သူရယ် ကျနော်ရယ် ဗုိုလ်အောင်ကျော်ရယ်

ခေါင်းစဉ်မြင်လုို့ လန့်မသွားနဲ့ ကျနော့် အသက်က အခုမှ ၄၀ ကျော်ရယ်သာ၊ လျှောက်ခဲ့တဲ့ လမ်းတွေက ကြမ်းလှတယ်၊ တောသားမှ တော်သားစစ်စစ်၊ ကား မီးရထား ဆုိုတာကုို ၁၉၇၄ မှ စမြင်ဖူးတာ၊ လေယာဉ်ပျံကုိုတော့ ဓာတ်ပုံထဲမှာပဲ တွေ့ခဲ့ဖူးတယ်၊ မျက်စိနဲ့ သေချာမြင်ပြီး ကုိုင်ကြည့်ဖူးတာက ၁၉၉၆ ခုနှစ်မှ၊ ဒါဆုို ကျနော်နဲ့ ဗုိုလ်အောင်ကျော်နဲ့ ဘာမှ မပတ်သက်ဘူး ဆုိုတာ ရှင်းလောက်ပြီနော်၊ ခပ်တည်တည်နဲ့ ညာရင် မြေမျိုမှာကြောက်လုို့ စိတ်ရင်းအတုိုင်း အကုန်ပြောပြနေတာ။

ကျနော့် ငယ်နာမည်က သူပုန်၊ အစုိုးရကျောင်းတက်မှ မောင်မောင်ဌေး ဖြစ်တာ၊ လေးတန်းအောင်တော့ အစ်ကုို အကြီးက မြင့်ဦးဆုိုတော့ မင်းက မြင့်ဌေးပေါ့ကွာဆုိုလုို့ မြင့်ဌေးလုိုက်တာ၊ နာမည်ပြောင်းခ တစ်ပြားမှ မပေးရဘူး၊ ခပ်တည်တည်ပဲ စည်းကမ်းပြည့်ဝသော ဒီမုိုကရေစီ ရနေလုိုက်တာများ ကျနော့်တုို့ တောရွာလေးမှာနော်။

ကျနော်က အနုပညာကုိုချစ်တယ်။ တောမှကြီးပြီး ဟော်လုိုဂစ်တာကုို ချစ်ခဲ့တဲ့ကောင်၊ ကျတော် ဂစ်တာ စတီးတော့ ပလေးဘွိုင်းသန်းနုိုင် (ဦးသန်းနုိုင်) က အကျော်ဒေးယျ အဆုိုတော်၊ ကျနော်က ဟင်္သာတမြို့နဲ့ ၇ မုိုင်ကွာတဲ့ ဒူးယားရွာလေးက လမ်းသူရဲခေါင်း သံလုံး ဆီမှာ ဂျင်ဂျပ် ဂျင်ဂျပ် ဆုိုပြီး ဒီကီးကုို မပီတပီ တီးနေတဲ့ကောင်၊ တရွာလုံးမှာ ဂစ်တာက တစ်လုံးရယ်၊ ၅ မီးနစ် တီးခွင့်ရဖုို့ မနက်ထဲက တပည့်ခံ တန်းစီခဲ့ဖူးပါတယ်။ နောက်မှ သိရတာက ကျနော်တင်တဲ့ ဆရာဆုိုတာလဲ ဂျင်ဂျပ်ကလွဲပြီး တခြားဘာမှမတတ်တဲ့ တက်ယောင်ကား တော်ရိလျှော်ရိ တေလေကြမ်းပုိုး သူများသတ်လုို့ သေတဲ့ (သေချင်းဆုိုး) တကယ့် လမ်းသရဲခေတ်က ဆရာပါ၊ ကုိုယ့် သင်ဆရာရဲ့ ဂုဏ်တွေကုို အမှန်အတုိုင်းဖော်လုို့ ငရဲကျမယ်ဆုို အဲဒီငရဲကုို ကျနော် သွားသင့် မသွားသင့် မဲခွဲဆုံးချက် ရယူချင်တယ်၊ အများက ထောက်ခံလုိုက်ရင်တော့ ကျနော် အမှန်တရားရဲ့ ပြည်သူ့ လွှတ်တော်ထဲကုို ဘယ်တော့မှ ပြန်မလာပါဘူး။ (အရွေးကောက်ခံ အမတ်လုိုလုို ဘာလုိုလုို လုပ်ချလုိုက်ပြန်ပြီ)

