" ကျောက်ရှာလို့မရတဲ့အပြင် ကိုယ့်အတွက်လည်း လုံခြုံမှုမရှိတော့လို့ ဆင်းလာတာပါ။ ဒါ တောင်လမ်းဖွင့်ပေးတဲ့ရက်ပဲ သွားလို့ရတယ်" ဟု ဇန်န၀ါရီလ ၁၁ ရက်နေ့တွင် ဖားကန့်ဒေသ ကရင်ချောင်မှော် မှ ပြန်လာသူ အသက် ၃၂ နှစ်အရွယ် အမျိုးသားတစ်ဦးကဆိုသည်။
ဖားကန့်-အင်းတော်ကြီးလမ်း(ဝှေ့ခါလမ်း) လမ်းကြောင်းမှ နေ့စဉ်လူသောင်းချီစွန့်ခွာလာသည့် အတွက် ဟိုပင်မြို့နှင့် မိုးညှင်းမြို့ မီးရထားဘူတာရုံတို့တွင် လူများပြည့်လျှံလျက်ရှိပြီး ဇန်န၀ါရီလ ၁၀ ရက်နေ့ တွင် အမှတ်(၄၉) အဆန် မြစ်ကြီးနား-နဘားလူစီးရထား(ခေါက်ပြန်) ကိုဟိုပင်ဘူတာမှ ဆက်လက်ဆန်တက် ခြင်းမပြုတော့ဘဲ ယင်းဘူတာမှ အစုန်ဆင်းပေးခဲ့ကြောင်း မိုးညှင်းဘူတာမှ တာဝန်ရှိသူတစ်ဦးက ပြောကြား သည်။
" ဘူတာမှာလူတွေ ပြည့်နေတယ်။ စုန်တဲ့ရထားတိုင်း ပြေးတက်နေကြတာပဲ။ လူကလျော့ တယ်လို့ကို မရှိပါဘူး" ဟု The Voice Weekly ၏ တယ်လီဖုန်းဖြင့် ဆက်သွယ်မေးမြန်းမှုကို ၄င်းကဖြေကြား သ ည်။
ဖားကန့်ဒေသတွင် ကျောက်မျက်တူးဖော်ရေးလုပ်ငန်းခွင်များမှ စွန်ပစ်သည့်မြေများတွင် ကျောက်စိမ်းရှာဖွေကြသည့် အခြေခံလုပ်သား(ရေမဆေးကျောက်ရှာသူ) သုံးသိန်းဝန်းကျင်ရှိပြီး လက်ရှိအနေအ ထားအရ ဖားကန့်ဒေသကို ဆက်လကစွန့်ခွာကြဦးမည်ဖြစ်ကြောင်း အဆိုပါစွန့်ခွာလာသူများ၏ ပြောဆိုချက်အ ရ သိရသည်။
" လုပ်ငန်းအားလုံးရပ်သွားပြီ။ မှော်ခေတ်ပျက်သွားပြီ" ဟုကရင်ချောင်မှော်မှ အသက် ၂၅ နှစ် အရွယ် ရေမဆေးလုပ်သားတစ်ဦးက ပြောကြားသည်။
The Voice Weekly Journal
တိုက်ပွဲများကြောင့် ဖားကန့်ဒေသမှ ကုန်သည်နှင့်အလုပ်သမားသောင်းချီ နေ့စဉ်စွန့်ခွာ
Reviewed by သစ်ထူးလွင်
on
08:05
Rating:
Reviewed by သစ်ထူးလွင်
on
08:05
Rating:
No comments:
Post a Comment