 |
| နိုင်ငံရေးအကျဉ်းသား တွေကို လက်ညိုးထိုးပြနေတဲ့ AAPP မှ ကိုဘိုကြည် |
အောက်တိုဘာလ ၅ ရက်နေ့ တွင် ကျင်းပခဲ့သည့် ပထမအကြိမ် အမျိုးသားလွှတ်တော် ဒုတိယပုံမှန် အစည်းအဝေး ၃၁ ရက်မြောက်နေ့ အစီအစဉ်တွင် ပြည်ထောင်စုရွေးကောက်ပွဲ ကော်မရှင်အဖွဲ့ဝင်က ယင်းကဲ့သို့ အဆိုတင်သွင်းခဲ့ခြင်း ဖြစ်သည်။
“နိုင်ငံရေးပါတီများ မှတ်ပုံတင်ခြင်းဥပဒေမှာ ပုဒ်မ ၂၇ ခု ရှိပါတယ် ခင်ဗျာ။ ပုဒ်မ ၆(ဂ)ရယ်၊ ပုဒ်မ၁၀(င) ရယ်၊ ပုဒ်မ ၁၂(က) ပုဒ်မခွဲငယ် (၁) ရယ် သုံးခုကို ပြင်ဆင်ဖို့ ဖြစ်ပါတယ်ခင်ဗျာ”ဟု ပြည်ထောင်စု ရွေးကောက်ပွဲ ကော်မရှင်အဖွဲ့ဝင်က အမျိုးသား လွှတ်တော်သို့ ပြောကြားခဲ့သည်။
“ပုဒ်မ ၆ (ဂ) ကတော့ လက်ရှိပြဋ္ဌာန်းချက်က ပြည်ထောင်စု သမ္မတမြန်မာနိုင်ငံတော် ဖွဲ့စည်းပုံ အခြေခံဥပဒေကို ထိန်းသိမ်းစောင့်ရှောက်ရေး ဆိုပြီးတော့ ပြဋ္ဌာန်းချက် ဖြစ်ပါတယ်။
ယခုပြင်ဆင်မယ့် ပြဋ္ဌာန်းချက် ကတော့ ပြည်ထောင်စု သမ္မတ မြန်မာနိုင်ငံတော် ဖွဲ့စည်းပုံ အခြေခံဥပဒေကို လေးစားလိုက်နာရေး ဆိုပြီးတော့ ပြင်ဆင်ထားပါတယ်။
ထိန်းသိမ်း စောင့်ရှောက်ရေး ဆိုတဲ့စကားရပ်အစား လေးစားလိုက်နာရေးဆိုတဲ့ စကားရပ်ကို ပြင်ဆင်ထားပါတယ်။
ပြင်ဆင်ရသည့် အကြောင်းရင်းကတော့ ဖွဲ့စည်းပုံ အခြေခံဥပဒေပုဒ်မ ၄၀၅ (ခ)နဲ့ ညီညွတ်စေရန်အတွက် ရေးသားထားခြင်း ဖြစ်ပါတယ်ခင်ဗျာ။
ဒုတိယ ပုဒ်မ ၁၀ (င)ကို ပြင်ဆင်ဖို့ အဆိုပြုပါတယ်။ ပုဒ်မ၁၀(င)ရဲ့ လက်ရှိပြဋ္ဌာန်းချက်ကတော့ ထောင်ဒဏ်ကျခံနေရသူ မဟုတ်ခြင်း ဆိုပြီးတော့ ပြဋ္ဌာန်းထားပါတယ်။
အခု ပြင်ဆင်မှာကတော့ဖြင့် အဲဒီပုဒ်မ ၁၀ (င)ကို ပယ်ဖျက်ပေးရန် အတွက် ဖြစ်ပါတယ်။
အကြောင်းပြချက်ကတော့ နိုင်ငံ တော်ရဲ့လက်ရှိအခြေအနေအရ နိုင်ငံသား အခွင့်အရေးကို အလေးထားသော အားဖြင့် ယင်းပြဋ္ဌာန်းချက်အား ပယ်ဖျက်ရခြင်း ဖြစ်ပါတယ်ခင်ဗျာ။
တတိယအချက်က ပုဒ်မ ၁၂ ပုဒ်မခွဲ (က) ပုဒ်မခွဲငယ် (၁) ဖြစ် ပါတယ်။
လက်ရှိ ပြဋ္ဌာန်းချက်ကတော့ အထွေထွေ ရွေးကောက်ပွဲ၌ ပြည်သူ့ လွှတ်တော်မဲဆန္ဒနယ်၊ အမျိုးသား လွှတ်တော်မဲဆန္ဒနယ်၊ တိုင်းဒေသ ကြီး (သို့မဟုတ်) ပြည်နယ်လွှတ်တော် မဲဆန္ဒနယ်များအနက် အနည်းဆုံး မဲဆန္ဒနယ် သုံးနယ်တွင် မိမိပါတီ မှ လွှတ်တော် ကိုယ်စားလှယ်လောင်းများ ၀င်ရောက်ယှဉ်ပြိုင်မှု မပြုနိုင်ခြင်းဆိုပြီးတော့ ပြဋ္ဌာန်းထားပါတယ်။
