ထဘီ ခါးတောင်းကျိုက်ပြီး ခေါင်မိုး တက်ဖာနေရသော အမျိုးသမီး ကျောင်းဆရာမများ

မြန်မာနိုင်ငံ အနှံ့အပြားတွင် အမျိုးသမီးကျောင်းဆရာမ ဦးရေ အဆမတန် များပြားနေပြီး အမျိုးသားများမှ ကျောင်းဆရာအလုပ်ကို ငြင်းဆန်နေချိန်တွင် ကမ္ဘာ့နိုင်ငံများ၏ ပညာရေး စနစ်တွင်လည်း ပြဿနာတက်နေပါသည်။ လူမှုစီးပွား မပြေလည်သည့် အလုပ်အနေဖြင့်လည်းကောင်း၊ ဂုဏ်သိက္ခာအရ ကျဆင်းနေသည့် အလုပ်အနေဖြင့် လည်းကောင်း မြန်မာ့ပညာရေးတွင် အမျိုးသား ကျောင်းဆရာ ရှားပါးမှု ပြဿနာကို ဆယ်စုနှစ်များစွာ ရင်ဆိုင်နေရပြီးလည်း ဖြစ်သည်။ နောက်ဆက်တွဲ ဆိုးကျိုးများစွာကို လေ့လာသင့်ကြပါပြီ။ ကျောင်းဆရာငယ်များမှာလည်း လက်ဖက်ရည်ဆိုင်တွင် လူသိရှင်ကြား “ကျနော် ကျောင်းဆရာ လုပ်ပါတယ်” ဟု ထုတ်ဖော် ပြောဆိုရန် ရှက်ရွံ့ ၀န်လေးကြကြောင်း မောက္ခက သတင်းရရှိထားသည်။ ပညာရေး တန်းတူညီမျှမှုကို ဘယ်လို စတင်မလဲ။ ပညာရေး တန်းတူညီမျှမှုကို ဘယ်လို စတင်မလဲ။ ဤသို့ဖြင့် ဒေသအနှံ့အပြားရှိ အခြေခံပညာ ကျောင်းများတွင် အမျိုးသား ကျောင်းဆရာများ ရရှိရေးမှာ စိန်ခေါ်မှု တစ်ခုလည်း ဖြစ်လို့လာပေပြီ။ နယ်ဖက် ကျေးလက် ဒေသများတွင်လည်း ယခုလို မိုးတွင်းကာလတွင် ခေါင်မိုးတက်ဖာရန်၊ နှီးတက်ချည်ရန်အတွက် ရှိစု၊ မဲ့စု ကျောင်းဆရာ တစ်ယောက်မှာလည်း အိမ်နီးချင်းတိုင်းပြည်တွင် အလုပ်လုပ်ရန် ထွက်သွားလေပြီ။ ကျားကျားလျားလျား တစ်ယောက်တစ်လေမှ မရှိသောကြောင့် အခက်တွေ့ နေရလေသည်။ မြန်မာဆရာမများ ကိုယ်တိုင် ထဘီ ခါးတောင်းကျိုက်ပြီး ခေါင်မိုး တက်ဖာနေရလေတော့သည်။ ခေါင်မိုးတက်ဖာရန် မလိုအပ်သော နိုင်ငံများတွင်မူ အမျိုးသားကျောင်းဆရာ ရှားပါးမှုမှာ တစ်မျိုးတစ်ဘာသာ ဖြစ်ပြန်သည်။ ၀န်ကြီးချုပ် ဒေးဗစ်ကင်မရွန်းမှ အင်္ဂလန်နိုင်ငံ၏ ပညာရေးဝန်ထမ်းများ အပြောင်းအလဲလုပ်ရန် ကြေညာပြီးနောက် ပြင်သစ်နိုင်ငံမှလည်း အလားတူ ပြုပြင်ပြောင်းလဲမှု လုပ်ရန် ပြင်ဆင်နေသည်။ သမ္မတ ဆာကိုဇီ၏ အကြံပေးပုဂ္ဂိုလ်မှ “ ဆရာမတွေ အရမ်းများနေတယ်၊ အခြေအနေမျှမျှတတ ဖြစ်ဖို့အတွက် ပြုပြင်ပြောင်းလဲမှု လုပ်ရမယ်၊ အမျိုးသား ကျေင်းဆရာတွေကို လစာတိုးမြှင့် ပေးပြီးတော့ခေါ်ယူရပါမယ်၊ ဆရာမတွေ များလာတဲ့ အကြောင်းရင်းက သူ့တို့ရဲ့ နေထိုင်မှု ပုံစံနှင့် ကိုက်ညီလို့ဖြစ်တယ်၊ အချိန်ပိုင်းလုပ်တာက ကျောင်းတွေကို ပိုမို ထိခိုက်စေတယ်၊ ကျနော်တို့ လိုချင်တဲ့ ဆရာမျိုးက (၁၀၀) ရာခိုင်နှုန်း အချိန်ပြည့် အလုပ် လုပ်ဖို့ ဖြစ်ပါတယ်” ဟုပြောဆိုခဲ့သည်။ လွန်ခဲ့သောနှစ် (၆၀) ခန့် မှစ၍ အခြားသော အနောက်နိုင်ငံများ နည်းတူ ပြင်သစ်၏ ပညာရေးလောကတွင် ဆရာမများ ပိုမို များပြားလာခဲ့သည်။ မူလတန်းတွင် (၁၉၅၄) က (၆၅) ရာခိုင်နှုန်း ရှိရာမှ ယခုအချိန်တွင် (၈၂) ရခိုင်နှုန်း အထိတိုးမြှင့် လာခဲ့သည်။ ပုဂ္ဂလိက ကျောင်းများတွင် ဆရာမ အရေအတွက်မှာ (၉၁) ရာခိုင်နှုန်းအထိ မြင့်တက်ခဲ့သည်။ အမျိုးသားများမှာ ဆရာအလုပ်သည် ဂုဏ်သိက္ခာမဲ့သည့်အတွက် အလုပ်မှ ပြောင်းရွှေ့ ခဲ့ကြသည်။ သို့ရာတွင် သုတေသနကဲ့သို့သော အလုပ်များသည် လူငယ်များကို စွဲဆောင်နိုင်ခဲ့သည်။ ၄င်းအလုပ်မှာ ဆရာအလုပ်ထက် ငွေကြေး မြက်မြက်ကလေး ရရှိမှုကြောင့်ဖြစ်သည်။ ပညာရေးဌာန၌ အလုပ်လုပ်ရာတွင် အမျိုးသားနှင့် အမျိုးသမီးအကြား အမြင်ချင်း မတူညီကြပေ။ ပညာရေး သုတေသန ပညာရှင်များမှ လေ့လာခဲ့ရာတွင် ဆရာမများမှ ကလေးများနှင့် အတူတူနေရခြင်းနှင့် ပုဂ္ဂိလ်ရေးဘ၀ နှင့် အသက်မွေးမှုတို့အကြား မျှမျှတတ ဖြစ်လိုသည့်အတွက် ဆရာမအလုပ်ကို နှစ်သက်ကြောင်း ပြောဆိုခဲ့ကြပြီး၊ အမျိုးသားများမှာ အစိုးရလုပ်ငန်းများ၌သာ လုပ်လိုကြောင်း ဖြေကြားခဲ့ကြသည်။ ပြင်သစ်ပညာရေး ကျွမ်းကျင်သူ (Marcel Pochard) မှ ပြင်သစ်ပညာရေးတွင် ဆရာနှင့် ဆရာမ အချိုးညီ ဖြစ်ရေးသည် ဖြစ်နိုင်ခြေ မရှိကြောင်း၊ ဆရာမ များနေခြင်းသည် ကျောင်းသားများမှ လူ့အဖွဲ့အစည်းအပေါ် အမြင်လွဲမှုတွေ ဖြစ်ပေါ် နိုင်ကြောင်း၊ ပညာရေး တာဝန်ရှိသူများ အနေဖြင့် ဂရုတစိုက် ကိုင်တွယ်ရန် သတိပေး ပြောဆိုခဲ့သည်။ ပညာရေးဆိုင်ရာ ကျွမ်းကျင်သူ (Jean-Louis Auduc) ရေးသားသည့် အက်ဆေးတွင် ကလေးများ၏ ငယ်စဉ် ဘ၀တွင် ဆရာမများသာ အဓိက နေရာယူလျက်ရှိကြောင်း၊ သူတို့ ကျောင်းနေစဉ် ကာလတွင် လေးစားအားကျ လောက်သော ဆရာများ မရှိကြောင်း တင်ပြခဲ့သည်။ ကျောင်းသားများသည် ကျောင်းသူများကဲ့သို့ သင်ခန်းစာ လိုက်နိုင်မှု မရှိဘဲ ကျောင်းသားများမှ စိတ်အလို မကျမှုများကြောင့် စာမေးပွဲကျရှုံးရန် လွယ်ကူကြောင်း၊ ကျောင်းသား အနည်းငယ်သာ အထက်တန်း အောင်မြင်ခဲ့ကြောင်း တင်ပြထားသည်။ သို့ရာတွင် အခြားသော နိုင်ငံများတွင် လေ့လာခဲ့သော သုတေသန စစ်တမ်းများအရ ပညာရေးတွင် ကျောင်းသားများ၏ အောင်မြင်မှုမှာ (ဆရာ) ကျား၊ မ အခြေခံခြင်း မရှိဘဲ၊ ကျောင်းသား-ဆရာ ဆက်ဆံရေးသာ အရေးကြီးသည့် အနေအထားတွင်ရှိကြောင်း ကနေဒါနိုင်ငံမှ သုတေသန ပညာရှင်များက တင်ပြခဲ့သည်။ ပညာသင်ကြားရေးတွင် အခက်အခဲရှိသော ကျောင်းသား အများစုမှာ ဆင်းရဲသော မိသားစုတွင် မွေးဖွား လာသူများဖြစ်ပြီး၊ ၄င်းမိသားစုမှ လာသော ကျောင်းသားများသည် ကျား-မ အခြေခံပြီး တည်ထောင်ထားသည့် ရှေးရိုးစွဲ ကျောင်းများတွင်သာ သင်ကြားလိုသူများဖြစ်ကြောင်း၊ ဆရာမများကိုလည်း ပြဿနာ ရှာလေ့ရှိကြောင်း ပြင်သစ်ကျောင်းဆရာ တဦးမှ ပြောဆိုခဲ့သည်။ သို့ရာတွင် ပညာရေးဆိုင်ရာ ကျွမ်းကျင်သူများမှ ကျောင်းများတွင် အမျိုးသားဆရာများ ခန့်ထားရေးကို သဘောတူညီကြသည်။ မြန်မာ ကျောင်းဆရာများ၏ လက်ရှိလစာငွေမှာ တစ်ဝမ်းစာမျှ မ၀။ လစာငွေ မတိုးပေးနိုင်ပါက ပညာရေးတိုးတက်ရန် ဆောင်ရွက်မှုမှာ အချည်းနှီးပင်ဖြစ်မည်ဟု ပြည်တွင်း ပညာရေးသုတေသီ ဆရာမြေက မောက္ခကို ပြောပြခဲ့သည်။ မြန်မာ့ပညာရေးတွင်လည်း အမျိုးသား ကျောင်းဆရာများအတွက် လစာငွေ အနိမ့်ဆုံး ကျပ် သုံးသိန်းခန့် ပေးသင့်ကြောင်း အကြံပြုစာများလည်း မောက္ခက ရရှိထားပါသည်။ မောက္ခသတင်း