"မူလဥပဒေကြမ်း အပိုဒ် ၂-အပိုဒ်ခွဲ (ဇ)၌ 'အလံကိုင်ရာတွင် နိုင်ငံတော်အလံ၊ တရားဝင် ပါတီနှင့် တရားဝင်အသင်းအဖွဲ့ အလံတို့ ပါသည် ဆိုတဲ့ မူလဥပဒေကြမ်းပါ ဖော်ပြချက်ကို ပြည်သူ့ လွှတ်တော်က အတည်ပြုထားတဲ့အတွက် အမျိုးသားလွှတ်တော်ရဲ့ ပြင်ဆင်ချက်ကို လွှတ်တော်ရဲ့ အဆုံးအဖြတ်ရယူမှာဖြစ်ပါတယ်။ "...နိုင်ငံတော်အလံမပါဘူးဆိုတဲ့ အမျိုးသားလွှတ်တော်ရဲ့အဆိုကို မဲခွဲ ဆုံးဖြတ်မှာဖြစ်တယ်။ ဒီလိုအဆုံးအဖြတ်ရယူရာမှာ စက်ခလုတ် သုံးပြီး ဆန္ဒမဲပေးတဲ့ နည်းလမ်းနဲ့ ဆောင်ရွက်မှာ ဖြစ်ပါတယ်။ သဘောတူရင် အစိမ်းရောင် ခလုတ်၊ မတူရင် အနီရောင်၊ ကြားနေရင် အ၀ါ ရောင်ခလုတ်ကို နှိပ်ရမှာ ဖြစ်ပါတယ်'။ 'အမျိုးသား လွှတ်တော်ရဲ့ ပြင်ဆင်ချက်တွင် ဤဥပဒေ ကြမ်း၏ အစိတ်အပိုင်းဖြစ်သည်' အဆိုကိုဆန္ဒ မဲပေးနိုင်ကြပါပြီ"ဟူ၍ ပြည်ထောင်စု လွှတ်တော် နာယက ဦးခင်အောင်မြင့်က လွှတ်တော်သို့ ရှင်းပြအပြီးတွင် အဆိုကို ထောက်ခံမဲ ၁၃၉ မဲ၊ ကန့်ကွက်မဲ ၄၁၆ မဲ၊ ကြား နေမဲ ၂၂ မဲတို့ ရရှိသောကြောင့် အမျိုးသားလွှတ်တော်အဆို ရှုံးခဲ့ပြီး ပြည်သူ့လွှတ်တော်က အတည်ပြုခဲ့သော နိုင်ငံတော်အလံ ကိုင်ဆောင်ခွင့်အဆို အနိုင်ရရှိခဲ့သည်။
ပြည်ထောင်စုလွှတ်တော်သို့ တက်ရောက်ခွင့် ရ လွှတ်တော်ကိုယ်စားလှယ် ၆၁၃ ဦး ရှိသည့် အနက် ယခင်ကြိုတင်ခွင့်ယူထားသူ ၁၅ ဦး၊ အစည်းအဝေး ပဉ္စမနေ့တွင် ခွင့်တင်သူ ၁၂ ဦး ရှိသဖြင့် ၎င်းနေ့ အစည်းအဝေး တက်ရောက် သူ လွှတ်တော်ကိုယ်စားလှယ် ၅၈၅ ဦးရှိရာ ၎င်းတို့အနက် ၄၁၆ ဦးတို့မှာ အမျိုးသား လွှတ်တော်၏ အဆိုကို ကန့်ကွက်ခဲ့ကြခြင်း၊ တစ်နည်းအားဖြင့် ပြည်သူ့လွှတ်တော်၏ နိုင်ငံတော်အလံ ကိုင်ဆောင်ခွင့် အဆိုကို ထောက်ခံခဲ့ကြခြင်းဖြစ်သည်။
ထိုသို့ ဆန္ဒမဲ မပေးမီ၌ လွှတ်တော်နှစ်ရပ် သဘောကွဲလွဲသည့် အချက်များအပေါ် ပြည်ထောင်စုလွှတ်တော် ကိုယ်စားလှယ်များ ဖြစ်ကြသော သင်္ဃန်းကျွန်း မဲဆန္ဒနယ်မှ ဦးသိန်း ညွန့်၊ ရခိုင်ပြည်နယ် မဲဆန္ဒနယ် အမှတ်(၁)မှ ဒေါက်တာ အေးမောင်၊ ဘိုကလေး မဲဆန္ဒနယ်မှ ဦးမြသိန်းနှင့် ကျိုင်းတုံ မဲဆန္ဒနယ်မှ ဦးစတီဖန် တို့က နိုင်ငံတော်အလံ ကိုင်ဆောင်ခွင့်ဘက်မှ ပြည့်စုံသော ဥပဒေ၊ သမိုင်းအထောက်အထားများဖြင့် ထောက်ခံခဲ့သည်။
