ကျောက်ဆည် ပြည်သူ့ဆေးရုံဝင်းအတွင်း ရေ၀င်ရောက်မှုကြောင့် လူနာများအား အရေးပေါ် ဆင်းခွင့်ပေးခဲ့ရ

အောက်တိုဘာလ ၃ ရက်နှင့် ၄ ရက်နေ့များက ဇော်ဂျီမြစ်ရေလျှံမှုကြောင့် ကျောက်ဆည် ပြည့်သူဆေးရုံ ၀င်းအတွင်း

ရေ၀င်ရောက်၍ လူနာများအား ပြောင်းရွှေ့စဉ်

အောက်တိုဘာလ ၃ ရက်၊ ၄ရက် နေ့များက ဇော်ဂျီမြစ်ရေလျှံမှုကြောင့် ကျောက်ဆည်မြို့တွင် ရေကြီးရေလျှံမှုများ ဖြစ်ပေါ်ခဲ့ရာ ကျောက်ဆည် ပြည်သူ့ဆေးရုံကြီး ၀င်းအတွင်းတွင် လည်း ရေ၀င်ရောက်မှု ဖြစ်ပေါ်ခဲ့သောကြောင့် ဆေးရုံရှိလူနာများအား ရေဘေးလွှတ်ရာ အထပ်မြင့်ကုသဆောင်များသို့ ပြောင်း ရွှေ့ခြင်း၊ စိုးရိမ်ဖွယ်မရှိသော လူနာများအား မိမိတို့နေအိမ်များသို့ ပြန်လွှတ်ခြင်း၊ ဆေးရုံဝန်ထမ်းအိမ်ရာများမှ ၀န်ထမ်းများ နေအိမ်ပြောင်းရွှေ့ခြင်းတို့ ဖြစ်ပေါ်ခဲ့သည်။

ကျောက်ဆည်ဆေးရုံ ရေ၀င်နေမှုကြောင့် လူနာများအရေးပေါ်ဆင်းရန် နှင့်ပြောင်းရွှေ့ရန်အတွက် ရပ်ရွာမှလူထု အပါဝင် ကြက်ခြေနီ၊ မီးသတ်တပ်ဖွဲ့ဝင် များနှင့် စေတနာရှင်များ လာရောက်ကူ ညီပေးကြလျက်ရှိရာ မြင်စိုင်းကျေးရွာမှ ဆေးရုံလုပ်အားပေး အရံမီးသတ်တပ် ဖွဲ့ဝင်တစ်ဦးက “ရေမလွတ်တဲ့ အဆောင်တွေကို ရေလွတ်တဲ့ အဆောင်တွေက လူနာတွေကို ပြောင်းရွှေ့ပေးနေရသလို အရေးပေါ်ဆင်းခွင့်ပေးထားတဲ့ လူနာတွေကိုလည်း အိမ်ပြန်နိုင်အောင် ကူညီပေးနေရတယ်။ အရေးပေါ်ဆင်းခွင့်ပေးတဲ့ လူနာတွေက စိတ်ချရတဲ့အနေအထား ရှိတာကြောင့် အသေအပျောက်တော့မရှိ ပါဘူး။ ဒီနေ့နေ့လည်ပိုင်းအထိ လူနာ ၁၅ယောက်လောက် ရွှေ့ပေးခဲ့ရတယ်။ နောက်ထပ်ပြန်မယ့် လူနာတွေလည်း ရှိနေသေးတယ်”ဟု ပြောကြားပါသည်။

အောက်တိုဘာလ ၃ ရက်နှင့် ၄ ရက်နေ့များက ဇော်ဂျီမြစ်ရေလျှံမှုကြောင့် ကျောက်ဆည် ပြည့်သူဆေးရုံ ၀င်းအတွင်း

ရေ၀င်ရောက်၍ လူနာများအား ပြောင်းရွှေ့စဉ်

“အမေက လေဖြတ်နေတာ ဖြစ်တဲ့အတွက် ပြောင်းရ၊ ရွှေ့ရတာ မလွယ်ကူ ပါဘူး။ သူ့ကို ပြုစုစောင့်ရှောက်ဖို့ ကလည်း မိုးထဲရေထဲမှာသွားရပြုရတာ မလွယ်ကူတာကြောင့် အိမ်ကိုပြန်ခေါ် သွားရတယ်”ဟု သပြေတောင်းကျေးရွာမှ လူနာရှင်တစ်ဦးကလည်း ပြောပါသည်။

ကျောက်ဆည်ဆေးရုံရှိ လူနာများ၏ ရေဘေးနှင့်အရေးပေါ် အခြေအနေ များအတွက် ဒေသတွင်းဆက်စပ်ရာ မြို့ ရွာများမှ စေတနာရှင်များ၊ လူမှုကူညီရေး အသင်းအဖွဲ့များက ထမင်းထုပ်၊ သောက်ရေသန့်၊ ဓာတ်ဆားထုပ်များ လှူဒါန်းကူညီမှုများ ပြုလုပ်လျက်ရှိနေကြသည်။ ရေကြီးမှုကြောင့် ကျောက်ဆည် မြို့နယ်အတွင်းရှိ ကျေးရွာများမှ လူနာများတွင်လည်း အအေးမိဖျားနာ ခြင်း၊ ကိုယ်လက်ကိုက်ခဲခြင်း၊ ယားနာ ဖြစ်ပွားခြင်းတို့ ဖြစ်ပေါ်နေမှုကြောင့် ရေ၀င်ရွာများသို့ ရွာစဉ်လှည့်ကာ ကျန်းမာရေး စောင့်ရှောက်မှုများ ပြုလုပ်ပေးလျက်ရှိသည်ဟု ကျောက်ဆည်ခရိုင်၊ ပြည်သူ့ဆေးရုံမှ တာဝန်ကျဆရာဝန် တစ်ဦးက ဆိုပါသည်။

ကျောက်ဆည်မြို့ပေါ် ရပ်ကွက်များနှင့် ပြည်သူ့ဆေးရုံဝင်း ရေ၀င်ရောက်မှုမှာ ယခုအကြိမ်သည် ထိခိုက်မှုအများ ဆုံးနှင့် ပထမဆုံးအကြိမ် ဖြစ်ကြောင်း၊ ၂၀၀၆ခုနှစ် ရေကြီးစဉ်ကပင် ယခုလောက် ထိခိုက်မှုမရှိကြောင်း မြို့ခံများ ထံမှ သိရှိရသည်။