ဗလာဒီမာ ပူတင် (သို့မဟုတ်) ဘယ်တော့မှ မထွက်ခွာသူ ပြန်လာခြင်း

ရုရှားနိုင်ငံရေးကို မေးခွန်းကြီးကြီး ထုတ်ရတော့မည်။ ၁၉၉၉-၂၀၀၀ ခုနှစ်မှာ ၀န်ကြီးချုပ်၊ ၂၀၀၀ ကနေ ၂၀၀၈ အထိ သမ္မတ၊ နောက် အခုထိ ၀န်ကြီးချုပ် လုပ်နေတဲ့ 'ဗလာဒီမာ ပူတင်' က နောက်နှစ် ရုရှား သမ္မတ ရွေးကောက်ပွဲ ပြန်ဝင်ဦးမှာလား။
 ဒီလိုဆိုရင်တော့ မကြာခင်က ပြောင်းလဲထားတဲ့ ရုရှား အခြေခံဥပဒေက သူ့ကို ခြောက်နှစ် သမ္မတသက်တမ်း နှစ်ကြီမ် ထပ်ရဖို့ ခွင့်ပြုလိမ့်မည်။ ၂၀၂၄ ခုနှစ် သူ့အသက် ၇၁ နှစ်အထိ ရုရှားသမ္မတရာထူး ဆက်ကိုင်ထားဖို့ များနေသည်။ ကဲ.. ပူတင် ၂၀၁၂ ခုနှစ် ရွေးကောက်ပွဲ ၀င်မှာလား..။
ဒီမေးခွန်းကိုတော့ စက်တင်ဘာ ၂၄ ရက်မှာ ကျင်းပတဲ့ ညီညွတ်သော ရုရှားပါတီ ကွန်ဂရက်က အဖြေပေးသွားသည်။ ညီလာခံမှာ လက်ရှိ သမ္မတရာထူးယူထားသူ ဒီမီထရီ မက်ဒီဗ်ဒက်ဗ် က နောက်နှစ် ရွေးကောက်ပွဲမှာ သမ္မတရာထူးနေရာ မစ္စတာပူတင် ၀င်အရွေးခံတာ သူလိုလားတယ်ဟု ပြောသွားသည်။ ရှင်းသွားပြီ။
ပူတင်က မက်ဒီဗ်ဒက်ဗ် ကို ကျေးဇူးတင် ဂုဏ်ပြုစကား ပြောသည်။ နောက်နှစ် မတ်လ ရွေးကောက်ပွဲကနေ ကရင်မလင်ကို တရားဝင်ပုံစံနဲ့ သူ ပြန်လာမည်။ သမ္မတ မက်ဒီဗ်ဒက်ဗ် က ညီညွတ်သော ရုရှားပါတီကို ပြန်ဦးဆောင်ပြီး၊ ပူတင်ထံက ရုရှားဝန်ကြီးချုပ် ရာထူးကို ပြန်လွှဲယူသွားမည်။
ဒီလို သမ္မတနဲ့ ၀န်ကြီးချုပ် ရာထူးအလဲအလှယ် လုပ်ခြင်းက ရုရှားဒီမိုကရေစီရဲ့ ထူးခြားတဲ့ အောင်မြင်မှုဟုပင် ပြောရမလား။ ရုရှား အခြေခံဥပဒေကလည်း ဒီလို အလဲအလှယ် လုပ်နိုင်ခွင့်တွေ ရှိနေသည်။
မက်ဒီဗ်ဒက်ဗ် က ဗျူရိုကရေစီစနစ်လျှော့ချရေး၊ အဂတိလိုက်စားမှု တိုက်ဖျက်ရေး၊ အဆင့်မြင့်နည်းပညာ မြှင့်တင်ရေး (ဆီလကွန်ဗယ်လီ ပုံစံ မော်စကိုမြို့ပြင်မှာ စကိုလ်ကိုဗို တည်ဆောက်နေသည်) တွေ ဆက်လုပ်သွားမည်။ လူကြိုက်များဆဲဖြစ်နေတဲ့ နိုင်ငံရေးသမား ပူတင် က ရုရှားတည်ငြိမ်မှုကို အာမခံချက်ပေးဖို့ ရုရှားရဲ့ လီကွမ်ယူ အနေအထားမျိုးရအောင် လုပ်သွားမည်။ ဒါက စိတ်ကူး။
