ဒေါ်အောင်ဆန်းစုကြည်နှင့်တွေ့ဆုံပြီးနောက် ရုပ်ရှင်သရုပ်ဆောင်တို့၏ သဘောထားအမြင်များ

ဓါတ်ပုံ(ဖွေးဖွေး)

ဒေါ်အောင်ဆန်းစုကြည်မှ ရုပ်ရှင် သရုပ်ဆောင် အနုပညာရှင်များနှင့် တွေ့ဆုံခဲ့ပြီးနောက် ဗိုလ်ချုပ်အောင်ဆန်း၏ နှစ်တစ်ရာပြည့်အထိမ်းအမှတ်အဖြစ် ဗိုလ်ချုပ်အောင်ဆန်း၏ အတ္တုပ္ပတ္တိကို ရိုက်ကူးမည်ဖြစ်ကြောင်း ပြောဆိုခဲ့သည်။ ဗိုလ်ချုပ်အောင်ဆန်း၏ အတ္တုပ္ပတ္တိရုပ်ရှင် ရိုက်ကူးမည်နှင့်ပတ်သက်ပြီး  သရုပ်ဆောင်များ၏ အမြင်နှင့် သဘောထားများကို မေးမြန်း စုစည်းထားပါသည်။
ကိုသူရ (ခေါ်) ဇာဂနာ ( ဒါရိုက်တာ ၊ ရုပ်ရှင် သရုပ်ဆောင် )
အတိအကျပြောရရင် ကျနော့်ရဲ့ဆန္ဒကိုက အန်တီနဲ့ အနုပညာသည်တွေကို တစ်ရင်းတစ်နှီးရှိစေချင်တယ် အဆိုတော်တွေနဲ့လည်း တွေ့တယ် သို့သော် အားလုံးသိကြတဲ့အတိုင်း ဒီနေ့တွေ့သလောက် ဗမာပြည်မှာ များတဲ့ အနုပညာရှင်ရှိမှာ မဟုတ်ဘူး ဒီလိုမျိုး တရင်းတနှီးချစ်ချစ်ခင်ခင် ရှိစေချင်တယ် နောက်တော့ အန်တီကိုယ်တိုင်ကလည်း ကျွန်တော်ကိုယ်တိုင်ကလည်း ထောင်ထဲမရောက်ခင်က ဗိုလ်ချုပ်အောင်ဆန်းရဲ့ အတ္ထုပတ္တိကို ရိုက်ချင်တဲ့ဆန္ဒရှိတယ် ကျွန်တော်ကိုယ်တိုင်ကဇာတ်ညွှန်းရေးနေတယ် ဒါကိုလည်း အားလုံးရဲ့ရှေ့မှာ အန်တီကိုယ်တိုင်ကလည်း ဖြစ်စေချင်လို့ တိုက်တွန်းတယ်ဆိုတာကလည်း အနုပညာသမားတွေနဲ့ ပူးပေါင်းပြီး အလုပ်လုပ်ချင်လို့ အန်တီကိုယ်တိုင် ခေါင်းဆောင်ပြီးတော့ သူ့အဖေအကြောင်းကို လုပ်မှာဖြစ်တဲ့အတွက် အနုပညာရှင်သမားတွေကိုယ်တိုင်ကလည်း ကျွန်တော်တို့နဲ့အတူ တရင်းတနှီး တစ်ခုရှိတာက အနုပညာရှင်သမားတွေရဲ့ ခိုင်မာမှုပေါ့ ပေးဆပ်မှု ညီညွှတ်မှု ဆိုတာလေးကိုပေါ့ ဒီနေရာကနေ တည်ဆောက်ပြချင်တယ်။ အတတ်နိုင်ဆုံးတော့ ဒီမှာရှိတဲ့ အနုပညာရှင်တွေ အကုန်လုံး အားလုံးပါဝင်နိုင်အောင် ကျွန်တော်ကြိုးစားပါမယ်။

