၁၉၉၈ ခုနှစ်က NLD ဦးဆောင်ပါဝင်ဖွဲ့စည်းခဲ့သည့် ပြည်သူ့လွှတ်တော် ကိုယ်စားပြုကော်မတီ CRPP က ကြေညာထားသည့်အတိုင်း တရားဥပဒေ စိုးမိုးရေးအတွက် ပြည်သူလူထုအား ချုပ်ချယ်သည့်ဥပဒေများအား ဖျက်သိမ်းမည်ဟု NLD ဥပဒေရေးရာကော်မတီ ခေါင်းဆောင်လည်း ဖြစ်သည့် ဦးတင်ဦး က မဇ္ဈိမကို ပြောသည်။
“တစ် ၁၉၅၀ ခုနှစ်က အရေးပေါ်စီမံချက် ဥပဒေ၊ (၅) ည တို့ဘာတို့ပေါ့ဗျာ၊ အဲဒါကို ဖျက်သိမ်းမယ်။ ပထမဆုံးလုပ်မယ့် အလုပ်က အဲဒီဥပဒေကို ပယ်ဖျက်ဖို့။ နောက်ဒုတိယက သိပ်ပြီးတော့ ဆိုးဝါးတဲ့ တရားရုံးမတင်ဘဲ စစ်ဆေးပြီးတော့ ၅ နှစ်ကြာ ချုပ်ထားတဲ့ဟာပေါ့။ နိုင်ငံတော် နှောက်ယှက်သူများ ဘေးအန္တရာယ်မှ ကာကွယ်တဲ့ ဥပဒေပေါ့။ အဲဒါတွေကို ဖျက်ပစ်မယ်ဆိုတဲ့ သဘောထား ဒီနေ့အထိရှိတယ်။ ပြည်သူလူထုနဲ့ အများအကျိုး ထိခိုက်တဲ့ ဥပဒေတွေ အားလုံးကို ဖျက်ပစ်မယ်။ ပြင်မယ်” ဟု ပြောသည်။
ထို့ပြင် အင်္ဂလိပ် ကိုလိုနီအစိုးရက ပြဋ္ဌာန်းထားခဲ့ပြီး ခေတ်အဆက်ဆက် အုပ်ချုပ်သူများ ဆက်ခံကျင့်သုံးခဲ့ကြသည့် ဥပဒေများမှာလည်း ပြင်ဆင်မှု၊ ဖျက်သိမ်းမှုများ ပြုလုပ်ရန် လိုပြီဟု ဆိုသည်။
“ပြည်သူလူထုမှာ ထိခိုက်နစ်နာ ချုပ်ချယ်တာတွေ ဖြစ်တယ်။ ဒီဥစ္စာတွေက အင်္ဂလိပ် ကိုလိုနီလက်ထက်က ၁၈၉၀ လောက်က ရေးသွားတဲ့ ဥပဒေတွေဗျ။ ကျနော်တို့ မြန်မာနိုင်ငံတော်အတွက် တချို့အချက်တွေက မသင့်လျော်ဘူး” ဟု ပြောသည်။
၂၀၁၁ စက်တင်္ဘာလအတွင်းက ကျင်းပခဲ့သည့် ပြည်ထောင်စုလွှတ်တော် ဒုတိယအကြိမ် အစည်းအဝေးတွင် အတိုက်အခံပါတီတခုဖြစ်သည့် အမျိုးသားဒီမိုကရေစီပါတီသစ်မှ အဆိုပါဥပဒေပြင်ဆင်မှုနှင့်ပတ်သက်၍ အဆိုတင်သွင်းခဲ့ဖူးကြောင်း ပြည်သူ့လွှတ်တော်ကိုယ်စားလှယ် ဦးသိန်းညွန့်က မဇ္ဈိမကို ပြောသည်။
“ကျနော်အနေနဲ့တော့  ပြီးခဲ့တဲ့ အပါတ်ကပဲ ၁၉၅၀ ပြည့်အရေးပေါ်စီမံချက် ဥပဒေရုတ်ပေးဖို့ တင်ခဲ့တယ်။ အကျဉ်းသား လွှတ်ပေးဖို့ တင်ခဲ့တယ်။ လွှတ်ငြိမ်းချမ်းသာခွင့် တင်ခဲ့တယ်။ ကျနော် အဲတုန်းက ၈ မဲပဲ ရတယ်” ဟု ၎င်း၏ အတွေ့အကြုံအား ပြန်ပြောင်း ပြောပြသည်။
