ဗိုလ်ချုပ်ရဲ့အတ္ထုပ္ပတ္တိကို ရိုက်ကူးနိုင်ဖို့ ယာယီကော်မတီတစ်ရပ် ဖွဲ့စည်း

ဗိုလ်ချုပ်အောင်ဆန်း ရာပြည့်အထိမ်းအမှတ် ဗိုလ်ချုပ်အတ္ထုပ္ပတ္တိရုပ်ရှင်ဇာတ်ကားရိုက်ကူးရန် ဒေါ်အောင်ဆန်းစုကြည်နှင့် ရုပ်ရှင်နယ် ပယ်မှ အနုပညာရှင်များ တွေ့ဆုံညှိနှိုင်းခြင်းကို ဒီဇင်ဘာလ ၃ ရက်နေ့ မွန်းလွဲ ၃နာရီတွင် ရန်ကုန်မြို့ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည် ၏နေအိမ်တွင် ပြုလုပ်ခဲ့သည်။ အဆိုပါတွေ့ဆုံညှိနှိုင်းခြင်းကို အချိန်တစ်နာရီခွဲခန့်ကြာအောင် ပြုလုပ်ခဲ့ခြင်း ဖြစ်ပြီး ရုပ်ရှင်နယ်ပယ်အတွင်းမှ ဒါရိုက်တာ၊ သရုပ်ဆောင်၊ ဇာတ်ညွှန်းစသည့်အလွှာများမှ အနုပညာရှင်များ တက်ရောက်ခဲ့ကြသည်ဟု သိရှိရသည်။
 
ဆွေးနွေးညှိနှိုင်းရာတွင် ဒေါ်အောင်ဆန်းစုကြည်က ဗိုလ်ချုပ် နှစ်တစ်ရာပြည့်အထိမ်းအမှတ် ရိုက်ကူးမည်ဖြစ်သည့်အပြင် အတ္ထုပ္ပတ္တိရိုက် ကူးမည်ဖြစ်သောကြောင့် သမိုင်းကြောင်းစာအုပ်များ၊ အထောက်အထားများကို သေချာလေ့လာပြီးမှသာ ရိုက်ကူးစေလိုကြောင်း၊ ရိုက်ကူးရာတွင်လည်း ဗိုလ်ချုပ်အောင်ဆန်းနှင့် အနီးစပ်ဆုံး တူညီနိုင်သူကို ထည့်သွင်းစေလိုကြောင်း၊ ပြည်ပအနုပညာရှင်များ၏ အကူအညီ လိုအပ်ပါက ရယူနိုင်ကြောင်း၊ကော်မတီတစ်ရပ်ဖွဲ့စည်း၍ ဆွေးနွေးညှိနှိုင်းကာ ရိုက်ကူးသွားရန် လိုအပ်ကြောင်းတို့ကို ဆွေးနွေးပြောကြားသွားခဲ့သည်။
တက်ရောက်လာသည့် အနုပညာရှင်များထဲမှ ဗိုလ်ချုပ်အောင်ဆန်း အတ္ထုပ္ပတ္တိရိုက်ကူးရန် ကော်မတီတစ်ရပ်ဖွဲ့စည်းခဲ့ရာ၌ မောင်မိုးသူ၊ ဇာဂနာ၊ မောင်မျိုးမင်း(ရင်တွင်းဖြစ်)၊ ဇင်ဝိုင်း၊ ၀ိုင်း၊ ကြည်ဖြူသျင်စသူ တို့ပါဝင်သည့် ကော်မတီတစ်ရပ်အား ဖွဲ့စည်းခဲ့ပြီး ကျန်အနုပညာရှင်များမှ ကျရာတာဝန်ကို အသီးသီးပါဝင်သွားရန် စီစဉ်ထားသည်ဟု သိရှိရသည်။