မောင်မျိုးမင်း  (ဒါရိုက်တာ)
ဘယ်သူတွေပါဝင်မလဲဆိုတာလည်း မသိသေးပါဘူး အခုမှ သန္ဓေတည်ခါစ ဘဲရှိပါသေးတယ် ပြည်ပက ဒါရိုက်တာတွေလည်းပါမယ် သက်ဆိုင်ရာနိုင်ငံတွေပေါ့ အိန္ဒိယ ၊ အင်္ဂလန် ၊ဂျပန် ကလူတွေပါမယ် ၊ ဒီရိုက်မယ့် ဇာတ်လမ်းအပေါ်မှာလဲ ဘယ်လိုမှ မခံစားရဘူး ဒါက ဖြစ်သင့်တာကြာပြီ ကျွန်တော်တို့ကိုယ်တိုင် စိတ်ဝင်စားတယ် အန်တီနဲ့ မတွေ့ခင်ကတည်းက လွတ်လွတ်လပ်လပ် ရိုက်လို့ရရင် ဘာရိုက်လို့ရမလဲလို့ အင်တာဗျူးမှာလဲ ဖြေခဲ့ဖူးတယ် ဗိုလ်ချုပ်အတ္တုပတ္တိ ရိုက်ချင်တယ်လို့ ပြောခဲ့တယ် ၂၀၁၅ မှာ ဗိုလ်ချုပ်နှစ်တစ်ရာပြည့်အနေနဲ့ ပြသမှာပါ ။

ဝိုင်း (ဒါရိုက်တာ ၊ ရုပ်ရှင် သရုပ်ဆောင် )
နှစ်ရက်သုံးရက်အတွင်းမှာဘဲ ဒီလူတွေ စုံပြီးတော့ ဘာလုပ်မယ်ဘာလုပ်မယ်ဆိုတာကို တိုင်ပင်ဖို့ အရေးကြီးပါတယ် နောက်တစ်နှစ်လောက်ကြာမှ ဒီအလုပ်တွေက ဖြစ်မှာပါ သရုပ်ဆောင်ရှာရမယ် ၊ ဇာတ်ညွှန်းကို ဘယ်ပုံစံသွားရမယ်ဆိုတာ အဓိက ချဉ်းကပ်ရမှာပါ သမိုင်းရဲ့ အထောက်အထားမှာ အားနည်းချက် အားသာချက်ရှိတယ် ကိုယ်ယူရင် ယူသလိုရတဲ့အပိုင်းတွေလည်း ရှိတယ် အဲ့တော့ ဗမာနိုင်ငံရဲ့  သမိုင်းကို အားနည်းချက်ရော အားသာချက်ရော အမျှတဆုံးဖြစ်အောင် ဗိုလ်ချုပ်အကြောင်းသိတဲ့လူ ၊ တတ်ကျွမ်းတဲ့လူတွေကို နားလည်ပြီးတော့ ပြန်တိုင်ပင်ရအုံးမှာပါ ဇာတ်ညွှန်းတည်ဆောက်တဲ့ ပုံစံက နည်းနည်းလေး ပြသာနာရှိပါတယ်။ ရှင်းရှင်းပြောရရင် အကိုလိုချင်တာ ဇာတ်ညွှန်းရေးတဲ့ဆရာ သုံးယောက်လောက်ကို လိုချင်တာ ဒါအကို့ရဲ့စိတ်ကူးပေါ့နော် ဒါအကိုစိတ်ကူးထားတာ ဘယ်သူမှ မတင်ပြသေးဘူး ဒါက အကိုတွေးထားတဲ့ အတွေးပါ အကိုတို့က ဘေးကနေ ၀ိုင်းပေးလိုက်တာ ကောင်းပါတယ် သူ့ရဲ့ခြေဖျားကို အကိုတို့က မမီပါဘူး နိုင်ငံတကာ International နိုင်ငံတကာရဲ့ ခြေဖျားကို အကိုတို့ မမီနိုင်သေးပါဘူး။

ဇင်ဝိုင်း (ဒါရိုက်တာ ၊ ရုပ်ရှင် သရုပ်ဆောင်)
ဝမ်းသာပါတယ် အရမ်းဝမ်းသာပါတယ် ကျွန်တော်တို့ဆီမှာ ရိုက်ဖြစ်တယ် ကျွန်တော်တို့လည်း ပါဝင်ဆင်နွဲရမယ်ဆိုတော့ ပိုပြီး ၀မ်းသာပါတယ် ကျွန်တော်တို့ တက်နိုင်သလောက်ကြိုးစားမှာပါ။

