၈၈၈၈-အရေးတော်ပုံနှစ်ပါတ်လည်နှင့် တကျော့ပြန် လက်နက်ကိုင်တော်လှန်ရေး။

ထက်အောင်ကျော် (၀၄၀၈၁၁)

(ကျောင်းသားတပ်မတော် အင်အားကောင်းခဲ့စဉ်က)

ရှေ့တပါတ်ဆိုရင် (၀၈၀၈၁၁) ၈-လေးလုံးအရေးတော်ပုံကြီး ၂၃-နှစ် ပြည့်ပါတော့မယ်။ အဲဒီ အရေးတော်ပုံအတွင်းပါဝင်ခဲ့သူတွေ အခုဘယ်ရောက်နေလဲ။ ဘာတွေဆက်လုပ်နေသလဲ။ အဲဒီ
ကာလကစတင်ခဲ့တဲ့ ဒီမိုကရေစီရရှိရေးတိုက်ပွဲ အခု ၂၃-နှစ်ကြာပီးတဲ့အခါမှာ ဘယ်လောက် အထိခရီးရောက်နေပီလဲ။ နောက်ထပ်ဘယ်လောက်ထပ်ကြာဦးမလဲ။ ဒါဟာ နှစ်ပါတ်လည်နေ့
ရောက်တိုင်း လူအတော် များများက မေးလေ့ရှိတဲ့ မေးခွန်းတွေဖြစ်ပါတယ်။ ဒါပေမဲ့ နှစ်တွေကြာလာတာနဲ့အမျှ မေးခွန်းထုတ်သူဦးရေဖက်မှာပိုများ-များလာနေပီး ကိုယ်တိုင်
အဖြေရှာသူဦးရေဖက်မှာ ပိုနည်း-နည်းလာနေတာကို ကျနော်သတိထားမိပါတယ်။

ဘယ်လိုဘဲ့ဖြစ်ဖြစ် အဲဒီလှုပ်ရှားမှုမှာပါဝင်ခဲ့သူတွေအနေနဲ့ မေးဖို့တာဝန်ရှိသလို။ ဖြေဖို့လဲ
တာဝန်ရှိတယ်လို့ ကျနော်ထင်ပါတယ်။ အကြမ်းအားဖြင့်ပြောမယ်ဆိုရင်တော့ ၈-လေးလုံး
အရေးတော်ပုံကြီးမှာ ပါဝင်ခဲ့သူတွေထဲက ကိုမင်းကိုနိုင်အပါဝင် ၈၈-မျိုးဆက်ကျောင်းသား
တွေဟာ အခုချိန်ထိ အကျဉ်းထောင်တွေအတွင်း ရှိနေဆဲဖြစ်ပါတယ်။ အဖမ်းမခံရဘဲကျန်နေ သူတွေကတော့ ဒေါ်အောင်ဆန်းစုကြည်ရဲ့ အမျိုးသားဒီမိုက ရေစီအဖွဲ့ချုပ်ပါတီနဲ့ လက်တွဲပီး
ဆောင်ရွက်နေပါတယ်။ တချို့ကတော့ နိုင်ငံရေးပါတီထောင်ပီး လွတ်တော် နိုင်ငံရေးအခင်းအကျင်း
သစ်နဲ့ စခန်းသွားဖို့ပြင်နေပါတယ်။ တချီု့ကတော့ Low profile နဲ့နေပီး ကိုယ်ပိုင်စီးပွါးရေး
လုပ်သူလုပ်။ NGO တွေမှာလုပ်သူလုပ်။ ရွာပြန်ပီးခြံစိုက်သူစိုက်နဲ့ ရတဲ့အလုပ်ကို လုပ်ပီး နိုင်ငံရေးအခွင့်အလမ်းသစ်တခုပေါ်လာမဲ့ အချိန်ကို စောင့်ကြည့်နေကြပါတယ်။ ဒါက
ရန်ကုန်နဲ့ ပြည်တွင်းကအခြေနေပါ။

