အင်းစိန်မြို့နယ်တွင် နိုဝင်ဘာလ ၂၃ ရက်နေ့က အနုကြမ်းစီးလုယက်မှု ဖြစ်ပွား

အင်းစိန်မြို့နယ်၊ တောင်သူကုန်းရပ်ကွက်၊ သာယာရေး (၂)လမ်းရှိနေ အိမ်တစ်ခုတွင် အနုကြမ်းစီးမှု နိုဝင်ဘာလ ၂၃ ရက်နေ့ညနေ ၅ နာရီကျော် အချိန်ခန့်တွင် ဖြစ်ပွားခဲ့ကြောင်း သတင်းရရှိသည်။ အခင်းဖြစ်ပွားချိန်တွင် အဆိုပါအိမ်၌ အိမ်ပိုင်ရှင်များမရှိဘဲ အသက် ၁၇ နှစ်အရွယ် အိမ်အကူ အမျိုးသမီးတစ်ဦးသာရှိကြောင်းလည်း သိရသည်။

''အမေက စင်္ကာပူမှာပါ။အိမ်မှာက အဖေရယ်၊ ကျွန်တော်ရယ်၊ အိမ်အကူ ကောင်မလေးတစ်ယောက်ရယ်ပဲ နေပါတယ်။ကျွန်တော်က လေဆိပ်လမ်းမှာရှိတဲ့ ကုမ္ပဏီတစ်ခုမှာ အလုပ်လုပ်ပါတယ်။ အဖေက ညနေ ၅ နာရီ လောက် ကျွန်တော့ကိုလာကြိုပြီး ၆ နာရီကျော်ကျော်လောက်မှာ အိမ်ပြန်ရောက်တော့ အိမ်ခန်းထဲမှာ အိမ်အကူကောင်မလေးရဲ့ လက်ကိုကြိုးနဲ့တုပ် ပါးစပ်ကို မျက်နှာသုတ်ပ၀ါနဲ့ စည်းထားတာတွေ့ရပါ တယ်။ ကောင်မလေးက အရမ်းကြောက်နေတယ်။ ဒါနဲ့ ရပ်ကွက်အုပ်ချုပ်ရေးမှူးရုံးနဲ့ ရဲစခန်းကို အကြောင်းကြားပြီး ဆေးရုံပို့ပါတယ်။ ကောင်မလေးကို မေးမြန်းကြည့်တော့ အိမ်နောက်ဖေးအခန်းမှာ မျက်နှာကို အ၀တ်စည်းထားတဲ့ လူလတ်ပိုင်း လူစိမ်းနှစ်ယောက်ကို တွေ့တယ်။သူတို့က 'နင်မအော်နဲ့' လို့ ပြောပြီး လက်တွေကိုကြိုးနဲ့ တုပ်၊ ပါးစပ်ကိုအ၀တ်နဲ့ စည်းတယ်။ ပြီးတော့ ရဲကိုအကြောင်း ကြားရင် သတ်ပစ်မယ်ဆိုပြီး လက်ကိုဓားနဲ့ တစ်ချက် မွှန်းသွားတယ်။ ခေါင်းကိုလည်း သမံတလင်းနဲ့ လေးငါးချက်လောက်စောင့်တယ်လို့ ကောင်မလေးက ပြောပါတယ်။ ကောင်မလေးမှာ ဒဏ်ရာအနာတရဖြစ်ပေမယ့် အသက်အန္တရာယ်တော့ လောလောဆယ် မစိုးရိမ်ရပါဘူး။ ကျွန်တော်တို့ စစ်ဆေးကြည့်မိသလောက်တော့ ဘီရိုထဲမှာ သိမ်းထားတဲ့ ငွေကျပ်သုံးသိန်းနဲ့ ခေါင်းအုံးအောက်မှာထားတဲ့ ခုနစ်သောင်းပါသွားတယ်။ကျွန်တော်တို့အနေနဲ့ကတော့ ဖြစ်စဉ်ကို အမှန်အတိုင်း ဖြစ်စေချင်ပါတယ်။ တရားခံကို အမြန်ဆုံးဖော်ထုတ်ပြီး ထိထိရောက်ရောက် အရေးယူပေးစေချင်ပါတယ်'' ဟု အိမ်ရှင် ကိုစောဘုန်းမြင့်မောင်က ပြောပါသည်။

