ကုမ္ပဏီအတွက် မြေဧက ၆၀၀ ကျော် သိမ်းဆည်းရန် သတ်မှတ်

ကရင်နီ (ကယား) ပြည်နယ် ဒီးမော့ဆိုမြို့နယ် အရှေ့ဘက် ဓါတ်သတ္တုထွက်သည့် တဖိုကျေးရွာ တ၀ိုက်ရှိ မြေများအား ကုမ္ပဏီများလုပ်ကိုင်ရန် သက်ဆိုင်ရာ ဋ္ဌာနနှင့် ကျေးရွာဒေသခံများအား အသိပေးခြင်း မရှိပဲ သတ်မှတ်ထားပြီဟု အမည်မဖေါ်လိုသော မြေစာရင်း ဋ္ဌာနမှ ၀န်ထမ်းတဦးကပြောသည်။

သိမ်းဆည်းရန် သတ်မှတ်ထားသည့် တဖိုကျေးရွာ အနီးရှိမြေများ

သတ်မှတ်ထားသည့်နယ်မြေများမှာ ကရင်နီ(ကယား)ပြည်နယ် ဒီးမော့ဆိုမြို့နယ်အရှေ့ဘက်ခြမ်းရှိ သတ္တုတွင်းထွက်သည့် တဖိုရွာအမည်ရှိ ကျေးရွာနှင့် နီးစပ်သည် နယ်မြေဧရိယာများဖြစ်သည်။

၎င်း ၀န်ထမ်းက “သူတို့က အပေါ်ကနေ တိုက်ရိုက်ကျလာတာဖြစ်တယ်။ ဒါတွေအားလုံးက သွားတိုင်းမယ်လုပ်မယ်ဆိုရင် မြေတိုင်းတဲ့လူတွေနဲ့ဆိုင်တယ်။ အားလုံးသိထားရမယ်။ အခုက တိုင်းတာတွေလဲမသိရဘူး မြေပုံပေါ်ရောက်မှသိရတယ်။ တော်တော်လေးအာဏာရှိတဲ့ သူတွေမို့ ဒီလိုလုပ်ပိုင်ခွင့်ရတာဖြစ်တယ်“ ဟု ပြောသည်။

စစ်သုံးမြေပုံပေါ်တွင် တိုင်းတာတွက်ချက် သတ်မှတ်ထားပြီး နောက်ပိုင်းမှသာ မြေတိုင်းနှင့် မြေစာရင်းရုံးသို့ အသိပေးသည်ဟု ၎င်းက ပြောသည်။ ခန့်မှန်းခြေဧက (၆၀၀) နှင့်အထက်ရှိပြီး သူရကံချွန်၊ နဂါးရောင်ခြည်၊ ထီးပွင့်ကန်ဟူ၍ ကုမ္ပဏီအမည်များကို မြေပုံပေါ်တွင် နေရာအသီးသီး သတ်မှတ်ထားသည်ဟု မြေစာရင်းဝန်ထမ်း က ပြောသည်။


လက်ရှိတွင် ၎င်းနယ်မြေသည် ဒီးမော့ဆိုမြို့နယ်တွင် သစ်တောဖုံးလွှမ်းမှု အများဆုံးကျန်ရှိ သည့်နယ်မြေဖြစ်ပြီး ခဲ၊ ခနောက်စိမ်းကဲ့သို့သော သဘာဝသံယံဇာတ အရင်းအမြစ်များစွာရှိသည့် နယ်မြေအဖြစ် သိရှိထားကြသည်။
ကုမ္မဏီများမှ အစိုးရအာဏာပိုင်ထံမှ လုပ်ပိုင်ခွင့်ရရှိထားကြပြီး မြေနေရာများအသီးသီး သတ်မှတ်ထားကြသော်လည်း လုပ်ငန်း အကောင်အထည်ဖော်ဆောင်ရွက်ခြင်း မပြုလုပ်နိုင်သေးကြောင်း ဒေသခံတဦးက ပြောသည်။

ဒေသခံ သဘာဝပတ်ဝန်းကျင်းထိန်းသိမ်းရေးဆိုင်ရာ အသိပညာပေးအဖွဲ့မှ တာဝန်ရှိသူတဦးက “ကုမ္ပဏီတွေ ၀င်လာရင်တော့ ဆိုးကျိုးနဲ့ကောင်းကျိုးက ဆိုးကျိုးအများဆုံးဖြစ်တယ်။ သူတို့က ခဲထုတ်မယ်ဆိုရင် အရင်ဆုံးသစ်တွေ အကုန်ထုတ်မယ်။ တော၊ တောင်၊ ယာတွေနဲ့ တဖိုရွာလည်း အကုန်ပျက်စီးမယ်” ဟုပြောသည်။


“လုပ်တော့မလုပ်သေးဘူး။ ဘာဖြစ်လို့လဲဆိုတော့ ဒီမြေဒီရေက အဖိုးကြီးနယ်မြေဖြစ်နေလို့ ထင်ပါတယ်။ သူတို့လာမလုပ်ရဲသေးတာနေမှာပါ ” ဟုပြောသည်။
တဖိုကျေးရွာနယ်မြေသည် ကရင်နီတပ်မတော် ဒု-စစ်ဦးစစ်ချုပ် ဗိုလ်မှူးချုပ် အောင်မြတ်၏ မွေးရပ်ဇာတိမြေ ဖြစ်သည့် အတွက်ကြောင့် ဖြစ်နိုင်သည်ဟု ယင်းဒေသခံက ရှင်းပြသည်။          ။
ဒီဇင်ဘာ ၂၇၊ ၂၀၁၁ (YPI)