နှစ်ပေါင်း ၂ဝ အတွင်း စစ်တောင်းမြစ်ရေ အဆိုးရွားဆုံးမြင့်တက်

နှစ်ပေါင်း ၂ဝ အတွင်း အဆိုးရွားဆုံးဖြစ်နိုင်သည့် စစ်တောင်းမြစ်ရေ သုံးကြိမ်ဆက်ရေကြီးမှုတွင် ကယ်ဆယ် ရေးစခန်းများအတွင်း ထောက်ပံ့မှုလိုအပ်ချက်ကြောင့် မိသားစုများစွာ အခက်အခဲဖြစ်ပေါ်နေကြောင်း ဒေသခံများထံမှသိရသည်။
ပထမအကြိမ် မြစ်ရေကြီးစဉ်က ဒေသဆိုင်ရာအာဏာပိုင်အဖွဲ့ အစည်းများနှင့် စေတနာရှင်အသင်း အဖွဲ့များမှ ကူညီထောက်ပံ့မှုများ အများအပြား ပေးနိုင်ခဲ့သော်လည်း ဒုတိယအကြိမ်နှင့် တတိယအကြိမ် တွင်မူ ကယ်ဆယ်ရေးစခန်းများတွင် ရှိနေသော လူဦးရေ ၄ဝဝဝ ကျော် အတွက် လုံလောက်သော ကူညီ ထောက်ပံ့မှုများမပေးနိုင်သည့်အတွက် အချို့မိသားစုဝင်များမှာ ကယ်ဆယ်ရေးစခန်းများတွင် ကလေး သူငယ်နှင့် မိအိုဖအိုများကိုထား၍ နေ့လယ်ဘက်တွင် အလုပ်ထွက်လုပ်နေကြ ရကြောင်း ရေဘေးသင့် အိမ်ထောင်စုတစ်စုမှ ဖခင်တစ်ဦးကပြောသည်။
ယခုနှစ် မြစ်ရေကြီးမှုသည် တောင်ငူမြို့တွင် နှစ်ပေါင်း ၂ဝ ခန့် အတွင်း အကြီးမားဆုံးဖြစ်နိုင်ကြောင်း ကြက်သျှာစွန်းရပ်ကွက်ရှိ ဒေါ်ကြွေက ပြောကြားသည်။
”လွန်ခဲ့တဲ့ နှစ် ၂ဝ လောက်  သမီးကြီး ၆ လအရွယ်မှာ မြစ်ရေတက်လို့ ရန်ကုန်-မန္တလေးလမ်းပေါ် ရေကျော်ပြီး တစ်ပေလောက် ရောက်ဖူးတယ်။ အဲဒီတုန်းက ကားလမ်းက တော်တော်နိမ့်လို့ လမ်းမြှင့်ထားတာ ၁ဝ နှစ်လောက်တော့ ရှိနေပြီ။ အခုလမ်းပေါ် ရေကပ်နေ ပြီဆိုတော့ အတော်ဆိုးရွားနေတာ ပါ။ မိုးဆက်ရွာရင်တော့ ကျွန်မတို့ လည်း အိမ်တံခါးပိတ်ပြီး ကယ် ဆယ်ရေးစခန်းကို ရွှေ့တော့မယ်” ဟု ၄င်းကဆိုသည်။
စစ်တောင်းမြစ်ရေသည် သြ ဂုတ်လ ၅ ရက်နေ့တွင် မြို့၏စိုးရိမ် ရေအမှတ် ၆ဝဝ စင်တီမီတာအ ထက်သို့ စတင်ရောက်ရှိခဲ့ပြီး သြ ဂုတ်လ ၁၁ ရက်နေ့တွင် စိုးရိမ်ရေ မှတ်အထက် ၅၃ စင်တီမီတာ (၁ ပေနှင့် ၈ လက်မခန့်)အမြင့်ဆုံး ရောက်ရှိခဲ့ကြောင်း၊တောင်ငူမြို့နယ် မိုးလေဝသနှင့် ဇလဗေဒဦးစီးဌာနမှ သိရသည်။ မြို့ပေါ်ရှိ ရပ်ကွက်နှင့် ကျေးရွာအုပ်စု များဖြစ်သော ၈ ရပ်ကွက်၊ ၉ ရပ် ကွက်၊ ၁ဝ ရပ်ကွက်၊ ၁၉ ရပ်ကွက်၊ ၂ဝ ရပ်ကွက်၊ ၁ ရပ်ကွက်နှင့် ပြသောင်ကျေးရွာ၊ အလယ်ကျွန်းကျေးရွာ (ဝိုင်းလေး ကွက်သစ်)၊ မိုးကောင်းကျေးရွာ၊ ရှမ်းစုကျေးရွာ၊ ကြက်သျှာစွန်းရပ်ကွက်နှင့် မြင်းဖြူ အင်းကွက်သစ်တို့မှ အိမ်ထောင်စု ပေါင်း ၃၅ဝ ၊ လူဦးရေပေါင်း ၂ဝဝဝ ကျော်တို့အား ဘေးလွတ်ရာ ကယ်ဆယ်ရေးစခန်း ၁၂ ခုသို့ ရွှေ့ပြောင်းပေးခဲ့ရပြီး ဒေသဆိုင်ရာအာဏာပိုင် အဖွဲ့အစည်းများနှင့် မြို့ပေါ်ရှိ စေတနာရှင်အသင်းအဖွဲ့များမှ ကူညီ ထောက်ပံ့မှုများ ပြုလုပ်ပေးခဲ့ရသည်။
အဆိုပါမြစ်ရေကြီးမှုသည် သြဂုတ်လ ၁၅ ရက်နေ့ခန့်တွင် ပြန် လည်ကျဆင်းခဲ့သော်လည်း သြ ဂုတ်လ ၂၆ ရက်နေ့တွင် ရုတ်တ ရက် ပြန်လည်မြင့်တက်လာမှု ကြောင့် ယာယီကယ်ဆယ်ရေး စခန်း ၂၂ ခု ဖွင့်လှစ်၍ ရေဘေးသင့် အိမ်ထောင်စုပေါင်း ၁ဝဝဝ ခန့်၊ လူဦး ရေပေါင်း ၄ဝဝဝ ကျော်ကို ကူညီ ထောက်ပံ့မှုများပြုလုပ်ပေးနေရ ကြောင်း ၈ ရပ်ကွက် အုပ်ချုပ်ရေး မှူး ဦးခင်လတ်ကပြောသည်။
ဒုတိယအကြိမ်မြစ်ရေကြီးမှု သည် ၁ဝ ရက်ခန့်ကြာမြင့်ပြီး မြို့ ၏ စိုးရိမ်ရေမှတ်အထက် ၅၃ စင် တီမီတာအထိ ရောက်ရှိခဲ့ကာ စက် တင်ဘာလ ၁ ရက်နေ့မှစတင်၍ တအိအိကျဆင်းသွားခဲ့သည်။ သို့ သော် ၇ ရက်နေ့ မနက် ၃ နာရီ ခန့်မှစတင်ကာ ပြန်လည်မြင့်တက် လာခဲ့ကြောင်း၊ ¤င်းမြစ်ရေသည် သြဂုတ်လ ၁၁ ရက်နေ့တွင် ၆၈ စင်တီမီတာ (၂ ပေခွဲခန့်) သို့ အမြင့်မားဆုံးရောက်ရှိခဲ့သည့် အတွက် မြို့ပေါ် ရှိ ၉ ရပ်ကွက်၊ ငဖယ်အင်းကျောင်း ဓမ္မာရုံရှေ့ ရန်ကုန်-မန္တလေး ကား လမ်းပေါ်သို့ ရေများစတင်ရောက်ရှိကာ ၉ ရပ် ကွက် ရွှေဘိုလေးကျောင်း (ယာယီ ကယ်ဆယ်ရေးစခန်း)မှ ရေဘေး သင့်အိမ်ထောင်စုများကို အုတ် ကျွတ်တန်း အ.မ.က သို့ ပြန်လည် ရွှေ့ပြောင်းပေးခဲ့ရကြောင်းသိရသည်။
အဆိုပါမြစ်ရေကြီးမှု စတင် ကတည်းက တောင်ငူမြို့ပေါ်ရှိ ကြက်သျှာစွန်းရပ်ကွက်၊ ဝိုင်းလေး ကွက်သစ်၊ မိုးကောင်းကျေးရွာနှင့် လောကုတ္တရာဘက်တွင် လှေများ၊ ဖောင်များဖြင့် သွားလာနေခဲ့ရပြီး ကြက်သျှာစွန်းကွက်သစ်တွင် အမြင့် ပေ ၆ ပေခန့်၊ ဝိုင်းလေးကွက်သစ် တွင် အမြင့်ပေ ၆ ပေခန့် ရေဝင် ရောက်ရှိနေခဲ့ကြောင်းဒေသခံတချို့က ပြောပြသည်။
ဟန်မင်းဦး(မြန်မာစာ)