(ကျောင်းသားတပ်မတော်နဲ့ ဗိုလ်မှုးနှုတ်ခမ်းမွေးရဲ့ DKBA တပ်ဖွဲ့ဝင်များ)

ကျနော်အဓိကတင်ပြလိုတာကတော့ ကျနော်ကိုယ်တိုင်ပါဝင်ခဲ့တဲ့။ ပါဝင်နေဆဲဖြစ်တဲ့
နယ်စပ်နဲ့ ပြည်ပအခြေနေပါ။ ၈-လေးလုံးအရေးတော်ပုံအပီး စက်တင်ဘာ ၁၈-မှာ
စစ်တပ်က အာဏာသိမ်းပီးတဲ့ နောက် နယ်စပ်ဒေသဆီထွက်လာခဲ့တဲ့ ထောင်-သောင်း
ချီရှိတဲ့ကျောင်းသားလူငယ်တွေအခု ဘယ် ရောက်ကုန်ပီလဲ။ ဘာတွေဆက်လုပ်နေကြသလဲ
ဆိုတဲ့အပိုင်းဖြစ်ပါတယ်။ နယ်စပ်ရောက်ကျောင်းသား တွေ စုပေါင်းဖွဲ့စည်းခဲ့တဲ့ ABSDF ခေါ်
ကျာင်းသားတပ်မတော်ဟာ အခုချိန်ထိ နယ်စပ်တကျောမှာ လှုပ်ရှားနေဆဲဖြစ်ပေမဲ့ လွန်ခဲ့တဲ့
၂၃-နှစ်ကလို အင်အားမရှိတော့။

သူတို့ရဲ့အင်အား ၇၅-ရာခိုင်နှုံး ကျော်ကျော်က တတိယ-နိုင်ငံတွေ ဆီ ရောက်ကုန်ကြပါပီ။
အဲဒီလူတွေဟာ နေစဉ် စားဝတ်နေရေးကိစ္စ တွေနဲ့ လုံးပန်းနေရတဲ့အတွက် တောထဲက သူငယ်ချင်းတွေကို ပြန်ပီးသိပ်မကူနိုင်တဲ့အပြင် သူတို့ရောက် နေတဲ့တိုင်းပြည်မှာလဲ လက်တွေ့
ကျတဲ့နိုင်ငံရေး သိပ်မလုပ်နိုင်တော့။ ဒီလိုနေ့မျီုးမှာ နှစ်ပါတ်လည် အ ခန်းနားလုပ်။ နိုင်ငံရေး
ကြေငြာချက်တွေထုတ်။ နယ်စပ်ကရဲဘော်တွေအတွက် အလှူငွေစုပို့ ရုံထက် ပိုပီး နေပြည်တော်က
အရပ်ဝတ်-စစ်အစိုးရကို လှုပ်လှုပ်ရှားရှားဖြစ်သွားအောင် သိပ်လုပ်နိုင်ဘွယ် မမြင်။
ဒါက နှစ်စဉ်မြင် နေကြအခြေနေပါ။

ဒါပေမဲ့ ဒီနှစ်မှာတော့ အခြေနေက အယင်နှစ်တွေထက် နဲနဲပိုပီးထူးခြားမှုရှိနေတယ်လို့ ကျနော်
ထင်ပါတယ်။ ဘာကြောင့်လဲဆိုရင် ပီးခဲ့တဲ့နှစ် နိုဝင်ဘာ ၇-ရက်နေ့မှာကျင်းပခဲ့တဲ့ အငြင်းပွါး
ဘွယ်ရွေး ကောက်ပွဲနေ့စကစပီး လက်နက်ကိုင်တိုက်ပွဲတွေ နယ်စပ်နဲ့ မြိုပြဒေသတချီု့မှာ ပြန်
လည်ဖြစ်ပွါးနေပါ တယ်။ ဒါဟာ လွန်ခဲ့တဲ့နှစ် ၂၃-နှစ် ကျနော်တို့ တောစခိုစဉ်ကနဲ့ပြန်တူလာတဲ့ တခုတည်းသောအခြေ နေဖြစ်ပါတယ်။ တိုက်ဆိုက်မှုအဖြစ်ကတော့ အဲဒီရွေးကောက်ပွဲအလွန်
ခေါတ်ကစပီး အရှေ့အလယ် ပိုင်း နဲ့ အာရပ်ကမ္ဘာ မှာ လူထုအုံကြွမှုတွေဆက်တိုက်ဖြစ်ပွါးနေပီး
လစ်ဗျားနိုင်ငံမှာဆိုရင် လက်နက်ကိုင် တော်လှန်ရေး အထွတ်အထိပ်ရောက်နေတဲ့အချက်ဖြစ်
ပါတယ်။

