မြောက်ကိုရီးယား အာဏာရှင် စစ်ခေါင်းဆောင် ကင်မ်ဂျုံအီလ် သေဆုံးကြောင်း သတင်းနှင့်အတူ တောင်ကိုရီးယားတွင် စစ်တပ်များကို အရေးပေါ် အခြေအနေ ကြေညာထားလိုက်ကြောင်း သိရသည်။ မြောက်ကိုရီးယား သတင်းမီဒီယာများက စနေနေ့တွင် ခေါင်းဆောင်ကြီးကင်မ်သည် ရုတ်တရက် ဖျားနာမှုကြောင့် သေဆုံးခဲ့ကြောင်း တနင်္လာနေ့ အစောပိုင်းက သတင်းထုတ်ပြန်ခဲ့သည်။
(ကင်မ်ဂျုံအီလ်၏ အရိုက်အရာကို ဆက်ခံဖွယ်ရှိသည့် တတိမြောက်သားဖြစ်သူ ကင်မ်ဂျွန်အန်း[ယာ])တောင်ကိုရီးယား သမ္မတ အိမ်တော်သည် ထိုသတင်း ထွက်ပေါ်လာပြီးနောက် အမျိုးသား လုံခြုံရေး ကောင်စီ အစည်းအဝေး ချက်ချင်းခေါ်ယူခဲ့ကြောင်း ယွန်ဟပ် သတင်းဌာနက ဆိုသည်။ ပြုံယမ်းအခြေစိုက် အစိုးရပိုင် KCNA သတင်းဌာနက ကင်မ်သေဆုံးကြောင်း အတည်ပြုခဲ့သည်။ ကင်မ်သည် မြို့တော်ပြင်ပသို့ထွက်ကာ လေ့လာမှု ခရီးစဉ်တစ်ခုအတွင်း ရထားပေါ်တွင် ကွယ်လွန်သွားခြင်းဟု သတင်းဌာန၏ အဆိုအရ သိရှိရသည်။
(၂၀၀၇ ခုနှစ်က ပြုံယမ်းတွင် အတူတွေ့ရသည့် တောင်ကိုရီးယားသမ္မတ ရိုမိုဟွန်းနှင့် ကင်မ်ဂျုံအီလ်)မြောက်ကိုရီးယား၏ နာမည်ဆိုးဖြင့် ကျော်ကြားသော အာဏာရှင် စစ်ခေါင်းဆောင်သည် (၂၀၀၈)ခုနှစ် ကတည်းက လေဖြတ်ဝေဒနာကို ပြင်းပြင်းထန်ထန် ခံစားခဲ့ရဖူးသော်လည်း ပြန်လည် သက်သာလာကာ တရုတ်၊ ရုရှားတို့နှင့် ဆက်ဆံရေး တိုးမြှင့်မှုများကို အားကြိုးမာန်တက် ဆောင်ရွက်ခဲ့သေးသည်။
(မြောက်ကိုရီးယားစစ်ဖက်ခေါင်းဆောင်းများနှင့် ကင်မ်ဂျုံအီလ်)(၁၉၉၄) ခုနှစ်က မြောက်ကိုရီးယားနိုင်ငံ ထူထောင်သူ ဖခင် ကင်မ်အီလ်ဆန်ထံမှ အာဏာလက်လွှဲ ရယူခဲ့သည့် ကင်မ်၏ အရိုက်အရာကို တတိယမြောက် သားဖြစ်သူ ကင်မ်ဂျွန်အန်းက ဆက်ခံဖွယ် ရှိနေကြောင်းလည်း သိရသည်။ ကင်မ်သည် အသက် (၂၀) ကျော်မျှသာ ရှိဦးမည်ဟု ယုံကြည်ရသော သားဖြစ်သူကို (၂၀၁၀) ပြည့်နှစ်ကတည်းက ၎င်း၏အရိုက်အရာ ဆက်ခံသူအဖြစ် ခန့်အပ်ပေးထားခဲ့ပြီး ဖြစ်သည်။
(၂၀၀၂ ခုနှစ်က လက်ရှိရုရှားဝန်ကြီးချုပ် ဗလာဒီမာပူတင်အတူတွေ့ရသည့် ကင်မ်ဂျုံအီလ်)By: သစ်ထူးလွင်
ကင်မ်ဂျုံအီလ်၏ အရိုက်အရာကို ဆက်ခံဖွယ်ရှိသည့် တတိမြောက်သားဖြစ်သူ ကင်မ်ဂျွန်အန်း
Reviewed by သစ်ထူးလွင်
on
18:24
Rating:
Reviewed by သစ်ထူးလွင်
on
18:24
Rating:
No comments:
Post a Comment