တောင်းစားသူတို့၏ ကွန်းခိုရာ

အာရှ ဒေသတွင်းရှိ လူကုန် ကူးမှုများသည် ပုံစံ အမျိုးမျိုးဖြင့် ရှိနေရာ ထိုပုံစံ အသွင် သဏ္ဌာန်များသည် လိင်ပိုင်းဆိုင်ရာ၊ လုပ်အားပိုင်း ဆိုင်ရာ ခေါင်းပုံဖြတ် အမြတ်ထုတ်ခြင်း၊ အဓမ္မ လက်ထပ် ထိမ်းမြားခြင်း၊ မွေးစားရန် ကလေးများကို ကုန်ကူးခြင်း၊ ကလေးစစ်သား အသုံးပြုခြင်း၊ ကိုယ်အင်္ဂါ အစိတ်အပိုင်းများ ရောင်းစားရန် ကုန်ကူးခြင်း၊ အကြွေးဖြင့် နှောင်ဖွဲ့ခိုင်းစေခြင်းနှင့် သူတောင်းစား အဖြစ် တောင်းစား ခိုင်းစေရန် လူ ကုန်ကူးခြင်း စသည့် ပုံစံတို့ ဖြစ်သည်။

ကမ္ဘောဒီးယား နိုင်ငံရှိ ကလေးများ လူကုန်ကူးမှု ဖြစ်ရခြင်း၏ ၈၀ ရာခိုင်နှုန်းသည် ထိုင်းနိုင်ငံ မြို့ကြီးများ၏ လမ်းမများပေါ်တွင် တောင်းရမ်း ခိုင်းစေရန် အတွက်ဖြစ်သည်။ ငယ်ရွယ် သူ တောင်းရမ်း စားသောက်သူများသည် မွေးကင်းစ ကလေးအရွယ်မှ ၁၂ နှစ်သား အရွယ်ထိ ဖြစ်ကြသည်။ ၄င်းတို့သည် တစ်နေ့ကို ၈ နာရီမှ ၁၂ နာရီထိ တောင်းရမ်းကြရသည်။ တစ်နေ့ ၀င်ငွေမှာ အမေရိကန်ဒေါ်လာ ၉ ဒေါ်လာ မှ ၃၂ ဒေါ်လာထိ ရကြသည်။ ထိုင်းဘတ်ငွေနှင့် ဆိုလျှင် ဘတ် ၃၀၀ မှ ဘတ် ၁၀၀၀ ထိ ၀င်ငွေရှိသည်။

ထိုင်းနိုင်ငံ အတွင်းသို့ ကမ္ဘောဒီးယားမှ တရားမ၀င် ၀င်ရောက် လာသူများသည် လမ်းဘေးတွင် တောင်းရမ်း စားသောက်မှုဖြင့် အသက်မွေး ၀မ်းကျောင်းပြုကြသူများ ရှိကြသည်။ လမ်းဘေး တောင်းရမ်း စားသောက်သူများကို ပိုက်ဆံ ပေးကမ်းစွန့်ကြဲမှု မပြုလုပ်ကြရန် ထိုင်းအာဏာပိုင်များက ထိုင်းပြည်သူရော၊ ကမ္ဘာလှည့်သူ များကိုပါ အသိပေး တွန်းအားပေးထားသည်။
ထိုင်းနိုင်ငံမှ ပတ္တယားမြို့သည် ကမ္ဘာ လှည့်လည်ပတ်သူများ အတွက် စိတ်ဝင်စားမှု အရှိဆုံး မြို့တစ်မြို့ ဖြစ်သည်။ ထို့အပြင် ထိုမြို့သည် ထိုင်းနိုင်ငံ အတွင်းသို့ တရားမ၀င် ၀င်ရောက် လုပ်ကိုင်ကြသည့် အိမ်နီးချင်း နိုင်ငံများမှ အောက်ခြေသိမ်း အလုပ်သမားများ၊ ငါးဖမ်း လုပ်သားများနှင့် တောင်းရမ်းစား သောက်သူများ၏ ကွန်းခိုရာနေရာလည်း ဖြစ်လာနေသည်။ ထိုမြို့ထဲမှ တောင်းရမ်း စားသောက်သူများကို နှိမ်နင်းနေရာ ၂၀၁၁ ခုနှစ် မေလ ၆ ရက်နေ့  Soi Buakao နှင့် Pattaya Sai 2 တွင် သူတောင်းစား ၃၇ ဦးအား ဖမ်းဆီးနိုင် ခဲ့ကြသည်။ ထိုသူများသည် တရားမ၀င် လာရောက် တောင်းစားနေသူများ ဖြစ်ကြသည်။

