ရှမ်းပြည်နယ် အရှေ့ပိုင်း တာချီလိတ်မြို့တွင် “အမျိုးဘာသာ သာသနာ ကိုယ်သာ စောင့်ရှောက်ရာ” အမည်ဖြင့် နိုဝင်ဘာလ (၂၀) ရက်နေ့မှ ဒီဇင်ဘာလ (၁) ရက်နေ့အထိ တရားပွဲ ကျင်းပနေပြီး နိုဝင်ဘာလ (၂၂) ရက် နေ့ညတွင် ဆရာတော် ဦးဇ၀န ဟောကြားရန်အလှည့် ဖြစ်သော်လည်း ဟောခွင့် မပေးခဲ့ဟု တာချီလိတ်မြို့ခံ တဦးက ပြောသည်။
“တရား မဟောရဘူး။ တနှစ်တိတိ ပိတ်တယ်လို့ ပြောတယ်။ ဆရာတော်ကတော့ ပြောသွား ပါတယ်။ ဒီနှစ်မဟောရလည်း နောက်နှစ်ပေ့ါတဲ့။ အဲဒါနဲ့ နေ့လည် နှစ်နာရီ လောက်မှာ ရန်ကုန်ကို လေယာဉ်နဲ့ ပြန်တက် သွားတယ်။”
ဆရာတော် ဦးဇ၀န ကျန်းမာရေး မကောင်းသည့်အတွက် တရားမဟောနိုင်ကြောင်း အာဏာပိုင် များက ပြောဆိုခဲ့သည်။ သို့သော် ဆရာတော်မှာ ကျန်းမာရေး ကောင်းမွန်ပြီး နေ့လည် (၁) နာရီ အချိန်ခန့်တွင် တာချီလိတ်မြို့ ဗယ်လင်တိုင်း လက်ဖက်ရည်ဆိုင်၌ လာရောက် ဖူးမျော်သည့် ပရိတ်သတ် (၂၀၀) ကျော်အား တရားတိုလေး ဟောကြားပေးခဲ့သည်ဟု ၎င်းက ဆက်ပြောသည်။
တာချီလိတ်မြို့သို့ မလာမီ နိုဝင်ဘာလ(၂၀)နှင့် (၂၁) ရက်နေ့များက ကျိုင်းတုံမြို့တွင် တရား ဟောခဲ့ရာ နိုင်ငံရေးနှင့် ညှိစွန်းသည့် အကြောင်းအရာ တခုခုကို ထည့်သွင်းဟောမိသဖြင့် ယခုကဲ့သို့ ပိတ်ပင် ခံရခြင်း ဖြစ်နိုင်သည်ဟု တာချီလိတ် မြို့ခံများက ထင်ကြေးပေး ပြောဆိုနေ ကြသော်လည်း ဆရာတော် ဦးဇ၀န က တစုံတရာ မိန့်ကြားခဲ့ခြင်း မရှိပါ။
ယင်းကိစ္စနှင့် ပတ်သက်၍ သာသနာ့ဥသျှောင် အပြည်ပြည်ဆိုင်ရာ မြန်မာ ရဟန်းတော်များအဖွဲ့ မဲဆောက်ရုံးတာဝန်ခံ ဆရာတော် ဦးဇ၀နက အစိုးရသစ် အနေဖြင့် နိုင်ငံတကာမျက်နှာစာတွင် လွတ်လပ်ခွင့်များ ပေးနေပြီဟု ဆိုသော်လည်း လက်တွေ့မှာ လွတ်လပ်မှု မရှိသေးကြောင်း ပြသခြင်းဖြစ်သည်ဟု မိန့်ကြားသည်။
“မေတ္တာရှင် ဦးဇ၀နတို့ ဒယ်အိုးဆရာတော်တို့ဆိုရင် တကယ့် ပရဟိတလုပ်ငန်းတွေ၊ အကျိုးပြု လုပ်ငန်းတွေကို လုပ်နေတာ။ ဒီလို ဆရာတော်တွေကို အားပေး အားမြောက် ပြုရမယ့် ကိစ္စကို အားပေး အားမြောက် မပြုတဲ့အပြင် လိုက်ပြီးတော့ ကာဆီးကာဆီး လုပ်နေတဲ့အခါကျတော့ ကိုယ့်တိုင်းပြည်အပေါ် စေတနာ ထားပြီး တကယ် ကိုယ်ကျိုးစွန့်လုပ်နေတဲ့ ဘုန်းကြီးတွေကို အနှောင့်အယှက်ပေးတယ်ဆိုတာ တိုင်းပြည်ကို မချစ်ရာရောက်တာပဲ။”
ထို့အပြင် မြန်မာနိုင်ငံသည် ဗုဓ္ဒဘာသာနိုင်ငံဟု ဆိုသော်လည်း သံဃာတော်များအား တရားဟောခွင့် ပိတ်ပင်သည့် ကိစ္စကိုမူ မြို့နယ်အဆင့်ထိ လုပ်ပိုင်ခွင့် ပေးထားသည့်အတွက် နိုင်ငံရေး လုပ်သူများထက် ပိုမို ဆိုးရွားသည့် အနေအထား ဖြစ်သည်ဟုလည်း ဆိုသည်။
တရားဟောခွင့် ပိတ်ပင်ခံရသည့် ဆရာတော် ဦးဇ၀နသည် နာမည်ကြီး ဆရာတော် တပါး ဖြစ်သည့်အပြင် ဒကာ ဒကာမများ လှူဒါန်းသည့် ငွေများဖြင့် မိဘမဲ့ကလေး စာသင်ကျောင်းများ၊ မျက်မမြင်ဆေးရုံများ၊ လူမှုရေး လုပ်ငန်းများနှင့် တရားစခန်းများတွင် အသုံးပြုခဲ့သည်။