အမှန်တော့ တကယ့်နောက်ကွယ်ဇာတ်လမ်းက ပိုရယ်စရာကောင်းသည်။ ၀န်ကြီးချုပ်အဖြစ် အိမ်နိမ့်စံဘ၀နဲ့ နေနေပေမဲ့၊ ပူတင် ဟာ လက်ရှိ ရုရှားနိုင်ငံရေးမှာ ဩဇာအာဏာအရှိဆုံး ပုဂ္ဂိုလ်ဖြစ်သည်။ မက်ဒီဗ်ဒက်ဗ် က ရုရှားကို ပြုပြင်ပြောင်းလိုသူ ဖြစ်ပေမဲ့ ပူတင်ရဲ့ ဩဇာကို ဘယ်တော့မှ မလွန်ဆန်ရဲတဲ့သူ။ မက်ဒီဗ်ဒက်ဗ် သမ္မတတာဝန်ယူခဲ့တဲ့ ပြီးခဲ့တဲ့ သုံးနှစ်ကို ပြန်ကြည့်ရင် သူ့လက်ရာခြေရာ ဘာမှ ထူးထူးခြားခြား မတွေ့မမြင်ကြရ။
ပူတင် ဆိုသူကတော့ ကေဂျီဘီ အရာရှိဟောင်း။ အာဏာရပြီးကတည်းက ရုရှားနိုင်ငံရေးကို သူ့ခြေသူ့လက် ဖြစ်အောင် လုပ်ထားသည်။ အတိုက်အခံတွေကို ဖမ်းဆီးနှိပ်စက် ထောင်ချ။ မီဒီယာနဲ့ စွမ်းအင်လုပ်ငန်းတွေကို အဓမ္မသိမ်း။ အာဏာရှင်နည်းလမ်းနဲ့ ကျင်းပနိုင်မယ့် ရွေးကောက်ပွဲ နိုင်ငံရေးစနစ်ကို ဖန်တီးထား။ လာမယ့် ရွေးကောက်ပွဲမှာ ပုတင် မုချ သမ္မတဖြစ်လိမ့်ဦးမည်။
ပူတင် ဩဇာအောက်မှာ ရှိနေတဲ့ လက်ရှိ ရုရှားနိုင်ငံကလည်း စီးပွားရေးက တုံ့ဆိုင်း၊ အဂတိလိုက်စားမှုက ထူပြော၊ လူလတ်တန်းစားတွေက စိတ်ပျက်၊ မြောက်ဘက်က ကော့ကေးဆပ်နဲ့က စစ်ဖြစ်။
အိုင်ဒီအိုလော်ဂျီ အုံ့ပုန်းရှိတဲ့ မစ္စတာ ပူတင် သမ္မတထပ်ဖြစ်လာရင်၊ ရုရှားအတွက် အဓိက သူလုပ်ရမှာက စွမ်းအင်ရင်းမြစ်တွေအပေါ် အလွန်အကျွံမှီခိုမှု လျှော့ချဖို့၊ အကျင့်ပျက် ခြစားမှုတွေ ရှင်းလင်းဖို့၊ လှုပ်လှုပ်ရွရွ ဖြစ်နေတဲ့ ဒေသတွေအတွက် ပေါ်လစီအသစ်ချဖို့တွေ ဖြစ်မည်။ သို့ပေမဲ့ အဲဒီ အလုပ်တွေ သူလုပ်မလုပ်ဆိုတာ မသေချာ..။
ဘယ်လိုပဲဖြစ်ဖြစ် အခု သူ သမ္မတပြန်လုပ်ဦးမယ်ဆိုတဲ့ ကြေငြာချက်ကတော့၊ ရုရှားအတွက် အန္တရာယ်ပြွန်းတီးနေမယ့် သမိုင်းကဏ္ဍသစ် ထပ်ဖွင့်လှစ်လိုက်ခြင်းသာ ဖြစ်သည်။
ဝင့်ထန်း