြောင်းလျှင်မည်မျှ၊ ဟူ၍ အတိအကျသတ်မှတ်ပေးရန်နှင့်
နှစ်ကြာဝန်ထမ်းဆိုးများပြောင်းရွှေ့ပေးရန်လိုလားလျှက်ရှိပါတယ်။

မတ္တာမှ တာဝန်သိပြည်သူတဦး