ဒါဟာ ABSDF နဲ့ လက်နက်ကိုင် တော်လှန်ရေးအပေါ် စွန့်ခွါသွားသူတွေ။ လက်နက်ကိုင်လှုပ်ရှားနေလို့ အလှုငွေဖြတ်ရပါတယ်ဆိုတဲ့ နိုင်ငံတကာအလှုရှင်တွေ။ အကျမ်းမဖက် အနုနည်းသက်သက်လုပ်မှရမယ် ဆိုတဲ့လူတွေ။ နောက်တခါ လက်နက်ကိုင်တော်လှန်ရေးနဲ့ အကျမ်းဖက်မှုကို ကွဲကွဲပြားပြား မခွဲခြားတတ်သူတွေ
သူတို့ရဲ့ မူဝါတွေ ကို ပြန်လည်သုံးသပ်ရမဲ့အချိန်ဖြစ်နေပီလို့ ကျနော်ကထင် ပါတယ်။

(DKBA တပ်ဖွဲ့ဝင်များ...)

နိုဝင်ဘာလ ၇-ရက်နေ့ ရွေးကောက် ပွဲကျင်းပတဲ့နေ့မှာ ဗိုလ်နှုတ်ခမ်းမွေးဦးဆောင်တဲ့ DKBA တပ်ဖွဲ့တွေက မြ၀တီနဲ့ ဘုရားသုံးဆူမြိုတွေကို တပြိုင်တည်းဝင်သိမ်းလိုက်ပါတယ်။ ဒါဟာ လွန်ခဲ့တဲ့ နှစ် ၅၀- ပြည်တွင်းစစ်သမိုင်းမှာ ပထမ-ဆုံးအကြိမ် မြိုသိမ်းတိုက်ပွဲဖြစ်ပါတယ်။ လက်နက်ကိုင်တော်လှန် ရေးသမားတဦးဘ၀ကနေ သတင်းသမားဘ၀ဆီရောက်လာသူ ကျနော်ကိုယ်တိုင်တောင် DKBA က ဒီလောက်အထိလုပ်နိုင်လိမ့်မယ်။ လုပ်ရဲလိမ့်မယ်လို့ကြိုတွက်မထားခဲ့။ ဒါပေမဲ့ ထင်မထားတာတွေ အခု ၂၀၁၁-မှာ တကယ်ဖြစ်လာခဲ့ပါပီ။ အခုဆိုရင် နယ်ခြားစောင့်တပ်ကိုလက်ခံသွားတဲ့ ကရင်ငြိမ်းအဖွဲ့ အတော်များများလဲ စစ်အစိုးရနဲ့လမ်းခွဲပီး ဗိုလ်နှုတ်ခမ်းမွေးနဲ့ပြန် လည်ပူးပေါင်းလာနေတဲ့အတွက် (တ ချိန်က အတိုက်ခံအားလုံးရဲ့ ဌာနချုပ်) မာနယ်ပုလော ၀န်းကျင်ကိုတောင် နှုတ်ခမ်းမွေးနဲ့အဖွဲ့က ထိမ်း ထားနိုင်တဲ့ အခြေနေရှိ လာနေပီဖြစ်ပါတယ်။

