လျှပ်စစ်မီတာခ ဈေးနှုန်းသက်သာစေဖို့ နှင့်လျှပ်စစ်အန္တရာယ်ကွာကွယ်စေရန်….(ပေးစာ)

          ကော့သောင်းမြို့နယ်တွင် ဖိုးသီးချို (P.T.C ) မီးလင်းရေးမှ တမြို့လုံးကန်ထရိုက်ယူထားပြီး သုံးစွဲသူများကိုဝန်ဆောင်မှုအပြည့်အ၀မပေးသည့်အပြင်၎င်းတစ်ဦးတည်းရယူထားသည်ဆိုပြီးမလေးမစားပြုလုပ်နေပါသည်။မီတာယူနစ်များကို(၁၅)ယူနစ်မသုံးစွဲမနေရသတ်မှတ်ထားပြီး(မသုံးလျှင်လဲပေးရပါသည်။)မီတာခများကိုလဲပြည်တွင်းမှာပင်ထိုင်းဘတ်ငွေဖြင့်(၂၂.ဘတ်)မြန်မာငွေပေါက်ဈေးဖြင့်(၆၅၀.ကျပ်)နှုန်းထားဖြင့်ကောက်ယူနေပါသည်။လောင်စာဆီဈေးသက်လျှင်မီတာခနှုန်းထားအားတက်ပြီးကျလျှင်မူမသိသလိုလုပ်ထားပါသည်။ဆီဈေးပေါ်တွင်လဲအမြတ်ယူထားပါသည်။ခေတ်မှီသောနိုင်ငံတော်ကြီးတွင်ဓါတ်တိုင်များအားအနိမ့်ဆုံးကွန်ကရစ်တိုင်များသုံးစွဲရမည့်အစားဒေသထွက်ဖြစ်သောမျှောတိုင်ခေါ်ကမ်းနားပေါက်သစ်ပင်များကိုခုတ်လှဲထားသည့်သစ်ပင်တိုင်များအားအဆင်ပြေသလို သုံးစွဲထားပါသည်။

          လျှပ်စစ်ဝါယာကြိုးများကိုလဲစနစ်တကျမသွယ်တန်းထားပဲစည်းကမ်းမရှိ(တပင်ပေါ်တပင်ယှက်ဆိုသလို)ဖြတ်ကျော်သွယ်တန်းထားပါသည်။ကျွမ်းကျင်ဝန်ထမ်းများကိုမခေါ်ထားပဲ(ပြုပြင်ပြောင်းလဲလာသောမအောင်မနေရပညာရေးစနစ်ခေတ်ကြီးတွင်ပင်D>ကိုတောင်မှန်အောင်မရေးနိုင်သူများကို)တိုင်းပြည်၏အရေးကြီးသောအပိုင်းဖြစ်သည့်လျှပ်စစ်တာဝန်ကိုကိုင်သွယ်ခိုင်းထားပါသည်။ဓါတ်တိုင်များတွင်လဲဖျုများကိုလဲမိုးပျံဗူဘောင်းများလိုအစုလိုက်အပြုံလိုကတနေရာတည်းချိတ်ဆွဲထားပါသည်။မိုးရာသီလေပြင်းတိုက်ခတ်ချိန်တွင်လျှပ်စစ်ကြိုးများပူးကပ်ပြီးမကြာခဏ၀ါယာလျှော့ဖြစ်ပါသည်။မီးတိုင်များကျိုးမီးများပြတ်လျှင်လဲပေးထားသောဖုန်းနံပါတ်အားခေါ်တိုင်းခေါ်လို့မရပါအမြဲပိတ်ထားခြင်းကြောင့်ဖြစ်ပါသည်။လူကိုယ်တိုင်သွားခေါ်လျှင်လဲ၎င်းတို့အားထမင်းကျွေးသောကျေးဇူးရှင်ကိုပင်မသင်္ကာသောအကြည့်များဖြင့်ဆက်ဆံပါသည်။ချက်ချင်းလိုက်မလုပ်ပေးပါ ဓါတ်တိုင်များတစ်နှစ်(၂)ကြိမ်လောက်ကျိုးကျပြီးသွားခေါ်လျှင်လဲတိုင်းအားခေါ်ဆိုသူက၀ယ်ပေးရပါသည်။တိုင်စိုက်ထူသည့်အခါတွင်လဲကန်ထရိုက်ယူထားသူကအခမဲ့ဝန်ဆောင်မှုမပေးသည့်အပြင်တပ်စိပ်တစ်စိပ်စာ(၁၆)ယောက်လောက်လာပြီးအားလုံးနေ့တွက်ကိုက်အောင်တိုင်စိုက်ခတောင်းပါသည်။အနည်းဆုံးကျပ်(၂၀၀၀၀)ကျော်လောက်ပေးရပါသည်။မြို့နေလူထုမှာတစ်ခြားမီးယူစရာမရှိခြင်းကြောင့်သိသိကြီးနှင့်ကြိတ်မှိတ်ယူနေရပါသည်။မီတာများအားလဲစက်ရုံကထုတ်သည့်အတိုင်းမတတ်ဆင်ပေးပဲအလည်များအောင်ပြန်လည်ပြုပြင်ပြီးမှတပ်ဆင်ပေးပါသည်။လျှပ်စစ်မီတာများကိုလဲ လည်မှန်မမှန်ကို မျက်စိဖြင့်မှန်းပြီးဆုံးဖြတ်ကြပါသည်။

       
လျှပ်စစ်အားကိုအပြည့်အ၀မပေးသည့်အပြင်မီတာအလည်များအောင်ဆိုပြီးမီးအားပိတ်လိုက်၊လွှတ်လိုက်မကြာမကြာလုပ်ပါသည်။နားလည်ခြင်းကြောင့်ပြောခြင်းမဟုတ်ပါ(P.T.C)၏အတွင်းလူတစ်ဦးကရင်းနှီးမှုကြောင့်ပြောပြလို့သိရခြင်းဖြစ်ပါသည်။သို့ဖြစ်ပါသောကြောင့်တာဝန်ရှိသူများကပြည်သူများဈေးနှုန်းသက်သာပြီး၊အန္တရာယ်ကင်းစေနိုင်သောနည်းစနစ်များဖြင့်ကြီးကြပ်ကွပ်ကဲလမ်းညွှန်ပေးနိုင်စေရန်တာဝန်သိပြည်သူတယောက်အနေဖြင့်တင်ပြလိုက်ပါသည်။
ကော့သောင်းမြို့ မှတာဝန်သိပြည်သူတဦး