မြန်မာ-အမေရိကန် ဆက်ဆံရေး စာမျက်နှာသစ်ဖွင့်ရန် ပြင်ဆင်ထားပြီဖြစ်ကြောင်း

အမေရိကန် လက်ထောက်နိုင်ငံခြားရေးဝန်ကြီး ကာ့တ်ကင်းဘဲလ် ၂၀၁၀ ပြည့်နှစ်အတွင်း မြန်မာနိုင်ငံသို့ လာရောက်စဉ်က ဒေါ်အောင်ဆန်းစုကြည်နှင့်တွေ့ဆုံစဉ်

မြန်မာ-အမေရိကန် ဆက်ဆံရေးတွင် စာမျက်နှာသစ်ဖွင့်ရန် ပြင်ဆင်ထားပြီဖြစ်ကြောင်း အရှေ့အာရှနှင့် ပစိဖိတ်ရေးရာ အမေရိကန် လက်ထောက်နိုင်ငံခြားရေး ၀န်ကြီး ကာ့တ်ကင်းဘဲလ်က အောက်တိုဘာလ ၁၀ ရက်နေ့တွင် ပြောကြားခဲ့သည်။ ထိုင်းနိုင်ငံ၊ ဘန်ကောက်မြို့၌ ပြုလုပ်သော အာရှတွင် အမေရိကန်၏ ပြန်လည်စေ့စပ် ညှိနှိုင်းခြင်းနှင့် ပတ်သက်သည့် ဖိုရမ်တစ်ခုတွင် ကင်းဘဲလ်က ပြောကြားခဲ့ခြင်းဖြစ်သည်။မြန်မာအစိုးရဘက်မှ ပိုမိုလွတ်လပ်ပြီး ဒီမိုကရက်တစ် ပိုဆန်စွာ ဆောင်ရွက် လာပါက လိုက်လျောညီထွေသော တုံ့ပြန်မှုများကို ၀ါရှင်တန်က ပြုလုပ်သွားမည်ဖြစ်ကြောင်း ကင်းဘဲလ်က ပြောကြားခဲ့သည်။

မြန်မာ့အရေးနှင့်ပတ်သက်ပြီး စိုးရိမ်ပူပန်စရာကိစ္စရပ်များ အမြောက်အမြားရှိနေသေးသော်လည်း အံ့အားသင့်ဖွယ်ဖွံ့ဖြိုးမှုများ စတင်နေပြီဆိုသည့်အချက်ကို လျစ်လျူရှု၍ မရနိုင်ကြောင်း ကင်းဘဲလ်က သုံးသပ်ခဲ့သည်။ သမ္မတဦးသိန်းစိန်နှင့် လူထုခေါင်းဆောင် ဒေါ်အောင်ဆန်းစုကြည်တို့အကြား အလွန်တန်ဖိုးရှိသည့် ဆွေးနွေးမှုတစ်ခု ပြုလုပ်နိုင်ခဲ့ခြင်းကို အရေးပါသော အပြုသဘောဆောင်သည့် တိုးတက်မှုအဖြစ် မှတ်ယူမိကြောင်း ကင်းဘဲလ်က ပြောကြားခဲ့သည်။

ဆယ်စုနှစ်ကျော်တစ်ခုအတွင်း အကျယ်ပြန့်ဆုံး ပြုပြင်ပြောင်းလဲရေးအားထုတ်မှုများသည် မြန်မာနိုင်ငံတွင် အစပျိုးနေပြီဟု မျော်လင့်ဖွယ်များ ရှိလာခဲ့ကြောင်း ၎င်းက သုံးသပ်ခဲ့သည်။ မြန်မာအစိုးရသည် အင်တာနက်တွင် ပိတ်ပင်ထားသည်များ ကို ဖြေလျော့ပေးခဲ့သလို မီဒီယာများအပေါ် ကန့်သတ်မှုများ လျော့ချပေးခဲ့ပြီး ဒေါ်အောင်ဆန်းစုကြည်နှင့် ဆွေးနွေးမှုများပြုလုပ်ခဲ့သည်။ ''ကျွန်တော်တို့ ဆက်ဆံရေးမှာ စာမျက်နှာသစ်ဖွင့်လှစ်ဖို့ ပြင်ဆင်ထားပြီဆိုတာ ကျွန်တော်တို့ ရှင်းရှင်းလင်းလင်း ပြောလိုပါတယ်။ သူတို့ရဲ့ ခြေလှမ်းတွေနဲ့ လိုက်လျောညီထွေရှိအောင် ကျွန်တော်တို့က လျှောက်လှမ်းပေးမယ်လို့ပြောရင် တရားမျှတ ပါတယ်။

လာမယ့်ရက်သတ္တပတ်တွေထဲမှာ မကြာသေးမီ လတွေထဲကစခဲ့တဲ့ တွေ့ဆုံဆွေးနွေးမှုတွေ ဆက်သွားနိုင်ဖို့လည်း မျှော်လင့်ပါတယ်'' ဟု ကင်းဘဲလ်က ပြောကြားခဲ့သည်။

သို့ရာတွင် မြန်မာနိုင်ငံတွင်းမှ အပြောင်းအလဲများမှာ အစောပိုင်း အဆင့်သာရှိသေးကြောင်း ကင်းဘဲလ် က သုံးသပ်ခဲ့သည်။