ထိုင်း-မြန်မာနယ်စပ်တလျောက်မှာ ဒီလိုတိုက်ပွဲဖြစ်နေစဉ်မှာ တိုက်ဆိုင်စွာပေါ်ပေါက်လာတဲ့ နောက်ထပ်လက်နက်ကိုင်တိုက်ပွဲတခုကတော့ တရုတ်-မြန်မာနယ်စပ်က ကချင်ဒေသမှာဖြစ်ပါတယ်။ ဒီ တိုက်ပွဲဟာ လွန်ခဲ့တဲ့ ၂၀၀၉- သြဂုတ်လဖြစ်ပွါးခဲ့တဲ့ ကိုးကန့်ဒေသတိုက်ပွဲနဲ့မတူဘဲ ရေရှည်စစ် ပွဲတခု ဖြစ်လာနေပါတယ်။ ဒါအပြင် တရုတ်နိုင်ငံကဦးစီးဆောက်လုပ်နေတဲ့ ရေကာတာစီမံကိန်းတွေနဲ့ ဆက် စပ်နေတဲ့အတွက် နိုင်ငံတကာရဲ့ဝေဖန်မှုတွေတိုးလာနေပီး ဒီစစ်ပွဲတွေကို အမြန်ဆုံးရပ်တန့် ဆွေးနွေး အဖြေရှာဖို့ အမေရိကန်အပါဝင် နိုင်ငံတကာဖက်ကတောင်းဆိုသံတွေထွက်လာနေပါတယ်။

၁၉၉၄-မှာ စစ်အစိုးရနဲ့ တရားဝင်အပစ်ခတ်ရပ်စဲရေးသဘောတူစာချုပ်-ချုပ်ခဲ့တဲ့ ကေအိုင်အို-ဖက်ကတော့ (ကေ အိုင်အို-ဟာ တခုတည်းသော စာချုပ်ချုပ်တဲ့အဖွဲ့ဖြစ်ပီး ကျန် ၁၆-ဖွဲက နှုတ်ကတိနဲ့အပစ်ရပ်ခဲ့တာ ဖြစ်ပါ တယ်) အပစ်ရပ်မယ်ဆိုရင် တရုတ်ဖြစ်ဖြစ် အာဆီယံ-ဖြစ်ဖြစ် ကြားနိုင်ငံတခုခုက သက်သေအဖြစ် ပါဝင်ပေးဖို့တောင်း ဆိုနေပါတယ်။ ဘာကြောင့်လဲဆိုတော့ သက်သေမရှိဘူးဆိုရင် အင်အားများသူက အချိန်မရွေး ကတိဖေါက်နိုင်တာကြောင့်လို့ ကေအိုင်အို-ဖက်က ထောက်ပြနေပါတယ်။

(KIA တပ်ဖွဲ့ဝင်များ.)

ကချင်တောင်တန်းဒေသမှာ အပစ်ရပ်ရေးဆွေးနွေးနေစဉ်မှာဘဲ့ ရှမ်းပြည်အလယ်ပိုင်းဒေသမှာ သေနပ်သံတွေ ထွက်ပေါ်လာပါတယ်။ ဒါကတော့ ၁၉၉၂ ၀န်းကျင်က စစ်အစိုးရနဲ့အပစ်ခတ်ရပ်စဲရေး လုပ်ခဲ့တဲ့ ရှမ်းပြည်တပ်မတော်အတွင်း တချီု့က နယ်ခြားစောင့်တပ်ကိုလက်ခံပေမဲ့ တချို့ကလက်မခံရာ ကနေ လက်မခံတဲ့အဖွဲ့နဲ့ စစ်အစိုးရတပ်တွေကြား ထိပ်တိုက်တွေ့လာတာဖြစ်ပါတယ်။ ဒီတိုက်ပွဲတွေရဲ့ ထူးခြားချက်ကတော့ ရှမ်းပြည်တပ်မတော် မြောက်ပိုင်းနဲ့ဖြစ်နေတဲ့ တိုက်ပွဲအတွင်း ထိုင်းနယ်စပ် အခြေ စိုက် ဗိုလ်မှုးကြီးယောဆစ်ရဲ့ တောင်ပိုင်းတပ်တွေပါ ပါလာတဲ့အချက်ဖြစ်ပါတယ်။ အဓိပါယ်ကတော့ တိုက်ပွဲဟာ စစ်မျက်နှာပိုကျယ်လာနေတဲ့သဘောဖြစ်ပါတယ်။

