မြန်မာနိုင်ငံဆိုင်ရာ အမေရီကန် မူဝါဒရေးရာ ညှိနှိုင်းရေးမှူး ဒဲရစ်မစ်ချယ် နဲ့ အမေရီကန်လက်ထောက် နိုင်ငံခြားရေး ၀န်ကြီး မိုက်ကယ်ပို့စနာ တို့ဟာ မနေ့ကညနေပိုင်းက လူထုခေါင်းဆာင် ဒေါ်အောင်ဆန်းစုကြည်နဲ့ တွေ့ဆုံခဲ့ကြပါတယ်။
တက္ကသိုလ်ရိပ်သာလမ်းက ဒေါ်အောင်ဆန်းစုကြည်ရဲ့နေအိမ်မှာပဲ တွေ့ဆုံတာဖြစ်ပြီး အဲဒီမှာပဲ အမျိုးသားဒီမိုကရေစီအဖွဲ့ချုပ် ဒုဥက္ကဌ ဦးတင်ဦး အပါအ၀င် အဖွဲ့ချုပ်ရဲ့ဦးဆောင်ကော်မတီဝင်တွေနဲ့ ဆက်လက်တွေ့ဆုံခဲ့ပါသေးတယ်။
အဲဒီလိုတွေ့ဆုံရာမှာ အဖွဲ့ချုပ်ခေါင်းဆောင်တစ်ချို့က လက်ရှိမြန်မာနိုင်ငံမှာ ဖြစ်ပေါ်နေတဲ့ နိုင်ငံရေး ဖြစ်စဉ်တွေနဲ့ပက်သက်လို့ လိုအပ်ချက်တွေကိုထောက်ပြပြောဆိုခဲ့တယ်လို့သိရပါတယ်။
အကျိုးရှိတဲ့ဒီလိုတွေ့ဆုံမှုမျိုး နောက်ပိုင်းမှာလည်းဆက်လက်ပြုလုပ်သွားမှာဖြစ်တယ်လို့ တွေ့ဆုံပွဲအပြီးမှာ အမေရီကန်အထူးသံတမာန် ဒဲရစ်မစ်ချယ်အဖွဲ့က သတင်းထောက်တွေကို ပြောကြားသွားခဲ့ပါတယ်။
အမေရီကန်အစိုးရရဲ့ ကိုယ်စာလှယ်နှစ်ဦးဟာ သူတို့ရဲ့ခရီးစဉ်အတွင်း မကြာသေးခင်က လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာတဲ့ လူရွှင်တော် ကိုဇဂနာအပါအ၀င် မစုစုနွေး ၊ ကိုညီညီဦး ၊ ကိုအာကာဗိုလ် ၊ မထက်ထက်ဦးဝေ ၊ စမ်းချောင်း ကိုကိုကြီးတို့နဲ့လည်း တွေ့ဆုံခဲ့ပြီး ထောင်တွင်းအခြေအနေတွေနဲ့ပက်သက်လို့ မေးမြန်းသွားခဲ့ပါသေးတယ်။
Reviewed by သစ်ထူးလွင်
on
20:28
Rating:
No comments:
Post a Comment