မီဒီယာ နဲ့ ပါတ်သတ်လို့ ကျော်ဆန်း ဖြေကြားချက်

နိုင်ငံပိုင် မီဒီယာများက အရည်အချင်းရှိရှိဖြင့် စတုတ္ထမဏ္ဍိုင် ပီသစွာ ရပ်တည်နေသည့် နည်းတူ ပုဂ္ဂလိက မီဒီယာများလည်း စတုတ္ထမဏ္ဍိုင် ပီသစွာဖြင့် ရပ်တည် ဆောင်ရွက်နိုင်ရန် လိုအပ်ပါကြောင်း ပြန်ကြားရေး ၀န်ကြီးဌာနနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးကျော်ဆန်း က စက်တင်ဘာလ ၆ ရက်နေ့တွင် ပြုလုပ်ခဲ့သော ပြည်သူ့လွှတ်တော် ဒုတိယပုံမှန်အစည်းအဝေး ၃၃ ရက် မြောက်နေ့တွင် ပြောကြားခဲ့သည်။

ပြည်ထောင်စုဝန်ကြီး ဦးကျော်ဆန်းသည် ဗဟန်းမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါက်တာ မောင်မောင်ဝင့် မေးမြန်းခဲ့သည့် “နိုင်ငံပိုင်မီဒီယာများကို ပြည်သူတို့ ပိုမို အားထား စိတ်ဝင်စားလာစေရန်  မည်သို့ ပြုပြင် ပြောင်းလဲဆောင်ရွက်မည်နှင့် ပြည်တွင်း မီဒီယာလောကအား ပြည်သူ့အကျိုးပြု စတုတ္ထမဏ္ဍိုင်အဖြစ် မားမားမတ်မတ် ဖြစ်ထွန်းလာစေရန် မည်သို့ကြိုးပမ်းဆောင် ရွက်လျက် ရှိသည်တို့ကို သိရှိလိုကြောင်း” မေးခွန်းအား ပြန်လည်ဖြေကြားရာ၌ ထိုကဲ့သို့ထည့်သွင်း ပြောဆိုခဲ့ခြင်းဖြစ်ပါသည်။

စစ်မှန်သော စတုတ္ထမဏ္ဍိုင် ဖြစ်ပေါ်ရေးအတွက် အထောက်အကူ ဖြစ်စေရန် မြန်မာနိုင်ငံစာပေနှင့် စာနယ်ဇင်းအဖွဲ့နှင့် စာပေလောကသားများ ပါဝင်သော ‘အမျိုးသား သတင်းဆု ရွေးချယ်ရေး ကော်မတီ’ကိုလည်း ဖွဲ့စည်း ဆောင်ရွက်လျက်ရှိကြောင်း . . .

ပြန်ကြားရေး ၀န်ကြီးဌာန အနေဖြင့် ပြည်တွင်းမီဒီယာလောကကို  ပြည်သူ့အကျိုးပြု စတုတ္ထမဏ္ဍိုင် အဖြစ်ပေါ်ပေါက် ဖြစ်တည်လာအောင် ကြိုးပမ်းဆောင်ရွက်လျက်ရှိကြောင်းကို ပြည်ထောင်စုဝန်ကြီး ဦးကျော်ဆန်း က ပြောဆိုခဲ့ပြီးနောက် ယခင်က စာပေစိစစ်ရေးမူ(၂၁)ချက်ကို ယခု အခါ(၁၂)ချက်သို့ ပြောင်းလဲ ဆောင်ရွက်ပေးခဲ့ကြောင်း၊ ထိုသို့ပြောင်းလဲ သတ်မှတ်ရာတွင် အာဆီယံနိုင်ငံများ၊ ကမ္ဘာ့နိုင်ငံများတွင် ကျင့်သုံးနေသည့် မူများကို လေ့လာသုံးသပ်ပြီး မိမိနိုင်ငံ၏ အရှိတရားနှင့်လည်း ညီစေရန်၊ ပြည်သူ့အကျိုးပြု စတုတ္ထမဏ္ဍိုင်လည်း ဖြစ်လာစေရန်၊ မျှော်မှန်းဆောင်ရွက် ထားခြင်းဖြစ်ကြောင်း၊ လွတ်လပ်မှုနှင့် ဆင်ခြင်တုံတရားတို့ဖြင့် လုပ်ကိုင်ခွင့်ပြုသောထုတ်/တင်စနစ် နှင့်လွတ်လပ်မှုနှင့် ဆင်ခြင်တုံတရား၊ လွတ်လပ်မှုနှင့် တာဝန်ယူမှုဖြင့် လုပ်ကိုင်ခွင့် တင်/ထုတ်စနစ်ကိုလည်း ကျင့်သုံးလျက်ရှိပါကြောင်း၊ ထူးချွန်သော သတင်းသမားများ ပေါ်ထွက်လာပြီး စစ်မှန်သော စတုတ္ထမဏ္ဍိုင် ဖြစ်ပေါ်ရေးအတွက် အထောက်အကူ ဖြစ်စေရန် မြန်မာနိုင်ငံစာပေနှင့် စာနယ်ဇင်းအဖွဲ့နှင့် စာပေလောကသားများ ပါဝင်သော “အမျိုးသားသတင်းဆု ရွေးချယ်ရေးကော်မတီ”ကိုလည်း ဖွဲ့စည်းဆောင်ရွက်လျက်ရှိကြောင်း၊ ပြန်ကြားရေး ၀န်ကြီးဌာန အနေဖြင့် နိုင်ငံပိုင် မီဒီယာများကို အသွင်သဏ္ဌာန်ရော အနှစ်သာရပါ ပြောင်းလဲတိုးတက်အောင် ဆောင်ရွက်နေသကဲ့သို့ ပုဂ္ဂလိက မီဒီယာများကိုလည်း အမျိုးသား အကျိုးစီးပွားကို အခြေခံသော စစ်မှန်သည့် စတုတ္ထမဏ္ဍိုင် ဖြစ်လာစေရန် ကြိုးပမ်းဆောင်ရွက်လျက် ရှိကြောင်း အစရှိသဖြင့် ပြောဆိုခဲ့ပါသည်။