ဒီလိုအခြေနေမှာ ရှေ့မှာကျနော်တင်ပြခဲ့တဲ့ လွန်ခဲ့တဲ့ ၂၃-နှစ်က နယ်စပ်ဆီတောခိုပီး လက် နက်ကိုင်တိုက်ပွဲနဲ့ စစ်အစိုးရကိုဖြုတ်ချမယ်ဆိုတဲ့ကျောင်းသားတွေ အခု ဘာလုပ်နေသလဲ။ ဘယ်ရော က်နေသလဲဆိုတာနဲ့ ပြန်ဆက်စပ်လာပါတယ်။ တတိယ-နိုင်ငံတွေဆီရောက်သွားသူတွေမှအပ နယ်စပ် မှာရှိနေဆဲဖြစ်တဲ့ ABSDF တပ်ဖွဲ့ဝင်တွေဟာ နိုဝင်ဘာ ၇-ရက် မြ၀တီ-တိုက်ပွဲဖြစ်ဖြစ်ချင်းမှာဘဲ့ ဗိုလ်မှုး နှုတ်ခမ်းမွေးနဲ့ ပူးတွဲတိုက်ပွဲဝင်လိုက်ပါတယ်။ အခြေနေအမျိုးမျိုးကြောင့် သူတို့ရဲ့အင်အားဟာ အတော် နဲ သွားပီဖြစ်ပေမဲ့လဲ ရာဂဏန်းအထက်မှာတော့ရှိနေဆဲလို့ယူဆရပါတယ်။ ဗိုလ်မှုးနှုတ်ခမ်းမွေးတို့အဖွဲ့နဲ့ အတူလက်တွဲတိုက်ပွဲဝင်နေတာ အတော်အောင်မြင်နေပီလို့ တတိယ-နိုင်ငံရောက်ပီးမှ ပြန်လည်တောခို သွားသူ ကျောင်းသားတပ်မတော် စစ်ဦးစီးအရာရှိတဦးက ကျနော်ကိုပြောပါတယ်။

အခုချိန်မှာတော့ ကေအန်ယူ-တပ်တွေပါ သူတို့နဲ့အတူပူးတွဲပါဝင်လာပြီး သောင်ရင်းမြစ်နဲ့ သံလွင်မြစ်တလျောက်က စခန်းအတော်များများကို ပြန်လည်သိမ်းပိုက်နိုင်ခဲ့ပီလို့ သူကဆိုပါတယ်။ ဗိုလ်မှုးနှုတ်ခမ်းမွေးကိုယ်တိုင် ကလဲ ကျောင်းသားတပ်တွေ သူတို့နဲ့လာပေါင်းတဲ့အပေါ် အထူးအားရကျေနပ်ပီး ဒါဟာ တပ်ပေါင်းစုနဲ့ အောင်ပွဲခံဖို့ ပထမ-အဆင့်ဖြစ်တယ်လို့ပြောပါတယ်။ အထူးသဖြင့် ပြည်တွင်း-ပြည်ပ ဆက်စပ်ရေး။ မီ ဒီယာတွေ သံတမန်တွေနဲ့ဆက်စပ်ရေးမှာ ABSDF က သူတို့အတွက် အများကြီး ကူညီပေးနိုင်ခဲ့တယ် လို့ ဗိုလ်မှုတ်ခမ်းမွေးက ကျနော်ကိုပြောပြခဲ့ပါတယ်။

(SSA-တပ်ဖွဲ့ဝင်များ...)