အလားတူ ၂၀၁၁ ခုနှစ် မတ်လ ၃ ရက်နေ့က ကမ္ဘာလှည့် ခရီးသည်များ သွားလာသည့် နေရာများရှိ ကမ္ဘောဒီးယားမှ တရားမ၀င်နေထိုင်တောင်းရမ်း စားသောက် နေသူပေါင်း ၅၀ ကို ဖမ်းဆီး ခဲ့ရသည်ဟု ထိုင်းရဲတပ်ဖွဲ့မှ ထုတ်ဖော် ပြောကြားသည်။ ထိုဖမ်းဆီးခံရသည့် ကမ္ဘောဒီးယား နိုင်ငံသား တစ်ဦး ကမူ ထိုင်းနိုင်ငံ အတွင်းသို့ ၀င်ရန် ဗမညေပစေမအေ့နအ နယ်စပ်တွင် နိုင်ငံကူး လက်မှတ် အတုကို ထိုင်းဘတ် ၁၀,၀၀၀ ပေးဝယ်ခဲ့ရသည်ဟု ထွက်ဆိုထားသည်။ ကမ္ဘောဒီးယား နိုင်ငံသားများ တရားမ၀င် ထိုင်းနိုင်ငံ အတွင်း ၀င်ရောက်ရာ လမ်းကြောင်း ၃ ခုရှိရာ ၄င်းတို့မှာ ဗမညေပစေမအေ့နအ နယ်စပ်တွင် Ban Khlong Luek, Bab Nong Prue  နှင့် Ban Ta Phraya  စသည့် စစ်ဆေး ရေးဂိတ်များဖြစ်ကြသည်။ ထိုဂိတ်များမှ တာဝန်ရှိသူများသည် လုပ်ထုံးလုပ် နည်းနှင့်အညီ တင်းတင်းကြပ်ကြပ် စစ်ဆေးနေသော်လည်း အချို့ဝန်ထမ်း များ၏အကျင့်ပျက်ခြစားမှုနှင့် ထိုင်းလူပွဲစားများမှလည်း အခြားနည်းလမ်း မျိုးစုံဖြင့် ခိုးဝင်၍ရအောင် ကြံဆောင်တင်သွင်းမှုများကြောင့် သွားမြဲ သွားလာနေလျက် ရှိသည်။

ထို Aranyaprathet   နယ်စပ်ပေါက်သည် ဘန်ကောက်သို့ သွားသည့် ရထားဖြင့် တရားမ၀င် သွားနိုင်အောင် လူပွဲစား အေဂျင်စီများက အခြေပြုပြီး ဆောင်ရွက်ပေးနေခြင်း ဖြစ်သည်။ ဘန်ကောက်မြို့ လမ်းမများပေါ်မှ လမ်းဘေး တောင်းရမ်းစားသောက်သူများကို တာဝန် ရှိသူများက လိုက်လံ နှိမ်နင်းကြသဖြင့် ထိုသူတို့သည် အထူးသဖြင့် Samut Prakarn, Samut Sahkon, Nothaburi နှင့် Chiang Mai ဒေသသစ်ဆီသို့ ပြောင်းရွှေ့ တောင်းရမ်း စားသောက်လာကြသည်။

