စီးပွားဖြစ် ထုတ်လုပ်မှုကြောင့် သစ်တောပြုန်းမှု အများဆုံးဖြစ်ခဲ့

ရန်ကုန်၊ မတ် ၁၂
စီးပွားဖြစ် ထုတ်လုပ်ခြင်းကြောင့် သစ်တောပြုန်းတီးမှု အများဆုံးဖြစ်ခဲ့ကြောင်း သစ်တောနှင့် သဘာဝပတ်ဝန်းကျင် ဆိုင်ရာ ကျွမ်းကျင်သူ ဦးစည်သူလွင်က ပြောသည်။
မြန်မာနိုင်ငံ၏ သစ်တောဖုံး လွှမ်းမှုအခြေအနေသည် ၂ဝဝ၃ ခုနှစ်တွင် နိုင်ငံဧရိယာ၏ ၅၃ ဒသမ ၃ ရာခိုင်နှုန်းရှိခဲ့ရာမှ ၇ နှစ်အကြာ ၂ဝ၁ဝခုနှစ်တွင် ၄၁ ရာခိုင်နှုန်း အထိ လျော့နည်းကျဆင်း ခဲ့ရကြောင်းနှင့် ထိုကဲ့သို့ အလျင်အမြန်ပျောက်ကွယ် ခဲ့ရခြင်းမှာလည်း စီးပွားဖြစ် သစ်ထုတ်လုပ်ခြင်းကြောင့် ဖြစ်သည်ဟု FAO က ၂ဝ၁ဝ ခုနှစ်တွင် ထောက်ပြပြောဆို ခဲ့ကြောင်း ဦးစည်သူလွင် က ဆိုသည်။
အင်္ဂလိပ်အစိုးရသည် မြန်မာ နိုင်ငံ သစ်တောများကို ရေရှည် ထုတ်သုံးနိုင်ရန်အတွက် ‘မြန်မာ့ရွေး ချယ်ခုတ်လှဲမှု’ စနစ်ကို အသုံးပြုခဲ့သဖြင့် ၁၉၂၅ ခုနှစ်တွင် သစ်တော ဖုံးလွှမ်းမှုသည် ၆၅ ဒသမ ၈ ရာခိုင်နှုန်းအထိ ရှိနေခဲ့ရာမှ တောမီးလောင်ကျွမ်းခြင်း၊ စိုက်ပျိုးမြေတိုး ချဲ့ခြင်း၊ စားကျက်အလွန်အကျွံ ချဲ့ထွင်ခြင်း၊ ဆီအုန်းစိုက်ပျိုးခြင်း၊ ပုစွန်မွေးမြူရေးကန်များ တူးဖော်ခြင်း၊ စီးပွားဖြစ်သစ်ထုတ်ခြင်း၊ သတ္တု၊ ကျောက်မီးသွေး၊ ရတနာမိုင်းတူးဖော်ခြင်း၊ လမ်းဖောက်ခြင်း၊ မီးသွေးထုတ်လုပ်ခြင်း၊ ထင်းထုတ်လုပ်ခြင်း စသည်တို့ကြောင့် ၁၉၅၈ ခုနှစ်တွင် ၅၇ ဒသမ ၂ ရာခိုင်နှုန်း၊ ၁၉၇၅ ခုနှစ်တွင် ၅၂ ဒသမ ၇ ရာခိုင်နှုန်း၊ ၂ဝဝ၃ ခုနှစ်တွင် ၅၂ ဒသမ ၃ ရာခိုင်နှုန်း၊ ၂ဝ၁ဝ ခုနှစ်တွင် ၄၁ ရာခိုင်နှုန်းသို့ အဆင့်ဆင့် ကျဆင်း ခဲ့ခြင်းဖြစ်ကြောင်း ဦးစည်သူလွင်က ဆက်လက်ပြောသည်။
သစ်တော ပြုန်းတီးမှုများနှင့် ပတ်သက်၍ မြန်မာ့သစ်လုပ်ငန်းမှ အငြိမ်းစား အကြီးတန်းအရာရှိတစ် ဦးက ”သစ်လုပ်ငန်းဆိုတာ သစ် ထုတ်မယ်ဆိုရင် သစ်တောဦးစီးဌာ နက ခွင့်ပြုတဲ့ ဧရိယာကိုပဲ ထုတ် လုပ်ခွင့်ရှိတာပါ။ နောက်ပိုင်း သစ် ထုတ်လုပ်မှုကို တိုးချဲ့ဖို့အတွက် သစ်လုပ်ငန်းက ငွေကြေးမလုံလောက် တဲ့အခါ ကန်ထရိုက်တွေကို ငှားရ တယ်။ အဲဒီအခါ ကန်ထရိုက်တွေ ကလည်း သစ်များများ ထုတ်နိုင် ဖို့၊ ပိုက်ဆံများများ ရဖို့ကိုပဲ အာရုံ စိုက်လာကြတော့ သစ်တောပြုန်း တီးမှုတွေ ပိုဖြစ်လာရတယ်” ဟု အင်တာဗျူး တစ်ခုတွင် ပြောခဲ့သည်။
၎င်းကပင် ဆက်လက်၍ ထိုကဲ့သို့ ဖြစ်ပေါ်နေရခြင်းသည် လူတစ်စု၏ ဝိသမလောဘကြောင့်ဖြစ်ကြောင်း၊ ယင်းဝိသမလောဘကို ပေါ်လစီနှင့် ထိန်းပေးရမည်ဖြစ်ပြီး ပေါ် လစီကလည်း ထိန်းချုပ်နိုင်မည့်ဥပဒေဖြင့် တားဆီးရမည်ဖြစ်ကြောင်း၊ တားဆီးရန်လည်း စည်းမျဉ်း၊ စည်းကမ်းများ အားလုံးရှိပြီးသားဖြစ်ပြီး တကယ်လုပ်ရန်သာ လိုအပ်ကြောင်း အကြံပြု ပြောကြားခဲ့သည်။
မင်းချစ်နိုင် (ပေါ်ပြူလာဂျာနယ်)