လျှပ်စစ်မီးခ ပေးနေရပြီး မီး ပုံမှန် မရရှိသည့် ရွှေတိဂုံ နှစ်၂၆၀၀ ပြည့် ပွဲတော်ကြီး မှ ဈေးသည်များ (ရုပ်/သံ)

ရွှေတိဂုံ စေတီတော် နှစ်၂၆ဝဝ ပြည့် ဗုဒ္ဓပူဇနိယ တပေါင်း ပွဲတော်ကြီးကို မြန်မာသက္ကရာဇ် ၁၃၇၃ ခုနှစ် တပေါင်းလဆန်း တစ်ရက်မှ တပေါင်း လပြည့် နေ့၊ ဖေဖေါ်ဝါရီလ ၂၂ ရက်နေ့မှ မတ်လ ၇ ရက်နေ့အထိ ရွှေတိဂုံ စေတီ၏ အနောက်မုခ်တွင် ရှိသော ပြည်သူ့ရင်ပြင် ၌ စည်ကား သိုက်မြိုက်စွာ ကျင်းပနေပါသည်။အဆိုပါ ပွဲတော်တွင် ဈေးရောင်းသူများကို အခကြေးငွေယူပြီး ဆိုင်ခန်းများ ရောင်းချပေးနေသည့် ရွှေတိဂုံဂေါပက အဖွဲ့က စီစဉ်ပေးသော လျှပ်စစ်မီး မှာ ပုံမှန်မလာခြင်း၊ ဗို့အားများ မပြည့်ခြင်း စသည့် အခက်အခဲများ ရှိနေပါသည်။ သို့သော် ဈေးရောင်းချ နေရသူများသည် ဆိုင်ခန်းခ ပေးရသည့် အပြင် လျှပ်စစ်မီးခ ကိုလည်း သပ်သပ်စီ ထပ်မံပေးဆောင်ရပြီး မီးပုံမှန် မရရှိသည့်အတွက် တပိုင်တနိုင် မီးစက်များ ဖွင့်ကာ ဈေးရောင်းချနေရသဖြင့် အဆင်မပြေမှုများ တွေ့ကြုံနေရပါသည်။

ဘားမားဗီဂျေ