မြေအောက် မိုးပျံရထားလမ်း စီမံကိန်း ရန်ကုန်လူထု အထူးစိတ်ဝင်စား (သတင်း/ဗွီဒီယို)

ရန်ကုန် မြေအောက် မိုးပျံရထားလမ်း စီမံကိန်း ဒီဇိုင်း (ရုပ်/သံ)

မြန်မာနိုင်ငံ ရဲ့ လူဦးရေခြောက်သန်းနေထိုင်ရာ စီးပွားရေးမြို့တော်ဖြစ်တဲ့  ရန်ကုန်မြို့မှာ ခေတ်မီမြေအောက် မိုးပျံရထားလမ်းဖောက်လုပ်ဖို့  နိုင်ငံခြားကုမ္ပဏီတွေနဲ့  ညှိနှိုင်းဆွေးနွေးနေစဉ် အဲဒီရထားလမ်းစီမံကိန်း ဒီဇိုင်းပုံများ၊ အင်တာနက်နှင့် Facebook များမှာ အခုတလော ပျံ့နှံ့နေတဲ့ သတင်းတွေကို ရန်ကုန် လူထုက အထူးစိတ်ဝင်စားနေကြပါတယ်။

နေပြည်တော်မှာ ၂၈-၁၁-၂၀၁၁ ရက်က အမှတ် (၂) စက်မှုဝန်ကြီးဌာနတွင် ပြည်ထောင်စုဝန်ကြီး ဦးစိုးသိန်းက မီဒီယာများကို ပြောကြားရာမှာ ရန်ကုန်မြို့ကြီးကို စင်ကာပူနိုင်ငံကဲ့သို့ဖြစ်အောင်၊ ခေတ်မီတိုးတက်လာအောင် ကြိုးပမ်းသွားမည်ဖြစ်ပြီး ခုံးကျော်တံတားများ တည်ဆောက်ခြင်းအပြင် မြေအောက်မိုးပျံရထားလမ်းများ အပါအဝင် ခေတ်မီမီးရထားလမ်း ကွန်ရက်များ တည်ဆောက်ရန် ဆောင်ရွက်သွားမည်ဖြစ်ကြောင်း ထုတ်ဖော်ပြောဆိုခဲ့ပါတယ်။

  ဒါအပြင် မလေးရှားနိုင်ငံမှ ကုမ္ပဏီတစ်ခုကလည်း လာရောက်ပြီး ရန်ကုန်မြို့မှာ မြေအောက်မိုးပျံရထားလမ်း တည်ဆောက်ရန်လည်း သက်ဆိုင်ရာများနှင့် ဆွေးနွေးမယ်လို့ ဆိုပါတယ်။

စင်ကာပူ MRT၊ ဟောင်ကောင် MTR၊ ရှန်ဟိုင်း METRO၊ မလေးရှား Subways တို့မှ ပညာရှင်များက Yangon Subway Design ကို ရွေးဆွဲပေးလျက်ရှိပြီး သက်ဆိုင်ရာသို့ တင်ပြဆွေးနွေးလျက်ရှိကြောင်းနှင့် မြန်မာအိုင်တီပညာရှင်များနှင့်လည်း ဆွေးနွေးသွားမယ်လို့ သိရပါတယ်။

High Speed Train အမြန်ရထားလမ်းသစ် အနေနဲ့  တရုတ်ပြည် ကူမင်းမြို့မှ ရန်ကုန်သို့ ဖောက်လုပ်မည်ဖြစ်ကြောင်း သတင်းများဖော်ပြပါရှိခဲ့ပြီး အဲဒီလိုင်းများမှာရန်ကုန်မြို့မှ လက်ရှိရထားလမ်းများနှင့် ဆက်သွယ်နိုင်ဖွယ်ရှိတယ်လို့ လည်း ရန်ကုန် စာနယ်ဇင်းအသိုင်းအ၀ိုင်းက ယူဆနေကြပါတယ်။

By: သစ်ထူးလွင်