 |
| အသတ်ခံရသူ ကိုကျော်မင်း |
ယင်းဖြစ်စဉ်မှာ နိုဝင်ဘာလ ၁၇ ရက်နေ့ညပိုင်းက မြောက်ဥက္ကလာပမြို့နယ်၊ နွယ်သာကီ ၆ လမ်း အနီးအနားတွင် အသက် ၃၀ အရွယ်ရှိ ကိုကျော်မင်းအား မျက်နှာဖုံးစွပ်သူများ အပါအ၀င် လူအုပ်စုတစ်စုက ၀ိုင်းဝန်း သတ်ဖြတ်ခဲ့ကြောင်း သိရသည်။
ကိုကျော်မင်းမှာ အဆိုပါနေ့ ည၌ သူငယ်ချင်းနှစ်ဦးနှင့်အတူ ဝေဘာဂီ ၆ လမ်းအတွင်းရှိ စားသောက်ဆိုင် တစ်ဆိုင်တွင် စားသောက်နေစဉ် ကိုကျော်မင်းမှာ သန့်စင်ခန်းသို့သွားပြီး ပြန်အလာ၌ ဆိုင်အတွင်းသို့ မျက်နှာဖုံး စွပ်ထားသူများအပါအ၀င် လူအုပ်စု တစ်စုမှဓားများဖြင့် ၀ိုင်းဝန်းခုတ်ခဲ့ကြောင်း သိရသည်။ ထိုအချိန်တွင် ကိုကျော်မင်းက ဆိုင်အပြင်သို့ ရောက်အောင်ထွက်ခဲ့သော်လည်း အပြင်ဘက်၌ လည်း မျက်နှာဖုံးစွပ်များ အပါအ၀င် လူအုပ်စုတစ်စုက ၀ိုင်းဝန်း၍ဓားများဖြင့် ခုတ်ထိုးသတ်ခဲ့ကြောင်း သိရသည်။
အဆိုပါ ဖြစ်စဉ်နှင့်ပတ်သက်၍ မြောက်ဥက္ကလာပမြို့နယ်ရဲစခန်းမှ တာဝန်ရှိသူများက တရားခံများအား ဖမ်းဆီးနိုင်ရန်အတွက် သက်သေများအား ခေါ်ယူစစ်ဆေးနေကြောင်း၊ တရားခံဟုယူဆနိုင်သည့် ပုံသဏ္ဌာန်များကိုလည်း ခဲပန်းချီဆွဲ၍ ရှာဖွေစစ်ဆေးခဲ့ကြောင်းကို နိုဝင်ဘာလ ၂၁ ရက်နေ့က မြို့နယ်ရဲတပ်ဖွဲ့မှူးက ပြောကြားခဲ့သည်။
မျက်နှာဖုံး စွပ်ထားသူများအပါအ၀င် လူအုပ်စုတစ်စုက အသက်၃၀ အရွယ်ရှိ အမျိုးသားတစ်ဦးအား ဓားများဖြင့် ၀ိုင်းဝန်းခုတ်ထိုးသတ်ခဲ့ သည့်ဖြစ်စဉ်တွင်ပါဝင်ခဲ့သူ ခုနစ်ဦး အား ဖမ်းဆီးရမိခြင်းနှင့်ပတ်သက်၍ မြောက်ဥက္ကလာပမြို့နယ် ရဲတပ်ဖွဲ့မှူး ဖြစ်သူ ဒုရဲမှူးဦးစိန်ရိုးက “ဒီနေ့အထိ တော့ တရားခံခုနစ်ယောက်ကို ဖမ်းမိ ထားပြီးသွားပါပြီ။ ဆက်လက်ပြီး စစ်ဆေး ဖော်ထုတ်သွားပါမယ်”ဟု နိုဝင်ဘာလ ၂၅ ရက်နေ့ကပြောကြား ခဲ့သည်။
၎င်းဖြစ်စဉ်ကို မြောက်ဥက္က လာပရဲစခန်းမှ (ပ)၅၂၄/၂၀၁၁၊ ပြစ် မှုဆိုင်ရာဥပဒေပုဒ်မ ၃၀၂/၁၁၄ဖြင့် အမှုဖွင့် စစ်ဆေးလျက်ရှိသည်။
Myanmar News Now
မြောက်ဥက္ကာလာပမှာ ဓားများဖြင့် ၀ိုင်းဝန်းခုတ်သတ်ခဲ့ သည့် ဖြစ်စဉ်၌ ပါဝင်ခဲ့သူ ခုနစ်ဦး ဖမ်းဆီးရမိ
Reviewed by သစ်ထူးလွင်
on
09:50
Rating:
Reviewed by သစ်ထူးလွင်
on
09:50
Rating:
No comments:
Post a Comment