''ကျွန်တော်သိရသလောက်တော့ ညနေ ၅ နာရီခွဲဝန်းကျင်လောက်မှာ ဖြစ်တာပါ။ ဖြစ်တဲ့အိမ်မှာက အဲဒီအချိန် အိမ်အကူအမျိုးသမီး တစ်ယောက်တည်း ရှိတဲ့အချိန် ဖြစ်ပါတယ်။ လူနှစ်ယောက် က အိမ်နောက်ဖေးဘက်က ၀င်လာပြီး အိမ်အကူအမျိုးသမီးကို ကြိုးတုပ်၊ လက်ကိုဓားနဲ့မွှန်းပြီး ခေါင်းကိုကြမ်းပြင်နဲ့စောင့်တယ်လို့ သိရတယ်။ အိမ်ရှင်တွေ ရောက်လာပြီး သက်ဆိုင်ရာတွေကို အကြောင်းကြားပြီး ကောင်မလေးကို အင်းစိန်ဆေးရုံ ပို့လိုက်တယ်လို့ သိရပါတယ်။ အခင်းဖြစ်သွားတဲ့အိမ်က ဒီနေ့ညနေ အစောပိုင်းကပဲ ကားအရောင်းအ၀ယ် သိန်း ၈၀ နဲ့ ဖြစ်သွားတယ်လို့ ပြောကြတယ်''ဟု အိမ်နီးချင်းတစ်ဦးက ပြော ကြားခဲ့သည်။

''ဒီနေရာက လမ်းသွယ်ဆိုပေမယ့် လမ်းသွားလမ်းလာလည်း မပြတ်ပါဘူး။  ပြီးတော့ဖြစ်တဲ့အချိန်ကလည်း အလုပ်ပြန်တဲ့အချိန်ဖြစ်လို့ လူတွေလည်းရှိပါတယ်။ အရင်ကတော့ ကျွန်တော့တို့ လမ်းမှာ ဒီလိုဖြစ်တာမျိုး မကြားဖူးဘူး'' ဟု အဆိုပါလမ်းအတွင်း နေထိုင်သူတစ်ဦးက ပြောကြားခဲ့သည်။

ယခုဖြစ်စဉ်နှင့်ပတ်သက်၍ အင်းစိန်မြို့နယ်ရဲတပ်ဖွဲ့စခန်းသို့ ဆက်သွယ်မေးမြန်းခဲ့ရာ အနုကြမ်းစီးလုယက် ဖြစ်ပွားခဲ့ကြောင်း အတည်ပြုခဲ့ပြီး လတ်တလောတွင် အမှုအား စစ်ဆေးဆဲဖြစ်ကြောင်းနှင့် လိုအပ်သည့် စုံစမ်း စစ်ဆေးမှုများကို ဆက်လက်ဆောင်ရွက်သွားမည်ဖြစ်ကြောင်း အင်းစိန်ရဲစခန်းမှ တာဝန်မှူး ဒုရဲအုပ်ဝင်းလှိုင်က ပြောကြားခဲ့သည်။ အဆိုပါဖြစ်စဉ်ကို အင်းစိန်မြို့နယ် ရဲတပ်ဖွဲ့စခန်းက (ပ)၂၁၈၃/၂၀၁၁၊ ပြစ်မှုဆိုင်ရာ ဥပဒေပုဒ်မ ၃၉၂ ဖြင့် အမှုဖွင့် စစ်ဆေးဆောင်ရွက်လျှက်ရှိကြောင်း သိရှိရသည်။

Source ; www.news-eleven.com