ကြည်ဖြူသျှင် (ဒါရိုက်တာ      )
နောက်ထပ်နောက်ထပ် ဇာတ်ကားတွေ ရိုက်နိုင်ဖို့အတွက် ပထမဆုံး စတဲ့ခြေလှမ်းပေါ့ ဘာလို့လဲဆိုတော့ နိုင်ငံတကာက ဒီလိုကားမျိုးဆိုရင် စိတ်ဝင်စားတယ် သူတို့စိတ်ဝင်စားမှုကိုရရင် အမတို့ ဒီလောကသားတွေ အတွက်လည်း နောက်ထပ်လှမ်းမဲ့ အနုပညာခြေလှမ်းတွေအတွက် အကြီးမားဆုံး လမ်းကြောင်းတစ်ခု ဖြစ်သွားမယ်။
ချိုပြုံး (ရုပ်ရှင်သရုပ်ဆောင် )
အန်တီတို့ကတော့ လူကြီးတွေထားတဲ့နေရာမှာ ရိုက်ပေးမှာပါ။ 

ထွန်းအိနြေ္ဒဗိုလ် (ရုပ်ရှင် သရုပ်ဆောင် )
ဗိုလ်ချုပ်အကြောင်းကို ဘာမှ မထိန်မချန်ဘဲ အမှန်အတိုင်းရိုက်ဖို့ ခေါ်ပြီးဆွေးနွေးကြတာပါ အမတို့အနေနဲ့ကတော့ သရုပ်ဆောင်မှ မဟုတ်ပါဘူး ဘယ်နေရာကနေနေ ကျွန်မတို့ကိုခိုင်းခိုင်း  ပါဝင်ဖို့ အသင့်ပါဘဲ။ ဗိုလ်ချုပ်အကြောင်းဖြစ်နေတော့ ကျွန်မတို့ အမျိုးသမီး သရုပ်ဆောင်တွေ အနေနဲ့လည်း ပါဖို့ သိပ်မလိုဘူးပေါ့နော် နောက်ကျွန်မတို့က သရုပ်ဆောင်မှ မဟုတ်ပါဘူး အမေဘယ်နေရာကခိုင်းခိုင်း ကျွန်မတို့ သရုပ်ဆောင်ဖို့ အဆင်သင့်ပါဘဲ ကျွန်မလုပ်နိုင်သမျှ လုပ်ပေးဖို့ ကျွန်မ Ready ပါဘဲ။

ပြေတီဦး (ရုပ်ရှင် သရုပ်ဆောင် )
ကျွန်တော်တို့ မပြောတတ်သေးဘူးဗျ အဲ့ဒါတွေက အစိတ်အပိုင်းတွေ အများကြီးရှိတယ် ကျွန်တော်တို့က ဘယ်လို ပါဝင်မလဲ ဘယ်လိုလုပ်ကြမှာလဲ ဒီအချိန်မှာက လုပ်ချင်တယ်ဆိုတဲ့ ဆန္ဒတစ်ခုတည်းဘဲ ရှိသေးတယ်

နေတိုး (ရုပ်ရှင် သရုပ်ဆောင်)
သုံးလပိုင်းမှာလို့တော့ ဆုံးဖြတ်လိုက်တာ မရှိသေးပါဘူး အလျှင်နဲ့ အမြန်ဆုံးလုပ်ရမှာပေါ့ ။

ကျော်ကျော်ဗိုလ် (ရုပ်ရှင် သရုပ်ဆောင် )
အခုအကိုတို့ ငွေရေးကြေးရေးပိုင်းကစရော အနုပညာပိုင်းကစရော အစအစအရာရာ ပံ့ပိုးပေးဖို့ ဆုံးဖြတ်လိုက်တဲ့ အတွက်ကြောင့် ဦးဦးဖျားဖျား ဒီသုံးလပိုင်းမှာ နှင်းဆီအဖွဲ့ကမယ် နှင်းဆီအဖွဲ့ပြန်ကမယ် ကလို့ရသော ပွဲရဲ့ ၀င်ငွေအားလုံးကို ဗိုလ်ချုပ်အောင်ဆန်း အတ္တုပတ္တိရုပ်ရှင် ဇာတ်ကားကြီး ဖြစ်မြောက်ရေး အတွက် စတင်ပြီးလှူဒါန်းမယ်ဆိုတာ နှင်းဆီအဖွဲ့က လူတွေအားလုံး ဆုံးဖြတ်လိုက်တယ် အဲ့အတွက်ကြောင့်လည်း အရမ်းကို ပီတိဖြစ်တယ်။












ဝင့်သင်ဇာကျော် (မြစ်မခ)
Myanmar News Now
ဒီဇင်ဘာ ၅၊ ရန်ကုန်မြို့။