စိုးသန်းလင်း
ဥပဒေနှင့်အညီ ငြိမ်းချမ်းစွာ စုဝေး၊ စီတန်းဆန္ဒပြခွင့် ရတော့မည်
Reviewed by သစ်ထူးလွင်
on
06:07
Rating:
Reviewed by သစ်ထူးလွင်
on
06:07
Rating:
1 comment:
ကျုပ်ကတော့ မြန်မာပြည်သားဖြစ်ရတာကို ရှက်နေပြီ။
နိုင်ငံခြားမှာ ဘယ်နိုင်ငံကလာလဲ၊ဘာလူမျိူးလဲလို့ မေးခံရတာလောက်ရှက်စရာကောင်းတာမရှိဘူး။ ဒုစရိုက်သမားက ဗိုလ်လုပ်။
ခိုးထားဝှက်ထားတာနဲ့စားသောက်၊ မတရားအကျဉ်းချ၊ အကျင့်ပျက် ခေါင်းဆောင်နဲ့အကျင့်ပျက် စစ်သား၊၀န်ထမ်းတွေနဲ့ဖွဲ့စည်းထားတဲ့ စစ်အစိုးရ၊ တိုင်းရင်းသားတွေကို မတ၇ားအနိုင်ကျင့်ဗိုလ်ကျ၊ နိုင်ငံပိုင်တွင်းထွက်ပစ္စည်းသယံဇာတတွေကို စာရင်းမရှိ အင်းမရှိ ခိုးယူစားသောက်(ပြည်သူကိုတ၇ားဝင်မတင်ပြ)၊ သတင်းစာတွေကိုအမှားလုပ်ပြောခိုင်း၊ သတင်းလွတ်လပ်မှုမရှိ၊ အမေစုရွေးကောက်ပွဲနိုင်တုန်းကလဲ ကုလိကုမာလုပ်ပြီး ခေါင်းဆောင်ခွင့်မပေး၊ အမေစုကိုလုပ်ကြံရန် ကြိုးစား၊ မြန်မာပြည်လူထု ကို သူတို့ပဲဗြောင်လိမ်ပြီး သိန်းစိန် ရွေးကောက်ပွဲနိုင်တယ်ပြောလိုပြော၊ (အဲ့ဒီအချိန်က ရခိုင်မှာမုန်တိုင်းတိုက်လို့ ဒုက္ခရောက်နေတဲ့ ရခိုင်ပြည်သူလူထုတွေမှ ဂရုနာမသက် လိမ်လည်တဲ့ရွေးကောက်ပွဲလုပ်ပြီး)ထိပ်ပြောင်သိန်းစိန်ကို အာဏာရ လူသတ်ခွင့်လွှဲပြောင်းပေးလိုက်တယ်၊ ကုလိကုမာလုပ်ပြီး လိမ်လည်လျှောက်ပြော၊ တကမ္ဘာလုံးက ၀ိုင်းဆဲလဲ ဂရုမစိုက်တဲ့ တနည်းအားဖြင့် တောက်ရှက်မရှိတဲ့ ခေါင်းဆောင်နိုင်ငံမှာလူဖြစ်ရတာကိုက တကယ့်ကိုရှက်စရာပါ။
မြန်မာပြည်သား မပြောနဲ့(ကုန်ကုန်ပြောပါရစေ)မြန်မာပြည်က တီကောင်ဘ၀တောင် မဖြစ်ချင်ပါ။
(မှတ်ချက်။ ။ သူတို့ကတောက်ရှက်မှမရှိတာကိုး၊ နိုင်ငံကိုက ဘုန်ကြီးရိုက်တဲ့နိုင်ငံ လို့ပြောရင်တောင်မမှားပါဘူး။)
Post a Comment