သောက်ရေခပ်ချောင်းအတွင်း သဲထုတ်နေသော လုပ်ငန်းခွင်တစ်နေရာအား တွေ့ရစဉ်
''သောက်ရေခပ်ချောင်းထဲ သဲ၊ ကျောက်ထုတ်နေတဲ့ အဖွဲ့တွေလုပ်နေတာ နှစ်နှစ်လောက်ရှိပြီ။ ဘယ်သူတွေ ခွင့်ပြုချက်နဲ့ လုပ်နေမှန်းလည်း မသိဘူး။ ချောင်းရဲ့အထက်ဘက် ခုနစ်မိုင်လောက်အကွာ သောက်ရေခပ် ရေအားလျှပ်စစ်စီမံကိန်းရဲ့အောက်ခြေနားမှာ တရားမ၀င် ရွှေရှာတဲ့ အဖွဲ့တွေကသုံးတဲ့ ပြဒါးတွေ၊ စွန့်ပစ်ပစ္စည်းတွေကြောင့်လည်း ချောင်းရေတွေ ညစ်ညမ်းကုန်တာကြောင့် ရေနေသတ္တ၀ါတွေ ရှားပါးလာတဲ့အတွက် ဒီချောင်းကို အမှီပြုနေတဲ့ ကျွန်တော်တို့ ရွာသားတွေ၊ ကျွဲ၊ နွားတိရစ္ဆာန်တွေ အားလုံးရဲ့ ကျန်းမာရေး၊၀မ်းစာရေးတွေ တော်တော်လေးကို ထိခိုက်မှုဖြစ်နေတာတော့ အမှန်ပါပဲ။ ချောင်းထဲမှာ သဲထုတ်၊ ကျောက်ထုတ်နဲ့ ရွှေရှာနေတဲ့လုပ်ငန်းတွေ ရပ်ဆိုင်းဖို့ ဘယ်ကိုပြောရမှန်း မသိပါဘူး''ဟု သောက်ရေခပ်ချောင်း နံဘေးရှိ ထန်းတပင်မြို့နယ် ချောင်းဝကျေးရွာ ရပ်မိရပ်ဖတစ်ဦးက ပြောပါ သည်။
''သောက်ရေခပ်ချောင်း ရေကြည်တာက တော်တော်ကို ကြည်တာပါ။ ညဘက်ဆိုရင်တောင် ဓာတ်မီးထိုးပြီး ရေထဲကငါးကို မှိန်းနဲ့ပစ်လို့ရအောင် မြင်နေရတာပါ။ အခုတော့ အဲဒီလုပ်ငန်းတွေကြောင့် ရေတွေလည်း ရွှံ့ရောင်ပေါက်ကုန်ပြီ။ သဲသောင်တွေလည်း ဟိုနားပေါ် ဒီနားပေါ်နဲ့ ကျွန်တော်တို့အတွက် သောက်သုံးရေကအစ ရှားပါးလာတယ်''ဟု ဒိုးသောင် ရွာသားတစ်ဦးက ပြောပါသည်။
အရှေ့ ရှမ်းရိုးမတောင်တန်းများမှ မြစ်ဖျားခံစီးဆင်းလာသော သောက်ရေခပ်ချောင်းသည် ချောင်းဝကျယ်ပြီး အောက်ခြေကြမ်းပြင်အထိ မြင်နိုင်အောင် ကြည်လင်ပြီးစစ်တောင်းမြစ်အတွင်းသို့ စီးဝင်သည့် မြစ်လက်တက် တစ်ခုဖြစ်ကြောင်း၊ သောက်ရေခပ်ချောင်းနံဘေးရှိ ချောင်းဝ၊ ဒိုးသောင်၊ ကြို့ပင်ဆိပ်၊သဖန်းချောင်း၊ ကျောက်ပုထိုး၊ ကြို့ကုန်း၊ ဥယျာဉ်စု၊ ပဲပုတ်စသော ကျေးရွာများ အပါအ၀င်ရွာ ၁၅ ရွာခန့်မှာ ချောင်းအတွင်း သဲ၊ကျောက်စရစ် ထုတ်လုပ်ငန်းများနှင့် တရားမ၀င်ရွှေကျင်သော လုပ်ငန်းများပေါ်လာပြီး နောက်ပိုင်းနှစ်များအတွင်း လူနှင့် ကျွဲ၊ နွား တိရိစ္ဆာန်များအတွက် ၀မ်းစာရေး၊ သောက်သုံးရေ ရှားပါးလာမှုများနှင့် ကြုံတွေ့နေရကြောင်း၊ သမိုင်းဝင် မြတ်စောညီနောင်ဘုရား ပတ်ဝန်းကျင် သာယာလှပရေးအတွက်လည်း များစွာထိခိုက်မှုများရှိနေသဖြင့် သောက်ရေခပ်ချောင်းထဲ၌ သဲ၊ကျောက် ထုတ်လုပ်ငန်းများနှင့် ရွှေရှာသော လုပ်ငန်းများကို သက်ဆိုင်ရာ တာဝန်ရှိသူများမှ အမြန်ဆုံးရပ်ဆိုင်းပေးစေရန် လိုလားလျက်ရှိနေကြကြောင်း သိရှိရသည်။
EMG
တရားမ၀င်ရွှေရှာသောလုပ်ငန်းများကြောင့် ဒေသသောက်သုံးရေနှင့် ၀မ်းစာရေးခက်ခဲလာ
![တရားမ၀င်ရွှေရှာသောလုပ်ငန်းများကြောင့် ဒေသသောက်သုံးရေနှင့် ၀မ်းစာရေးခက်ခဲလာ]()
Reviewed by သစ်ထူးလွင်
on
07:04
Rating:
No comments:
Post a Comment