''အတိတ်က ကြုံခဲ့တာတွေနဲ့ နှိုင်းယှဉ်ကြည့်ရင် အပြောင်းအလဲတွေ စတင်နေပြီဆိုတာ ရှင်းပါတယ်။ ဒါပေမယ့် အစောပိုင်းအဆင့်မှာပဲ ရှိနေပါသေးတယ်။ သူတို့တစ်တွေ ဘယ်လို ဆက်သွားမယ်၊ ဆက်လုပ်မယ်၊ ဘယ်လို တိုးတက်အောင် လုပ်မယ်ဆိုတာ ကျွန်တော်တို့ စောင့်ကြည့်နေပါတယ်'' ဟု ကင်းဘဲလ်က ပြောကြားခဲ့သည်။

စိုးရိမ်ပူပန်ဖွယ် ကိစ္စရပ်များရှိနေသေးသောကြောင့် နိုင်ငံရေးနှင့် စီးပွားရေးအရ အရေးယူပိတ်ဆို့မှုများ ချက်ချင်းရုပ်သိမ်းဖွယ် မရှိသေးသော်လည်း နိုင်ငံစုံ အဖွဲ့အစည်းများနှင့် အမေရိကန်၏ အကူအညီများ ပြန်လည်ရရှိရေး ဆောင် ရွက်ပေးဖွယ်ရှိနေကြောင်း သိရသည်။ နိုင်ငံတကာနှင့် ဆက်ဆံဆောင်ရွက်သော ဘဏ္ဍာရေးကိစ္စများ၊ မြန်မာထိပ်တန်းအရာရှိများ၏ ခရီးသွားလာခွင့်များ ကန့်သတ်ထားမှုကိုလည်း လျော့ချပေးဖွယ် ရှိနေသည်။ ကမ္ဘာ့ဘဏ်နှင့် အခြားနိုင်ငံ စုံအဖွဲ့အစည်းများ မြန်မာနိုင်ငံသို့ ပြန်လာစေရန် ထောက်ခံပေးခြင်းကဲ့သို့သော အကူအညီများ ပေးအပ်သွားဖွယ်ရှိသည်။ မြန်မာနိုင်ငံသည် ရှုပ်ထွေးနေသော နိုင်ငံခြားငွေလဲလှယ်မှုစနစ်ကို ပြုပြင်ပြောင်းလဲရေးအတွက် အပြည်ပြည်ဆိုင်ရာ ငွေကြေးရန်ပုံငွေအဖွဲ့၏ အကူအညီတောင်းခံထားပြီး အကူအညီ ကြီးကြီးမားမား ရရန်မှာ အမေရိကန်၏ ထောက်ခံမှု လိုအပ်နေသည်။ မြန်မာနိုင်ငံကို မြန်မာအစိုးရလိုလား သကဲ့သို့ Burma ဟု မခေါ်တော့ဘဲ Myanmar ဟု ခေါ်ဝေါ်သုံးနှုန်းခြင်း များ ပြုလာနိုင်သည်ဟု သိရသည်။

ပိုမိုတိုးတက်လာရန် ၀ါရှင်တန်ဘက်က မျှော်လင့်ထားသည့် နယ်ပယ်များမှာ နိုင်ငံရေးအကျဉ်းသားများ လွတ်မြောက်မှု၊ တိုင်းရင်းသားလက်နက်ကိုင်များနှင့် တွေ့ဆုံဆွေးနွေးမှု . . .

ပိုမိုတိုးတက်လာရန် ၀ါရှင်တန်ဘက်က မျော်လင့်ထားသည့် နယ်ပယ်များမှာ နိုင်ငံရေးအကျဉ်းသားများ လွတ်မြောက်မှု၊ တိုင်းရင်းသားလက်နက်ကိုင်များနှင့် တွေ့ဆုံဆွေးနွေးမှု၊ ကုလလက်နက်မပြန့်ပွားရေး သဘောတူညီချက်ကို ချိုးဖောက်သည့် မြောက်ကိုရီးယားထံမှ စစ်ရေးအကူအညီ ရယူနေသည်ဟု သတင်းထွက်နေမှုတို့တွင်ဖြစ်ကြောင်း ကင်းဘဲလ်က ပြောကြားခဲ့သည်။

''အကျဉ်းသား လွှတ်ပေးတဲ့ ကိစ္စမျိုးတွေမှာ ဆက်လက်တိုးတက် နေတာမျိုးကို မြင်လိုတာဟာ ကျွန် တော်တို့ဆန္ဒပဲဆိုတာ ရှင်းရှင်းလင်းလင်းပြောလိုပါတယ်'' ဟု ကင်းဘဲလ်က ပြောကြားခဲ့သည်။
အမေရိကန်သည် မြန်မာ အကြီးတန်းအရာရှိများနှင့် တွေ့ဆုံဆွေးနွေးမှုများ ပြုလုပ်နေပြီး ပြီးခဲ့ သည့်လနှောင်းပိုင်းက ၀ါရှင်တန်တွင် နိုင်ငံခြားရေးဝန်ကြီးဌာန ပြည် ထောင်စုဝန်ကြီး ဦးဝဏ္ဏမောင်လွင် ကို လက်ခံတွေ့ဆုံခဲ့သည်။

ကင်းဘဲလ်၏ မှတ်ချက်စကားသည် မကြာသေးမီကာလအတွင်း မြန်မာနိုင်ငံ၏ အပြောင်းအလဲများနှင့် ပတ်သက်ပြီး အမေရိကန်အစိုးရ ထိပ်တန်းတာဝန်ရှိသူ တစ်ဦး၏ အထင်ရှားဆုံး မှတ်ချက်စကား ဖြစ်သည်။

Ref; AP, Wallstreet Journal, BBC, AFP