ကုိုသန်းနုိုင်ရဲ့ လမ်းဆက်လျှောက်မယ်  သီချင်းကုို ကျနော် တီးတတ်စက၊ တနေ့လုံး ဒီသီချင်းတစ်ပုဒ်ပဲ တီးနေခဲ့ ဆုိုနေခဲ့ဖူးပါတယ်၊ ဒီလုိုနဲ့ တန်းဆောင်တုိုင် ရပ်ကွပ် စင်မြင့်ပေါ် ကျနော် တတ်ခွင့်ရခဲ့တယ်။ ရပ်ကွက် စတိတ်ရှိုး စင်မြင့်ထက်မှာ မျက်လုံးကုို မှိတ် အနုပညာဝိညာဉ်ပူးကပ် ပြီး 'ငါ့ကုိုမုန်းတာ ဘယ်သူတွေလဲ'လုို့ အသံကုန် ကုန်းအော်ခဲ့ဖူးတယ်။ အဲသလုိုအော်ပြီး မျက်လုံးပြန်ဖွင့်ကြည့်တော့ ကျနော့် အဘုိုးက နွားရုိုက်တဲ့ ကျိန်လုံးကုို ကုိုင်ပြီး စင်ထောင့်ကနေ ကျနော့် ကုို အားပေးနေတာ တွေ့လုိုက်တယ်၊ သူ့နှုတ်ကလဲ မင်းကုို မုန်းနေတာ တစ်ရပ်ကွက်လုံးကွဆုိုပြီး အော်ဟစ် အားပေးနေတယ်။ ကလေးဘဝကတည်းက ပရိသတ်ကုို တန်ဘုိုးထားတဲ့ ကျနော်က အဲဒီ နွားရုိုက်ကျိန်ကုို ဆန့်ကျင်ပြီး သီချင်းကုို အစအဆုံး ပြီးအောင်ဆုိုခဲ့သလုို သီချင်းဆုံးတာနဲ့ အားလုံးကုို ကျေးဇူးတင်ပါတယ် ခင်ဗျာလုို့ပြောပြီး စင်ပေါ်က ဝုန်းကနဲ့ ခုန်ချ ထွက်ပြေးခဲ့ဖူးတယ်။

ကျနော့် အနုပညာလမ်းကြောင်း အစက ဒီလုိုလာတာ။ ဒါက ကျနော် လာခဲ့တဲ့ လမ်း၊ ကျနော့် ဘဝနောက်ကြောင်းကုို ဖျက်ကနဲ ထုိုးပြလုိုက်တဲ့ အကွက်တကွက်ရယ်ပါ။ ဇာတ်နာချင်ရတော့ ကျနော်ကုို မွေးတဲ့နေ့မှာ အစုိုးရတပ်နဲ့ ကျနော့် အမျိုးတွေ တုိုက်ပွဲဖြစ်တယ်။ အမေ့ဝမ်းထဲက ထွက်ထွက်ချင်း ယမ်းငွေ့ ဖုန်မှုန့်တွေကြောင့် ကျနော့် မျက်လုံး နှစ်လုံးစလုံး ကွယ်သွားတယ်။ အဘုိုးအဘွား အမိအဘ ကြင်နာ သနားမှုကြောင့် ကျနော့်မျက်လုံးတွေ ပြန်မြင်ခွင့်ရတယ်။ ဒါပေမယ့် တစ်လုံးက ကွယ်လု တစ်လုံးက မှုန်ဝါးဝါး၊ ငယ်ငယ် ကလေးဘဝကတည်းက မျက်မှန်ထူထူ တပ်တဲ့ကောင်မုို့ ပုလင်းဖင်လုို့ နာမည်တွင်ခဲ့ဖူးတယ်။ ကဲ ဇာတ်က ရှည်နေတော့မယ်။ ကျနော့် ဇာတ်ကြောင်းအစကုို ဒီနေရာမှာ ရပ်ပြီး အနုပညာဝါသနာပါတဲ့ ကျနော့်ကုိုယ် ကျနော် တောရွာလေးမှာ လွယ်အိတ်လွယ် မျက်မှန်ထူထူ တပ်ပြီး လယ်ကန်သင်းပေါ် လမ်းလျှောက်နေရင်း  ရန်ကုန် ဘူတာကြီးကုို အရုပ်တွေထပ်ပြီး ကုိုယ့်ကုိုယ်ကုိုယ် ရန်ကုန်ကုို ပုို့လုိုက်မယ်။ (ရန်ကုန်ကုို ရောက်စေသတည်း)