Pattaya ကမ်းခြေ တစ်လျှောက်တွင် ကမ္ဘာ့လှည့် ခရီးသည်များထံမှ တောင်းရမ်း စားသောက်နေမှုသည် အနှောင့်အယှက် ပေးရာကျသလို ထိုင်းနိုင်ငံ၏ အလှပုံရိပ်ကိုလည်း အကျည်း တန်စေသည်ဟု ထိုင်းရဲအရာရှိများက ဆိုသည်။ ထိုသို့ သူတောင်းစားများ ပေါများ လာခြင်းသည် လူကုန်ကူးမှု ဖြစ်ပွားမှုကို အထောက်အပံ့ ပေးနေသလိုဖြစ်စေသည်။

အကြောင်း အမျိုးမျိုးဖြင့် တရားမ၀င်ဝင် ရောက်လာသူ ကမ္ဘောဒီးယား နိုင်ငံသားများကို ဖမ်းဆီး နှိမ်နင်းမှုများ ယခုနှစ် အစောပိုင်းမှ စ၍ ပြုလုပ်လျက် ရှိရာ ဇန်န၀ါရီလတွင် ၅၂၇၀ ဦး၊ ဖေဖော်ဝါရီ လတွင် ၄၉၃၆ ဦး၊ မတ်လတွင် ၆၉၀၉ ဦးနှင့် ဧပြီလတွင် ၇၂၃၂ ဦးတို့ ဖမ်းဆီး အရေးယူနိုင်ခဲ့ကြသည်။ ထိုင်းနိုင်ငံသား တိုင်းသည် တရားမ၀င် လာရောက် နေထိုင်ကြသူများနှင့် ပတ်သက်၍ သက်ဆိုင်ရာ တာဝန်ရှိသူ များထံ သတင်း ပေးပို့ရမည့် တာဝန် ရှိကြသည်။

ထို့ကြောင့် တာဝန်သိ ထိုင်းပြည်သူတိုင်း သက်ဆိုင်ရာသို့ တယ်လီဖုန်းဖြင့် သတင်းပေး ပို့နိုင်ရန် လူသိရှင်ကြား အရေးပေါ်သုံး တယ်လီဖုန်း နံပါတ်များ ကြေညာထားသည်။ Pattaya City Hotline 1337, 038-252751-4 (Immimgration) ထိုင်းနိုင်ငံ အတွင်းသို့ တရားမ၀င် ၀င် ရောက်မှုကို အကူအညီ ပေးသူသည် ထိုင်းနိုင်ငံ ဥပဒေအရ ထောင်ဒဏ် ၁၀နှစ်နှင့် ငွေဒဏ်ဘတ် ငွေတစ်သိန်း ပြစ်ဒဏ် ခံကြရမည် ဖြစ်သည်။

ပတ္တယားမြို့သည် လူကုန်ကူးခြင်း ခံရသော ရွှေ့ပြောင်း သွားလာသူများ အတွက် သိရှိလာကြသည့် ခရီးဆုံး နေရာလည်း ဖြစ်လာသည်။ ထိုင်းအမျိုး သမီးငယ်လေးများ အတွက်ပါ စိုးရိမ်ရသည့်မြို့ဖြစ်လာသည်။ လူကုန်ကူးသူ များသည် ကလေးငယ်များကို အသုံးချကာ တောင်းစား ခိုင်းစေလိုမှုနှင့် အမျိုးသမီး ငယ်လေးများကို လိင်လုပ်ငန်း၌ အသုံးချရန် လူစုဆောင်းလေ့ ရှိသည့် နေရာဖြစ်လာသည်။ လူကုန်ကူးမှုကို အထောက်အပံ့ ဖြစ်စေမည့် သူတောင်းစားများကို ပေးကမ်းမှုများ မလုပ်ရန် သက်ဆိုင်ရာ တာဝန်ရှိသူများ က ထိုဒေသတွင် ပညာပေးမှုများ လုပ်ဆောင် လာနေကြပြီ ဖြစ်သည်။

ဝင်းနိုင်ထွန်း
(Teen မဂ္ဂဇင်း၊ဩဂုတ်လ ၂၀၁၁)