ယင်းဆုပေးပွဲအခမ်းအနားတွင် တစ်နှစ်တာအကောင်းဆုံးဂျာနယ်လစ်ဆု (Journalist of the Year)၊ တစ်နှစ်တာအကောင်းဆုံး သတင်းမီဒီယာဌာနဆု(Media Prize)နှင့် တစ်နှစ်တာ အကောင်းဆုံး အွန်လိုင်းမီဒီယာဆု (Cyber Dissident)စသည်တို့ကို ချီးမြှင့်ပေးအပ်နေခြင်းဖြစ်ပြီး၊ ကမ္ဘာတစ်ဝန်းလုံးရှိ ဂျာနယ်လစ်များနှင့် သတင်းမီဒီယာများထဲမှ အခက်အခဲအမျိုးမျိုးကိုဖြတ်ကျော်ကာ ပရိသတ်များထံသို့ သတင်းများကို တိကျမှန်ကန်စွာ ပေးပို့နေသည့် ဂျာနယ်လစ်များနှင့် မီဒီယာဌာနများကို ရွေးချယ်ကာ ဆုများချီးမြှင့် ပေးအပ်နေခြင်း ဖြစ်သည်။ သတင်းလွတ်လပ်ခွင့်ရရှိရန် အခက်အခဲ၊ အတားအဆီးအမျိုးမျိုးကြားမှ ရုန်းကန်လှုပ်ရှားနေသည့် ဂျာနယ်လစ်များနှင့် မီဒီယာများ၏ ခိုင်မာသည့် မူဝါဒနှင့်ရပ်တည်မှုများကို အသိအမှတ်ပြုသည့်အနေဖြင့် ယင်းဆုများကို နှစ်စဉ်ဂုဏ်ပြုချီးမြှင့်နေခြင်းဖြစ်ကြောင်းလည်း သိရှိရသည်။
ယခုနှစ်အတွက် ပဏာမစာရင်းတွင် တစ်နှစ်တာအကောင်းဆုံး သတင်းမီဒီယာဆု ပဏာမစာရင်း၌ Eleven Media Group(Weekly Eleven News Journal) ပါဝင်နေပြီး၊ တစ်နှစ်တာအကောင်းဆုံး ဂျာနယ်လစ်ဆု ပဏာမစာရင်း၌ Weekly Eleven News Journal အယ်ဒီတာချုပ် ကိုဝေဖြိုး ပါဝင်နေကြောင်း သိရှိရသည်။ ယခုနှစ်ဆုပေးပွဲအခမ်းအနားသို့ တက်ရောက်ရန် Eleven Media Group မှ Weekly Eleven News Journal အယ်ဒီတာချုပ် ကိုဝေဖြိုးနှင့် Premier Eleven Sports Journal တာဝန်ခံအယ်ဒီတာ ကိုမြတ်ထွဋ်ဝင်းတို့ ဒီဇင်ဘာ(၄)ရက်နေ့တွင် ပြင်သစ်နိုင်ငံ၊ ပဲရစ်မြို့သို့ ထွက်ခွာသွားခဲ့ပြီဖြစ်ကြောင်း သိရှိရသည်။
နှစ်စဉ်ဆုပေးပွဲအခမ်းအနား မတိုင်မီတွင် နိုင်ငံတကာမှ ပုဂ္ဂိုလ်များပါဝင် သည့်ဆုချီးမြှင့်ရေး ဂျူရီအဖွဲ့မှ ပဏာမစာရင်းများ ရွေးချယ်ခဲ့ပြီး ထိုအထဲမှဆုရရှိသူကို အပြီးသတ်ရွေးချယ်ကာ ဆုချီးမြှင့် ခြင်းဖြစ်ကြောင်း သိရသည်။ အဆိုပါဆုသည် ကမ္ဘာ့နိုင်ငံ ၂၀၀ ကျော်မှ ရွေးချယ်ချီးမြှင့်သည့်ဆုဖြစ်ပြီး မီဒီယာလောကတွင် အလေးထားသည့် ဆုများအနက်တစ်ခု အပါအ၀င်ဖြစ်ကြောင်း သိရသည်။
Eleven Media Group
RSF သတင်းမီဒီယာဆု Eleven Media Group စာရင်းတင်သွင်းခံရ
Reviewed by သစ်ထူးလွင်
on
12:08
Rating:
Reviewed by သစ်ထူးလွင်
on
12:08
Rating:
2 comments:
ဂုဏ်ယူပါတယ်ခင်ဗျာ။ ။
ဂုဏ်ယူပါတယ်ဗျာ...ELEVEN ရဲ့ကြိုးစားမှုတွေကို ကမ္ဘာက အသိအမှတ်ပြုကြပါပြီ...ဆုရပါစေလို့ဆုတောင်းလိုက်ပါတယ်။
Post a Comment