တရားပွဲ ပိတ်ခံရသည့်အပေါ် “ဒီဆရာတော်က ဘာသာရေးတရားဘဲ ဟောတာကိုး။ နိုင်ငံရေးတရားဟောတာမှ မဟုတ်ဘဲ။ ဒီတရားကို ပိတ်ပင်တယ်ဆိုတာ ဒကာ၊ ဒကာမ တွေရဲ့ အသိတရားကို ပိတ်ပင်တာနဲ့ အတူတူ ပဲလေ။ အဲဒါ အခု ဒကာ၊ ဒကာမတွေက မကျေနပ်ကြဘူး။” ဟု တာချီလိတ်မြို့ခံက ပြောသည်။
တာချီလိတ်မြို့တွင် နှစ်စဉ် တရားပွဲများ ကျင်းပလေ့ရှိပြီး ယခုနှစ်သည်(၁၄) ကြိမ်မြောက် ဖြစ်ပြီး ဆရာတော် ဦးဇ၀န သည် တတိယအကြိမ်မြောက် လာရောက်ဟောကြားခြင်း ဖြစ်သည်။
နိုဝင်ဘာလ (၁၅) ရက်နေ့က မန္တလေးမြို့ မဟာမြတ်မုနိ ဘုရားကြီးဝင်း မဟာဗုဓ္ဒ၀င် ဗိမ္မာန်တော်ကြီးတွင် သံဃာ ငါးပါးဦးဆောင်၍ ဆန္ဒပြခဲ့ရာ တောင်းဆိုချက်(၃) ချက်အနက် လွတ်လပ်စွာ ပြောဆို ရေးသား ထုတ်ဝေခွင့် ရရှိရေးလည်း ပါဝင်သည်။
NMG
မေတ္တာရှင် ရွှေပြည်သာ ဆရာတော် ဦးဇ၀န တရားဟောခွင့် ပိတ်ပင်ခံရ
Reviewed by သစ်ထူးလွင်
on
18:16
Rating:
Reviewed by သစ်ထူးလွင်
on
18:16
Rating:
2 comments:
ဘာတွေပြောင်းလဲသလဲဆိုတော့ စစ်ဝတ်စုံကနေ အရပ်ဝတ်ပြောင်းတာပေါ့.
စစ်ဝတ်နဲ့အာဏာဆက်ကိုင်ထားလို့မဖြစ်ဘူးလေ။ခုလိုပြောင်းပြီး
နှစ်ငါးဆယ်လောက် အာဏာရှင်တွေပုံစံတစ်မျိုးနဲ့စားလို့ရတာပေါ့။
ပြောင်ကြီးကွ လုပ်ရင်ပြောင်ပြောင်ဘဲ။
မေတ္တာရပ်ခံလိုပါသည်။လက်ရှိအချိန်သည် တိုင်းပြည်၌ စည်းလုံးမှု့ အထူးလိုအပ်ချိန်ဟု ယူဆမိပါသည်။
တိုင်းရင်းသားပြသနာ နိုင်ငံရေးပြသနာများအပြင် ယခုကာလသည် လူမျိုးဘာသာ ပြသနာကိုပါ အထူးကိစ္စ
တစ်ခုအဖြစ် ကြိုတင်၍ ကာကွယ်ခြင်း ပြင်ဆင်ခြင်းနှင့်လိုအပ်သောစီမံမှု့များအား လုပ်ပိုင်ခွင့်ရှိသော
သက်ဆိုင်ရာ အဖွဲ့အစည်းအားလုံးတို့တွင့် ကြိုတင်ညှိနှိုင်းတိုင်ပင်ဆွေးနွေးပြီး ဖြစ်သည်ဟု ထင်မိပါသည်။
အထူးသဖြင့် ဆုံးဖြတ်ပိုင်ခွင့်ရှိသော လူပုဂ္ဂိုလ် ဆရာတော် သံဃာတော်တို့၏ အရည်အ သွေးသည်
တန်ဘိုးအလွန်ကြီးသောကာလဖြစ်ပါသည်။လူအများ လက်ခံသော ကိစ္စရပ်တစ်ခုအား လိုအပ်သည်ဟု
ယူဆ၍ တားဆီးပိတ်ပင်ခြင်း ဆန့်ကျင်ကန့်ကွက်ခြင်းများ ပြုလုပ်ရမည်ဆိုပါက အများနားလည်လက်ခံ
နိုင်အောင် အသိပေးခြင်း ရှင်းလင်းဖေါ်ပြခြင်းများ ပြုလုပ်ပေးသင့်ပါသည်။သာမာန်ဟု ယူဆနိုင်သော
ပြသနာများသည် ကာလ ဒေသ ပေါ်မူတည်ပြီး တန်ဘိုး ကွာတတ်သည်ကို သတိပြုမိပါ၍
သက်ဆိုင်ရာအသီးသီးတို့ သတိမူမိစေရန် ရည်ရွယ်ပြီး ပြောခြင်းဖြစ်ပါသည်။အထူးသဖြင့် ဆုံးဖြတ်ခွင့်ရှိ
လူ အဖွဲ့ တို့၏ ရင့်ကျက်မှု့ အ တွေ့ အကြုံ သည် အလွန် အ ရေးးကြီးသောအချိန်ဖြစ်ပါသည်။
ဆရာတော်၏ ဟောပြောမှု့များ မှားသည်မှန်သည် မိမိမသိပါ။အကယ်၍ မှား မှန် ရှိသည်ဆိုခဲ့လျှင်
ရည်ရွယ်ချက်လား စေတနာလား ဆိုတာ ခြင့်ချိန်ဘို့လိုပါမည်။
Post a Comment