မြန်မာနိုင်ငံသည် ယခင်က ကျားကောင်ရေ ပေါများစွာတည်ရှိခဲ့သည့် နိုင်ငံတစ်နိုင်ငံဖြစ်ပြီး ယခုအခါ တွင် သစ်တောပြုန်းတီးမှုနှင့် တောရိုင်းတိရစ္ဆာန်များ ရောင်းဝယ်ဖောက်ကားမှုတို့ကြောင့် ကျားကောင်ရေ လျော့နည်း ကျဆင်းလာခြင်းကို ရင်ဆိုင် လာရသည်ဟု သိရှိရသည်။
ကျားတစ်ကောင်ရလာရင် လက်ပြတ်နေတာတောင်မှ သိန်း ၈၀ ရတယ်။ သေနေတဲ့တစ်ကောင်လုံး ရမယ်ဆိုရင် သိန်း ၁၀၀ ရတယ်။ ဒါကို ဟိုဘက်မှာလည်း ရောင်းလို့ ရတယ် . . . |
ကမ္ဘာပေါ်တွင် လက်ရှိ ကျားကောင်ရေ ၃၀၀၀ ၀န်းကျင်သာ ကျန်ရှိကြောင်းနှင့် ၁၉၉၈ ခုနှစ်တွင် အကောင်ရေ ၅၀၀၀ မှ ၇၀၀၀ အကြား ရှိခဲ့ကြောင်း သိရှိရသည်။
မြန်မာ၊ ထိုင်း၊ လာအို၊ ကမ္ဘောဒီးယားနှင့် ဗီယက်နမ်နိုင်ငံတို့တွင် ၁၉၉၈ ခုနှစ်က ကျားကောင်ရေ ၁၂၀၀ ၀န်းကျင်ခန့်ရှိခဲ့သော်လည်း ၂၀၁၀ ပြည့်နှစ်တွင် အကောင်ရေ ၃၅၀ ခန့်သာ ကျန်ရှိတော့သည်။
မြန်မာနိုင်ငံတွင် အင်ဒိုချိုင်းနား ကျားနှင့် ဘင်္ဂလားကျားနှစ်မျိုးကို တွေ့ရှိနိုင်ပြီး ကျားကောင်ရေ အများစုကို ဟူးကောင်းချိုင့်ဝှမ်းဒေသ၊ ထမံသီဘေးမဲ့တောနှင့် တနင်္သာရီတိုင်း ဒေသကြီးတို့တွင် တွေ့ရှိရသည်။
“ကျားထိန်းသိမ်းနိုင်မလားဆို တာ လူသားတွေအတွက် စိန်ခေါ်မှု တစ်ရပ်ပဲ။ ဘာလို့လဲဆို နိစ္စဓူဝ ကျားတွေ တောထဲက ပျောက်ပျောက် နေကြတယ်။ အကြောင်းရင်းမှာ အဓိကအကျဆုံးက တရုတ်ပြည်က ကျားရိုးကို ဆေးဘက်ဝင်ဆိုပြီး ယုံ ကြည်ထားတာပဲ။ လူတွေ လိုလားတဲ့ အာနိသင်မျိုးကိုရတယ်လို့ ထင်ယောင်ထင်မှားနဲ့ပေါ့။ ဆေးအမျိုးမျိုးဖော်ပြီး ရောင်းကြတော့ ဈေးပေးပြီးဝယ်ကြတယ်၊၊ ကျားရဲ့အရေပြားကလည်း မတန်တဆလှတယ်”ဟု ဦးတင်သန်းက ပြောပြခဲ့သည်။
ကချင်ပြည်နယ်တွင်း တည်ရှိသော အကြီးဆုံး ကျားထိန်းသိမ်းရေး နယ်မြေ ဟူးကောင်းတွင် လက်ရှိ၌ ကျားကောင်ရေသည် ၁၀ ဂဏန်း အောက်တွင်သာ ရှိနေသည်။ ထို့ အတူ တနင်္သာရီဒေသတွင်လည်း ကျားကောင်ရေများ လျော့ကျလာသည်ဟု သိရသည်။
Eleven Media Group
ကျားများ ဈေးကောင်းရရှိနေ၍ မြန်မာနိုင်ငံတွင်း ကျားကောင်ရေ လျော့ကျမှု မြန်ဆန်စွာဖြစ်ပေါ်နေ
Reviewed by သစ်ထူးလွင်
on
20:23
Rating:
Reviewed by သစ်ထူးလွင်
on
20:23
Rating:
1 comment:
ဒီတရုတ်တွေတော်တော်ရက်စက်ကြတယ်။သူတို့ ကသူများအသက်တွေကိုဆေးဖက်ဝင်တယ်ဆိုပြီး တောက်တဲ့ လဲတောက်တဲ့ မလို့  ခုကျားတွေလဲမျိုးပြုန်းတော့မယ်။သူတို့ ကရောမသေတော့မှာကျနေတာပဲ
Post a Comment