အခု ပြင်ဆင်ဖြည့်စွက်လိုတာကတော့ အဲဒီအပိုဒ်ရဲ့ မူလဖြစ်တဲ့ အဲဒီအပိုဒ်အောက်မှာရှိတဲ့ ရှင်းလင်း ချက်အနေနဲ့ လွှတ်တော်သက်တမ်း တစ်ရပ်စီအတွက် အထွေထွေရွေးကောက်ပွဲ ကျင်းပပြီးသည့် နောက်ပိုင်းတွင် မှတ်ပုံတင်ခွင့်ရရှိသော ပါတီသည် ယင်းလွှတ်တော် သက်တမ်းအတွင်း ကျင်းပပြုလုပ်သော ကြားဖြတ်ရွေးကောက်ပွဲများ၌ ၀င်ရောက်ယှဉ်ပြိုင်မှု မပြုနိုင်လျှင် ဖြစ်စေ၊ မဲဆန္ဒနယ် သုံးနယ်ထက်မနည်း ပြုလုပ်သော ကြားဖြတ် ရွေးကောက်ပွဲများ၌ အနည်းဆုံး မဲဆန္ဒနယ်သုံးနယ်တွင် ၀င်ရောက်ယှဉ်ပြိုင်မှု မပြုနိုင်လျှင် ဖြစ်စေ၊ ယင်းသို့ ၀င်ရောက်ယှဉ်ပြိုင် မှု မပြုခြင်းသည် ဤပြဋ္ဌာန်းချက်နဲ့ အကျုံးဝင်စေရမည်။ ၀င်ရောက်ယှဉ်ပြိုင်မှု မပြုနိုင်လျှင်ဖြစ်စေ၊ ယင်းသို့ ၀င်ရောက်ယှဉ်ပြိုင်မှု မပြုခြင်းသည် ဤပြဋ္ဌာန်းချက်နှင့် အကျုံးဝင်စေရမည် ဆိုပြီးတော့ ရှင်းလင်းချက် တစ်ရပ်အနေဖြင့် ဖြည့်စွက်ပေးနိုင်ရန် အဆိုပြုထားခြင်း ဖြစ်ပါတယ်ခင်ဗျာ”ဟု ပြည်ထောင်စု ရွေးကောက်ပွဲကော်မရှင် အဖွဲ့ဝင်က အမျိုးသားလွှတ်တော်သို့ ပြောကြားခဲ့သည်။
ယင်းအဆိုကို အမျိုးသားလွှတ်တော် ကိုယ်စားလှယ် ဦးအောင်ငြိမ်းက ထောက်ခံကြောင်း ပြောကြားခဲ့သည်။
အဆိုပါဥပဒေကြမ်းကို အမျိုးသားလွှတ်တော်တွင် ဆွေးနွေးရန်ဆုံးဖြတ်ကြောင်း အမျိုးသားလွှတ်တော် ဥက္ကဋ္ဌက လွှတ်တော်သို့ ပြောကြားခဲ့သည်။ အမျိုးသားလွှတ်တော် ဥက္ကဋ္ဌက “နိုင်ငံရေးပါတီများ မှတ်ပုံတင်ခြင်း ဥပဒေကိုပြင်ဆင်သည့် ဥပဒေမူကြမ်းဟာ အလွန်အရေးကြီးကြောင်း ဆွေးနွေးမယ့် ကိုယ်စားလှယ်များဟာ ဆွေးနွေးမယ့် အကြောင်းအရာ အကျဉ်းချုပ် ကို ဖော်ပြ လက်မှတ်ရေးထိုးပြီးတော့ အောက်တိုဘာလ ၁၀နေ့ထက် နောက်မကျဘဲနဲ့ အမျိုးသားလွှတ်တော် ဌာန ဒုတိယ ညွှန်ကြားရေးမှူးချုပ်ထံ အမည်စာရင်း တင်သွင်းနိုင်ကြောင်း ပြောကြားခဲ့သည်။
ထောင်ဒဏ်ကျခံနေရသူတွေ ရွေးကောက်ပွဲဝင်နိုင်တော့မှာလား
Reviewed by သစ်ထူးလွင်
on
11:28
Rating:
Reviewed by သစ်ထူးလွင်
on
11:28
Rating:
No comments:
Post a Comment