နိုင်ငံပိုင် သတင်းစာများအနေဖြင့်မူ ပညာပေးမှုနှင့် ဖျော်ဖြေမှုကို ပေါင်းစပ်သည့် Edutainment နှင့် သတင်းနှင့်ဖျော်ဖြေမှုကို ပေါင်းစပ်သည့်  Infotainment  စနစ်များဖြင့် ဆောင်ရွက်နေကြောင်း၊ အယ်ဒီတာ့ အာဘော်၊ သတင်းဆောင်းပါး ရေးသားမှု အနှစ်သာရပိုင်းတွင်လည်း ပြောင်းလဲတိုးတက်လာသော သတင်းမီဒီယာရေးနည်း အပါအ၀င် အနှစ်သာရရှိရှိ ထိထိမိမိ ရေးသားနိုင်အောင် သင်တန်းများ၊ ဆွေးနွေးပွဲ များ၊ On Job Training  များဖြင့် ဆောင်ရွက်နေကြောင်း၊ တိုင်းပြည် နှင့် ပြည်သူများ၏ အကျိုးစီးပွား  တစ်နည်းအားဖြင့် အမျိုးသားအကျိုးစီးပွားကို နိုင်ငံပိုင် သတင်းစာများ၏  ဦးတည်ချက်အဖြစ်၊ မူဝါဒအဖြစ် ကိုင်စွဲပြီး စတုတ္ထမဏ္ဍိုင်ပီသစွာ ရပ်တည်နိုင်အောင် ဆောင်ရွက်လျက်ရှိကြောင်း၊ ရေဒီယိုထုတ်လွှင့်မှုကို လည်း ရှိရင်းစွဲ မြန်မာ့အသံ၊ တိုင်းရင်းသားအသံများအပြင် ပိတောက်မြေနှင့် FM ရေဒီယိုလိုင်းအများ အပြားကို ထုတ်လွှင့်ပေးခဲ့ကြောင်း၊ ရုပ်မြင်သံကြား သတင်းထုတ်လွှင့်မှု များကိုလည်း အစီအစဉ်ရေးသား ရိုက်ကူးထုတ်လွှင့်ခြင်း ဆိုင်ရာ ပြည် တွင်း၊ ပြည်ပသင်တန်းများ၊ အလုပ်ရုံဆွေးနွေးပွဲများဖြင့် သင်ကြားလေ့ကျင့် ဆွေးနွေး ဆောင်ရွက်လျက်ရှိကြောင်း ပြည်ထောင်စုဝန်ကြီး ဦးကျော်ဆန်းက ပြောဆိုခဲ့ပါသည်။

“အမျိုးသားသတင်းဆု ရွေးချယ်ရေးအဖွဲ့က ဒီနှစ်အတွက်ဘယ်သတင်းကို ပေးမလဲဆိုတာ စိတ်ဝင် စားပါတယ်”ဟု Weekly Eleven News ဂျာနယ်မှ  အယ်ဒီတာချုပ် ကိုဝေဖြိုးက ပြောကြားခဲ့ပါသည်။

ဆက်လက်၍၎င်းက “Propaganda Work  လုပ်နေတဲ့သူနဲ့ အလယ်တည့်တည့်ကရပ်ပြီး စတုတ္ထမဏ္ဍိုင် ပီသစွာ လုပ်ဆောင်သူတွေကတော့ ကွာခြားတယ်ဆိုတာကိုတော့ ကွဲကွဲ ပြားပြား သိစေလိုပါတယ်။ စတုတ္ထ မဏ္ဍိုင်ဆိုတာက နိုင်ငံရဲ့အရေးပါတဲ့ မဏ္ဍိုင်ကြီးသုံးရပ်ကို မှန်ရင်မှန်သလို မှားရင်မှားသလို ဝေဖန်ထောက်ပြ ရတာ ဖြစ်ပါတယ်။  propaganda ၀ါဒဖြန့်ချိရေး လုပ်သူတွေက စတုတ္ထ မဏ္ဍိုင်မဟုတ်သလို၊ အဲဒါမျိုးကို ဘယ်နိုင်ငံမှာမှ စတုတ္ထမဏ္ဍိုင်လို့ အသိအမှတ်မပြုပါဘူး။ state media  ကတစ်ဆင့် ထုတ်ပြန်မှုတွေ အလေးပေးလုပ်ဆောင်တာကို ကမ္ဘာပေါ်က တစ်ပါတီစနစ်နဲ့အာဏာရှင် စနစ်ကျင့်သုံးတဲ့ နိုင်ငံတွေမှာသာ တွေ့ရမှာ ဖြစ်ပါတယ်။ စတုတ္ထမဏ္ဍိုင် ဖွံ့ဖြိုးအောင် လုပ်မယ်ဆိုရင်တော့ ပုဂ္ဂလိကမီဒီယာတွေရဲ့ အခန်းကဏ္ဍ ဟာ ဒီထက်ပိုမိုဖွံ့ဖြိုးဖို့ လိုပါတယ်။ ဒီမိုကရေစီစနစ်မှာ ပုဂ္ဂလိကသတင်း မီဒီယာတွေ ဖွံ့ဖြိုးဖို့ လိုလာပါပြီ”ဟု သုံးသပ်ခဲ့ပါသည်။