၁၉၈၁ ရန်ကုန် ဗုိုလ်အောင်ကျော်လမ်း မှာ ကျနော် သူ့ကုို စတွေ့တယ်။ သူဆုိုတာ တခြားလူ မဟုတ်ပါဘူး။ ကျနော့် မိန်းမ ဒေါ်ဘေဘီကုို ပြောတာပါ။ ဘေဘီက ၁၆ နှစ် ကျနော်က ၁၆နှစ်နဲ့ ၄ လ။ ကျနော်တုို့ နှစ်ယောက်စလုံးက ကျနော့် အစ်မ အိမ်မှာ အလုပ်လုပ်ကြတယ်။ ရန်ကုန် သိမ်ကြီး ဈေးထဲကုို အသင့်ရောင်းဖုို့ ပုဆုိုးတွေကုို ခေါက် ကော်တင်တဲ့ အလုပ်လုပ်တာပါ။

အလုပ်ပြီးလုို့ သူအိမ်ပြန်တုိုင်း ကျနော်က လုိုက်ပုို့တယ်။ စကားမရှိ စကားရှာတယ်။ ကဗျာလှလှ စာလှလှ တွေ ရွတ်ပြ ပြောပြတယ်။ သူက ကျနော့်ကုို မျက်လုံးဝုိုင်းဝုိုင်းကြီးတွေနဲ့ ကြည့်ပြီး နားထောင်တတ်တယ်။ သေချာတာက သူ့ကုို ကျနော် စိတ်ဝင်စားတယ်။ ချစ်တယ်။ ဒါပေမယ့် ဖွင့်မပြောရဲခဲ့ဘူး။ ဘာလုို့လဲဆုိုတော့ သူက မိန်းမ အစစ်မဟုတ်တဲ့ မိန်းကလေးတယောက် ဖြစ်နေလုို့ပါ။ သူ့ကိုယ်သူ ကျနော်က ခင်ဗျားက စကား ပြောလေ့ရှိတယ်။ လွယ်အိတ်ထဲမှာ ဓားတစ်ချောင် အသင့်ဆောင်ထားတတ်တယ်။ ရန်ဖြစ်လုိုက်ရင် သူလက်က သွက်တယ်။ ရန်ဖြစ်ဖုို့ ကုိုယ်က ဟန်ပြင်တုန်း သူလက်က ဖြောင်းကနဲဆုို ရုိုက်ပြီးနေပြီ၊ ကဲ စဉ်းစားကြည့် အဲသလုို မိန်းကလေး တစ်ယောက်ကို ကျနော်က ဘယ်လုို I Love You လုပ်ရဲမတုန်း။

ကဲ နောက်ဆုံးတော့ မိန်းမက မိန်းမပါပဲလုို့ပါ ပြောရမှာပဲ။ ရုပ်ရှင်ထဲက အတုိုင်း သူ ချော်လဲတယ်။ ခြေထောက်နာတယ်။ ကြင်နာတတ်တဲ့ ကျနော်က (မိန်းကလေးဆုို ကြင်နာပြလွန်းလုို့ မကြာခဏ အဝေဖန်ခံရဖူးတယ်) သူ့ခြေထောက်ကုို ဆေးလိမ်းပေးခဲ့တယ်။ ဒီမှာပဲ သူနဲ့ ကျနော် ရင်ခုန်ခဲ့ကြတယ်။ I Love You မပြောလုိုက်ရဘဲ ချစ်သူဘဝ ရောက်သွားခဲ့တယ်။

