NLD နှင့် ပြည်ခိုင်ဖြိုး မီးဘေးသင့်ပြည်သူများကို ကူညီ

မီးဘေးသင့် ဒုက္ခသည်များကို နိုင်ငံရေးပါတီ ၂ ခုနှင့် လူမှုရေးအဖွဲ့အစည်းများက ကူညီလှူဒါန်းလျက်ရှိသည်။

ကယ်ဆယ်ရေးစခန်း ဖွင့်လှစ်ထားသော မဟာဝိဇိယရာမကျောင်းတိုက်တွင် အမျိုးသားဒီမိုကရေစီ အဖွဲ့ချုပ်က မြင့်မြတ်သောနှလုံးသား(Nobel Heart)အမည်ဖြင့် ဆေးခန်းဖွင့်လှစ်ကာ လူနာများအား ကူညီပေးနေပြီး၊ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကလည်း ဖြိုးစေတနာ ဆေးခန်းဖွင့်လှစ်ကာ ကူညီကုသပေးလျက်ရှိသည်။

ထို့အပြင် အမျိုးသားဒီမိုကရေစီအဖွဲ့ချုပ်က နံနက်စာအတွက် ထမင်းထုပ် ၁၀၀ လှူဒါန်းပြီး၊ခေါက်ဆွဲခြောက်၊ အ၀တ်အထည်နှင့် ဒန်အိုးဒန်ခွက်များ ဆက်လက်လှူဒါန်းမည်ဟု သတင်းရရှိသည်။

 တာမွေမြို့နယ် ပြည်ခိုင်ဖြိုးပါတီကလည်း လူ ၅၀၀ စာအတွက် ထမင်းထုပ်များ လှူဒါန်းနေသည်။ ရန်ကုန်တိုင်းဒေသကြီး ဒုတိယဥက္ကဋ္ဌက လူ ၁၂၀၀ အတွက် ထမင်းထုပ်များ လှူဒါန်းခဲ့သည်။ လူမှုရေးအဖွဲ့တစ်ခုဖြစ်သော BG သွေးလှူဒါန်းသောအဖွဲ့ကလည်း သွေးလှူဒါန်းမှုများကို ပြုလုပ်နေပြီး၊ ရဲတိုက်ဖောင်ဒေးရှင်းကလည်း အခင်းဖြစ်ပြီးစတွင် မီးသတ်တပ်ဖွဲ့ဝင်များနှင့် ဒုက္ခသည်များ အတွက် ရေသန့်ဗူးလှူဒါန်းကာ အရေးပေါ် လိုအပ်သော ပစ္စည်းများ ထပ်မံလှူဒါန်းရန် သွားရောက်နေသည်။ ရန်ကုန်မြို့တော် စည်ပင်သာယာရေးကော်မတီကလည်း ကျပ် ၁၀ သိန်းလှူဒါန်းသည်။

နာမည်ကျော်သူဌေးကြီးများဖြစ်သော ဦးဇော်ဇော်ပိုင် (Max Myanmar) ကုမ္ပဏီနှင့် ဦးတေဇ၏ ထူးဖောင်ဒေးရှင်းတို့ကလည်း လိုအပ်သည်များ လှူဒါန်းရန် လာရောက်လေ့လာခဲ့သည်။

စေတနာရှင်ပြည်သူများအနေဖြင့် ဒုက္ခသည်များအတွက် ကယ်ဆယ်ရေးစခန်းဖွင့်လှစ်ထားသော မဟာဝိဇိယရာမကျောင်းတိုက်သို့ လွတ်လပ်စွာ လှူဒါန်းနိုင်ကြောင်းလည်း ကြေညာထားပြီး၊ တစ်ဦးချင်းစေတနာရှင်များလည်း လာရောက်လှူဒါန်းနေကြောင်း သတင်းရရှိသည်။

by 7Day News Journal