''ဗိုလ်ချုပ်ရဲ့အတ္ထုပ္ပတ္တိကို ရိုက်ကူးနိုင်ဖို့ ယာယီကော်မတီတစ်ရပ် ဖွဲ့စည်းတာပါ။ လောလောဆယ်တော့ တိုင်ပင်ညှိနှိုင်းတဲ့ အဆင့်ပေါ့လေ။ တာဝန်အရမ်းကြီးပါတယ်။ လုပ်ရမယ့်အဆင့်တွေ အရမ်းများမှာဖြစ်တဲ့အပြင် နှစ်ရှည်လများ စိတ်ပါဝင်စားစွာ လုပ်ရမှာပါ။ ဒီနှစ်ရက်သုံးရက် အတွင်း ပထမအဆင့်မှာဘာလုပ်မယ်ဆိုတာ တိုင်ပင်ရမှာပါ။ သုတေသန အရင်လုပ်ရမယ်။ ပြီးရင် သရုပ်ဆောင်ရှာရမယ်။ ဇာတ်ညွှန်းကို ဘယ်လိုပုံစံ ရေးရမလဲဆိုတာ ချဉ်းကပ်ရမှာပါ။ အစ်ကို့ရဲ့စိတ်ကူးကတော့ နိုင်ငံတကာပညာရှင်တွေပါမှရမှာပါ။ ဇာတ်ညွှန်းပညာရှင်သုံးယောက် လောက် ပါဖို့လိုပါလိမ့်မယ်'' ဟု ဒါရိုက်တာဝိုင်းကရှင်းပြသွားခဲ့သည်။
ထို့အပြင် ဒါရိုက်တာမောင်မျိုးမင်း(ရင်တွင်းဖြစ်) ကလည်း ''အင်တာဗျူးတစ်ခုမှာ လွတ်လွတ်လပ်လပ် ရိုက်ခွင့်ရရင် ဘာကားရိုက်မ လဲဆိုတဲ့မေးခွန်းကို ဖြေခဲ့ဖူးပါတယ်။ ဗိုလ်ချုပ်ရဲ့အတ္ထုပ္ပတ္တိကို ရိုက်ချင်ပါတယ်လို့ ဖြေခဲ့ဖူးပါတယ်။ အခုကတော့ အရမ်းလုပ်ချင်တဲ့အရာတစ်ခုကို ရိုက်ခွင့်ရမယ်ပေါ့လေ။ သုံးနှစ်အချိန်ကာလအတွင်းမှာ နိုင်ငံတကာက အနုပညာရှင်တွေနဲ့ပါတိုင်ပင်ပြီး အကောင်းဆုံးဖြစ်အောင် ရိုက်ကူးရမှာပါ'' ဟုပြောပြသွားခဲ့သည်။
လူငယ်သရုပ်ဆောင် နေတိုးကလည်း ''ကျွန်တော်တို့ ကျရာ အခန်းကဏ္ဍကနေ ပါဝင်သွားမှာပါ။ ဒီအတွက်ပဲ လာရောက်ခဲ့တာပါ။ ကျွန်တော်တို့ လေးစားအားကျရတဲ့ ခေါင်းဆောင်တစ်ယောက်ရဲ့အတ္ထုပ္ပတ္တိဖြစ်တဲ့အတွက် အင်မတန်အရေးကြီးတယ်လို့လည်း မြင်ပါတယ်'' ဟု ဆိုသည်။
ဗိုလ်ချုပ်အောင်ဆန်း အတ္ထုပ္ပတ္တိရုပ်ရှင်ဇာတ်ကားအား သုံးနှစ်အချိန်ယူရိုက်ကူးရန် စီစဉ်ထားပြီး ဗိုလ်ချုပ် နှစ်တစ်ရာပြည့်ဖြစ်သည့် ၂၀၁၅ ခုနှစ်တွင် ကမ္ဘာ့နိုင်ငံအသီးသီး၌ ပြသနိုင်ရန်စီစဉ်သွားမည်ဟု သိရသည်။
ယင်းရုပ်ရှင်ဇာတ်ကား ရိုက်ကူးရာ၌ ပြည်တွင်းရှိ အနုပညာရှင်များသာမက နိုင်ငံတကာမှ ဒါရိုက်တာများ၊ ဇာတ်ညွှန်းပညာများနှင့် ပူးပေါင်းရိုက်ကူးနိုင်ရန် စီစဉ်ထားသည်ဟု သိရသည်။  ဒေါ်အောင်ဆန်းစုကြည်နှင့် ရုပ်ရှင်အ နုပညာရှင်များတွေ့ဆုံပွဲသို့ ရုပ်ရှင်အနုပညာရှင်များ အများအပြားတက်ရောက်ခဲ့သည်ဟု သိရှိရသည်။
Eleven Media Group