ဟုတ်ကဲ့ ကျနော်တုို့ နှစ်ယောက် ချစ်သူဘဝရောက်သွားတဲ့ အဓိက ကျေးဇူးရှင်က ဗုိုလ်အောင်ကျော်ပါ။ သိတယ်နော် ကျောင်းသားခေါင်းဆောင်ကြီး ဗုိုလ်အောင်ကျော် ပါ။ သူ့ကုို ကျနော် သိပ်ကျေးဇူးတင်တယ်။ ဘာ့ကြောင့်လဲဆုိုတော့ ဗုိုလ်နေဝင်းက ကျောင်းသားခေါင်းဆောင်တွေဆုို မုန်းတာကုို။ ဒီတော့ ကျနော်က ချစ်တာပေါ့။ ဘာဆုိုင်လုို့လဲလုို့တော့ မမေးလုိုက်နဲ့ ကျတော် ရှင်းပြမယ်။ ဒီလုိုပါခင်ဗျာ----

မဆလ ပါတီ လက်ထက်မှာ တုိုင်းပြည်စီးပွားရေက ကျတယ်။ ဒီတော့ ရန်ကုန်မှာ အပေါက်တွေက များလာတယ်။ တမျိုးမထင်နဲ့ဦး။ များတယ်ဆုိုတဲ့ အပေါက်က လမ်းတွေ မခင်းနုိုင်တော့တာကုို ပြောတာပါ၊ ရန်ကုန် ပလက်ဖောင်းတွေ ပြန်မပြင်နုိုင်တော့တာကုို ပြောတာပါ။ ဒီတော့ လမ်းတကာ့ လမ်းထဲမှာ ဗုိုလ်နေဝင်း အမုန်းဆုံးက ဗုိုလ်ချုပ်လမ်းနဲ့ ဗုိုလ်အောင်ကျော်လမ်းပါ။  ဒီပုဂ္ဂိုလ်ကြီးတွေ နာမည်နဲ့ ပေးထားတဲ့ လမ်းဆုို မပြုပြင်တဲ့ အပြင် ပျက်ချင်သလောက် ပျက်ဆုိုပြီး ပေယျာလကန် ကုို ထားခဲ့တာ။

ကျနော်နေခဲ့တဲ့ ဗုိုလ်အောင်ကျော်လမ်းဆုို အပေါက်ပေါင်း ရာချီရှိမယ်ထင်တယ်။ မုိုးရွာလုိုက်ပြီဆုိုတာနဲ့  လမ်းပေါ်ရေလျံ။ ဒီတော့ လမ်းလျှောက်တဲ့ သူတွေက လမ်းပေါ်ကုို မျက်မမြင်လုို ဟုိုစမ်းသည်စမ်းလျှောက်ရင်း ချော်လဲတဲ့ လူဆုိုတာ နည်းမှတ်လား။ ဒီအထဲမှာ ကျနော့် မိန်းမ ဒေါ်ဘေဘီလည်းပါသပေါ့။

ကျနော်ကတော့ မကောင်းတာတွေကုိုလည်း အကောင်းမြင်တတ်တဲ့သူဆုိုတော့ ကျောင်းသာခေါင်းဆောင် ဗုိုလ်အောင်ကျော်ကုို မုန်းတဲ့ ဗုိုလ်နေဝင်းကုို ကျေးဇူးတင်နေပါတယ်။

ဒီနေ့ဆုို ကျနော်နဲ့ ဒေါ်ဘေဘီ အိမ်ထောင်ကျတာ ၂၁ နှစ် ပြည့်ပါပြီ။ ကျနော့် ဘဝမှာတော့ သူရယ် ကျနော်ရယ် ဗုိုလ်အောင်ကျော်ရယ် ဇာတ်လမ်းလေးက ရှင်သန်ဆဲပါပဲ။ ကျတော်ကတော့ ဗုိုလ်နေဝင်းမုန်းတဲ့ ဗုိုလ်အောင်ကျော်ကုို ချစ်နေဆဲပါပဲ။

အိမ်ထောင်သက် ၂၁ နှစ် + ရီးစာသက် ၁၁ နှစ် = ၃၂ နှစ် ပြည့် အမှတ်တရ

ကုိုဂျေ