လက်ရှိ ပြည်ထောင်စုလွှတ်တော်တွင် အာဏာရ ကြံ့ခိုင်ရေးပါတီနှင့် တပ်မတော် ကိုယ်စားလှယ်များ ပေါင်းပါက ၈၀ ရာခိုင်နှုန်းကျော် ရှိနေပြီး NLD အနေဖြင့် ပြည်ထောင်စု လွှတ်တော်အတွက် ယှဉ်ပြိုင်မှုအားလုံး အနိုင်ရပါက ၄၆ နေရာ ရရှိမည်ဖြစ်ကာ ရာခိုင်နှုန်းအားဖြင့် ၁၀ ရာခိုင်နှုန်းစွန်းစွန်း ရရှိမည်ဖြစ်သည်။
“ပြည်သူလူထုကို ဖိနှိပ်တဲ့ ဥပဒေ၊ ဒီမိုကရေစီ စံနှုန်းမပြည့်မှီတဲ့ ဥပဒေ၊ လူ့အခွင့်အရေးစံနဲ့ မကိုက်ညီတဲ့ဥပဒေကို ပယ်ဖျက်ဖို့၊ မူနဲ့ညီတဲ့အလုပ်တွေ အားလုံး ကျနော်ပူးပေါင်းလုပ်မှာပါ” ဟု ဦးသိန်းညွန့်က ပြောသည်။
လွှတ်တော်တွင်း ပူးပေါင်းဆောင်ရွက်ရေးကိစ္စနှင့်ပတ်သက်၍ ဦးသိန်းညွန့်တို့ပါတီအား NLD ဘက်မှ ပြောဆိုကမ်းလှမ်းမှု မရှိသေးကြောင်း သိရသည်။
ကိုပေါက် - နယူးဒေလီ (မဇ္ဈိမ)
လွှတ်တော်ထဲ ရောက်ပါက မတရားဥပဒေ ဖျက်သိမ်းရေး NLD ကြိုးပမ်းမည်
Reviewed by သစ်ထူးလွင်
on
09:53
Rating:
Reviewed by သစ်ထူးလွင်
on
09:53
Rating:
2 comments:
အင်း...
ဒီနေရာမှာ NLD က လိုနေပါတယ်၊
ဦးသိန်းညွန့် က ခွဲထွက်သွားပေမယ့်  သူ့ ယုံကြည်ချက်ကို
ရဲရဲဖော်ထုတ်ကြေညာပြီးမှ ထွက်လျှောက်ခဲ့ တာပါပဲ။
သူ အခု ဘာတွေလုပ်ခဲ့ သလဲ၊ လုပ်နေသလဲ ဆိုတာလည်း
အများအသိပဲမလား၊ သူတစ်ယောက်ထဲ အထဲမှာ “ ဖိုက် ”
နေရတယ်လေ၊ အမေစုက မေ့ နေရင်တောင် အမေစု ဘေးကလူတွေ သတိပေးသင့်ပါတယ်၊
( ကျွန်တော်တစ်ယောက်ထဲ အမြင်ပါ။)
“ အား ” တစ်ခု ဖြစ်ချင်တယ် ဆိုရင် အသေးလေးကအစ
ဆန့် ကျင်ဘက်ဖြစ်ပလေ့ စေ.. ပေါင်းရမယ်လို့ 
မြင်ပါတယ်။
ပြည်သူတွေ ကောင်းဖို့ဆိုပြီး လုပ်ဆောင်မယ် ဆိုတာကတော့ လက်ခံပါတယ် ဥပဒေတစ်ခု ဖျက်သိမ်းမယ် ပြင်ဆင်မယ်ဆို့တာ လိုအပ်မှ လုပ်ရမှာပါ ဘယ်အချိန်က ချမှတ်တဲ့ ဥပဒေဖြစ်ဖြစ် ကောင်းနေသေးတယ် ခေတ်နဲ့ဆီလျှော် တယ်ဆိုရင် လက်ခံရမယ်လေ။ ပြင်သင့်တယ် ပြင်လိုက်လို့ ပြည်သူအကျိုးရှိရင် ပြင်ကြပါ ထောက်ခံပါတယ်။ ဒီနေရာမှာ အဓိက ထည့်သွင်းစဉ်းစားရမယ့် အချက်က ပြည်သူ့အကျိုးရှိမယ် ဆိုကြိုက်တာပြင်ကြပါ အားပေးတယ်။ ပြင်တဲ့ နေရာမှာ သူများလုပ်ထားလို့ပြင်တာ၊ တစ်ဦးတစ်ယောက်ရဲ့ ခံစားချက်ကြောင့် ပြင်တာမျိုး လက်မခံပါဘူး၊ ကိုယ်မကြိုက်လို့ပြင်တာမျိုးတော့ မဖြစ်စေချင်ဘူး ...
Post a Comment