ဗဟိုအမျိုးသမီးဆေးရုံကြီးမှ အတွေ့အကြုံများ

ဗဟိုအမျိုးသမီးဆေးရုံကြီးမှ အတွေ့အကြုံများ (လူသားအချင်းချင်း မေတ္တာထားနိုင်ကြပါစေ)

ယနေ့မြန်မာအမျိုးသမီးတော်တော်များများ အိမ်ထောင်ပြုပြီး ကလေးမီးဖွားတော့မည်ဆိုလျှင် လူတန်းစားအလိုက် (ပုဂ္ဂလိကဆေးရုံ/ အစိုးရဆေးရုံ/ အရပ်လက်သည်)များထံတွင် ယုံကြည်အားကိုးစွာ မီးဖွားကြသည်။ ဗဟိုအမျိုးသမီးဆေးရုံတွင် ကလေးမီးဖွားကြသော အမျိုးသမီးများသည် နာကျင်ခြင်းဝေဒနာကို ပြင်းစွာခံစားရသည်သာမဟုတ်ပဲ မြန်မာလူမျိုးအချင်းချင်း ခေါင်းပုံဖြတ်၊ မိုက်ကြေးခွဲခြင်း ကိုပါ ခံစားနေကြရပါသည်။

ပထမဦးစွာ ဗိုက်နာ၍ဆေးရုံသို့ရောက်လာသောလူနာကို အရေးပေါ်ခန်းတွင် စတင်သန့်ရှင်းရေးလုပ်သောအခါ သန့်ရှင်းရေးခကို ဆေးရုံသန့်ရှင်းရေးဝန်ထမ်းအား ပေးရပါသည်။

လူနာမှတ်တမ်းတင်ပြီး မွေးခန်းသိှု့ တွန်းလှည်းနှင့်တွန်းသွားပေးသောအခါ တွန်းခကို ထိုဝန်ထမ်း(၂)ဦးအား ပေးရပါသည်။ (တစ်ဦးလျှင် ၂---နှုန်းနှင့် နှစ်ဦးစာ) မပေးမနေရ။

မွေးခန်းရောက်သောအခါ ၀မ်းချူခ၊ ကလေးမွေးပေးသောအိုဂျီခ၊ လက်ထောက်ဆရာဝန်ခ၊ ကလေးကောက်ဆရာဝန်ခ၊ အကူဆရာဝန်ခ၊ သန့်ရှင်းရေးလုပ်ပေးသော ဆေးရုံဝန်ထမ်းများ၏ လုပ်အားခ (အမှန်တော့ဖြင့် သူတို့ကအုပ်စုလိုက်တောင်းတာပါ။ မွေးသည့်လူနာ၏ခင်ပွန်း(သို့)အုပ်ထိန်းသူအမျိုးသားများကိုသာ အခန်းထောင့်တနေရာသို့ခေါ်သွားပြီး အုပ်စုလိုက် (၄)၊(၅)ဦးမှ သန့်ရှင်းရေးကဘယ်လို၊ စေတနာထားလုပ်ပေးသည် မည်သို့မည်ပုံနှင့် ဘယ်လောက်မှနော် ကျွန်မတို့ကလူကများတယ် စေတနာထားလုပ်ပေးတယ် ကလေးလဲကောင်းတယ် မိခင်လဲကျန်းမာတယ် စိတ်ချ ဘာညာနှင့် လူကြည့်ပြီး တောင်းချင်တိုင်းတောင်းလို့သာနေပါသည်။ ဤနေရာတွင်ဈေးဆစ်၍ မရပါ။ တောင်းသည့်ပမာဏကိုမပေးနိုင်ပါက အုပ်စုလိုက်ဝိုင်းပြောခြင်းကိုခံရပြီး အပြင်ပြန်ထွက်ဖို့မလွယ်ကူပါ။) ) များကို ပေးရပါသည်။

ပြီးနောက် မွေးဖွားတုန်းက ထမိန်ကိုလဲယူသွားပြီး မတောင်းမိလျှင်ပြန်မပေးပါ။ တောင်းပါကလည်း ဒီလောက်ညစ်ပတ်နေတာ ဘာလုပ်ဖို့ပြန်ယူမှာလဲ ဟုမေးပါသည်။ နောက်ရက် အေးအေးဆေးဆေးနှင့် မျက်နှာချိုသွေးပြီးပြောလျှင်တော့ တစ်ထည်ကို (၅၀၀)၊နှုန်းနှင့်ပြန်ရွေးရပါသည်။

ပိုးသတ်ခန်းထဲမှ လူနာနားနေခန်းသို့ပြန်သွားရသောအခါတွင် တွန်းလှည်းတွန်းခကို နှစ်ယောက်စာ ပေးရသည်။ အခန်းသို့ပစ္စည်းများလိုက်ပို့ပေးသည့် ၀န်ထမ်းမှ စေတနာကြေး၊ အထုပ်များနေရာချပေးပြီး ကုတင်ကိုစောင်များခင်းကျင်းပေးသူ အား စေတနာကြေးများပေးရပါသည်။

မနက်ပိုင်း သန့်ရှင်းရေးဝန်ထမ်းမှ အိမ်သာနှင့်အခန်းကြမ်းပြင်များကိုသန့်ရှင်းရေးလုပ်သောအခါ သူမ၏ဆူပူမှုကိုခံကြရပြီး သန့်ရှင်းရေးခပိုက်ဆံပေးသောလူနာရှင်ဆို မပြောပါ။ (ပိုက်ဆံမတတ်နိုင်ပဲ လာမွေးသူများဆို မျက်နှာအလွန်ငယ်ကြရပါသည်။)

သြော် ဆေးရုံဆိုတာ ပိုက်ဆံမရှိရင်ကလေးမွေးဖို့ဆိုတာ မလွယ်ပါလား။ ပိုက်ဆံရှိလို့တက်တာတောင်မှ လူလူချင်းပြောဆိုဆူပူခြင်းကို ခံရတယ်။ ငွေညှစ်ခြင်းကိုခံရတယ်။ ဒီလိုမျိုးတွေကြောင့် ပိုက်ဆံမတတ်နိုင်လို့ အရပ်လက်သည်နှင့် မွေးဖွားသောအမျိုးသမီးများ၏ ကံကြမ္မာဆိုးသတင်းတွေကို မကြားချင်လျက်ကြားနေရသည်။ ပိုက်ဆံတတ်နိုင်လို့ နာမည်ကြီးဆေးရုံတွေမှာမွေးသောအမျိုးသမီးများ၏ ကံကြမ္မာဆိုးသတင်းတွေကို မကြားချင်လျက်ကြားနေရသည်။ (အဓိကကတော့ စေတနာမထားကြခြင်း)

လူလူချင်းစာနာစိတ်ထားကြပြီး စေတနာတရားလေးများရှိလျှင်တော့ ဆေးရုံကိုအားကိုးပြီးလာကြသောသူများ ပိုမိုယုံကြည်အားကိုးကြမည်မှ ဧကန်မလွဲပါ။

ကိုယ်တွေ့ကြုံသူတစ်ဦး