ဇာဂနာလွတ်ပြီး ပြည်တော်ပြန်တော့မည့် သီးနှစ်းသီး

ဇာဂနာလွတ်ပြီး ပြည်တော်ပြန်တော့မည့် သီးနှစ်းသီး

ရိုင်မရော့၊ လွတ်လပ်သော မွန်သတင်းအေဂျင်စီ

နိုင်ငံကျော် လူရွှင်တော် ဇာဂနာ (ခေါ်) ကိုသူရ ထောင်မှ လွတ်လာပြီး ထိုင်း နိုင်ငံတွင် ကျန်ရှိ နေသည့် သီးလေး သီးအ ဖွဲ့ဝင် လူရွှင်တော် ပန်းသီး၊ ကြယ်သီးနှင့် မင်းသမီး မြစပယ်ငုံတို့ မြန်မာ ပြည်ပြန် တော့မည်ဖြစ် သည်။

ပန်းသီးက “ကိုသူရ လွတ်လာ ပြီဆိုတော့ ကျနော်တို့ ပြန်မယ် ဒါပေမယ့် လောလောဆယ် ဘာမှ မစီစဉ် ရသေးဘူး ကိုသူရနဲ့ ဆွေးနွေး ရအုံးမယ်၊ ပြန်တော့ ပြန်မှာပါ”

နိုင်ငံရေး အကျဉ်းသား အဖြစ် ဖမ်းဆီးခံ ထားရသူ ကိုဇာဂနာ အပါအဝင် တခြား နိုင်ငံရေး အကျဉ်း သားများ ထောင်မှ လွတ်မြောက် လာသည်ကို သူတို့ အနေနှင့် အတိုင်း မသိ ဝမ်းသာ မိကြောင်း ၄င်းက ပြောသည်။

မင်းသမီး မြစပယ်ငုံကလည်း “ဗမာ ပြည်ပြန် ရောက်ရင် ကျမတို့ ကိုသူရ နဲ့အတူ သီးလေး သီးအဖွဲ့ ဝင်တွေနဲ့ အနု ပညာ လောကို ဆက်လက် လှုပ်ရှား သွားမှာပါ” ဟု ပြောသည်။

ကိုဇာဂနာနှင့် တိုင်ပင် ဆွေးနွေး ပြီးပါက မြန်မာ နိုင်ငံသို့ ပြန်ကာ အနုပညာ လုပ်ငန်းကို ဆက်လက်ကြိုး ပမ်းလုပ်ဆောင် သွားမည် ဟုလည်း ၄င်းက ပြောသည်။

သမ္မတ ဦးသိန်းစိန်၏ ပြည်တော်ပြန် ခရီး ဖိတ်ကြားချက် ထွက်ပေါ် လာပြီးနောက် သီးလေးသီး အဖွဲ့ဝင် များဖြစ်သည့် လူရွှင်တော် ဂေါ်ဇီလာ၊ စိန်သီး၊ ဇီးသီးနှင့် မင်းသမီး ချောစုမျိုး တို့က စက်တင်ဘာ ၁၁ ရက်နေ့မှာ မြန်မာပြည် သို့ ပြန်သွား ခဲ့သည်။

ထိုစဉ်က သီးနှစ်သီးနှင့် မြစပယ်ငုံ တို့က ပြည်တော် မပြန်ပဲ အကျဉ်းကျ ခံနေရသည့် လူရွှင်တော် ဇာဂနာ ထောင်ကနေ လွတ်လာမှသာ ပြန်မည်ဟု ပြောဆိုခဲ့ကြသည်။

ကိုဇာဂနာ လွတ်လျှင် ပြည်တော်ပြန် မည်ဆိုသည့် ဆုံးဖြတ်ချက်ရှိသော်လည်း လတ်တလော မည်သည့် အစီအစဉ် မှမရှိ သေးပဲ ကိုဇာဂနာနှင့် ဆွေးနွေး ပြီးမှသာ ဆုံးဖြတ်ချက် တခု ချနိုင်မည်ဟု ထိုင်းနိုင်ငံ၊ ချင်းမိုင်မြို့မှာ ကျန်နေသည့် လူရွှင်တော် ပန်းသီးက ပြောသည်။

နိုင်ငံကျော် လူရွှင်တော် ကိုဇာဂနာသည် ၂၀၀၃ ခုနှစ်တွင် သီးလေးသီး အဖွဲ့ကို ဦးဆောင် တည်ထောင်ခဲ့ သူဖြစ်သည်။

၂၀၀၇ ခုနှစ်ကစပြီး ပြည်ပ နိုင်ငံ များဖြစ်သည့် အမေရိကန်၊ ဂျပန်၊ ကိုးရီးယား၊ မလေးရှားနှင့် စင်ကာပူတို့တွင် သွားရောက် ဖျော်ဖြေခဲ့ပြီး မြန်မာ နိုင်ငံသို့ မပြန်ပဲ ထိုင်းနိုင်ငံတွင် နေထိုင်ခဲ့ကြသည်။