ဒါဆိုရင် ကေအိုင်အို-နဲ့ ရှမ်းတပ်တွေဆီကိုကော ABSDF က သွားရောက်မပူးပေါင်းဘူးလား။ နယ်စပ်ဒေသရှိ ABSDF ခေါင်းဆောင်ပိုင်းကို ကျနော်တီးခေါက်ကြည့်တော့ KIO က သူတို့ကိုကမ်း လှမ်းထားပီး ပူးပေါင်းတိုက်ပွဲဝင်ရေးအတွက် ထိပ်တန်းခေါင်းဆောင်အဖွဲ့တခု လွိုင်ဇာဒေသဆီ သွားပီး ဆွေးနွေးနေတာ အတော်ခရီးရောက်နေပီလို့ အမည်မဖေါ်လိုတဲ့ ABSDF ခေါင်းဆောင်တဦး ကပြော ပါတယ်။ တကယ်တော့ ABSDF ဟာ အယင်က ကေအိုင်အို-အပါဝင် တခြားတိုင်းရင်းသား လက် နက်ကိုင်အဖွဲ့တွေနဲ့ အတူလက်တွဲတိုက်ပွဲဝင်နေပေမဲ့ ၁၉၉၀-ပြည့်လွန်နှစ်တွေအတွင်း အပစ်ခတ် ရပ်စဲ ရေးလုပ်တဲ့အခါမှာတော့ ကျောင်းသားတွေကို ငြိမ်း-နယ်မှာလက်ခံမထားရဘူးဆိုပီး စစ်အစိုးရက ဖိ အားပေးတဲ့အတွက် ၁၉၉၆-နှစ်လယ်လောက်မှာ ကေအိုင်အို နယ်ကနေ ကျောင်းသားတွေထွက်ခွါလာ ခဲ့ရတာဖြစ်ပါတယ်။ ဒါပေမဲ့ အခုချိန်မှာတော့ အပစ်ခတ်ရပ်စဲရေးသဘောတူညီချက်တွေ ပျက်ပျယ် သွားပီဖြစ်တဲ့အတွက် ကျောင်းသားတွေကို တိုင်းရင်းသားတပ်တွေကိုယ်တိုင်က ဖိတ်ခေါ်လာတဲ့သ ဘောဖြစ်ပါတယ်။ အလားတူဖိတ်ခေါ်မှုမျိုးကို မွန်ပြည်သစ်နဲ့ ရှမ်းပြည်တပ်မတော်တွေဆီကနေ မကြား ရသေးပေမဲ့ မကြာခင်ဖြစ်လာနိုင်တယ်လို့ ကျောင်းသားတွေကမျော်လင့်နေပါတယ်။

(MNLA.မွန်အမျိုးသားလွတ်မြောက်ရေးတပ်မတော်မှ တပ်ဖွဲ့ဝင်များ..)

၁၉၉၀-ပြည့်လွန်နှစ်တွေအတွင်း အပစ်ခတ်ရပ်စဲရေးလုပ်ခဲ့တဲ့ ငြိမ်းအဖွဲ့တွေဟာ တဖက်မှာ စစ် အစိုးရနဲ့ ဒီလိုအဆင်မပြေမှုတွေရှိလာနေပေမဲ့ တခြားတဖက်မှာလဲ မြိုပြတည်ဆောက်ရေး။ မြိုပြအုပ်ချုပ် ရေးနဲ့ ဒေသဖွံ့ဖြိုးရေးစီမံကိန်းတွေကို ကောင်းကောင်းလုပ်ပြနိုင်ခဲ့ပါတယ်။ ၁၉၈၉-မှာ ပထမ-ဆုံး အ ပစ်ရပ်ခဲ့တဲ့ ၀သပ-ဒေသမှာဆိုရင် မြိုနယ်ပေါင်း ၈-ခုနဲ့ တကယ်ကိုမြုပြနိုင်ငံတခုလိုဖြစ်နေခဲ့ပါပီ။ အ လားတူ ဦးစိုင်းလင်းရဲ့မိုင်းလားဒေသနဲ့ အခုတိုက်ပွဲတွေဖြစ်နေတဲ့ ကေအိုင်အိုရဲ့ လိုင်ဇာ-ဒေသတွေ ကိုကြည့်မယ်ဆိုရင်လဲ သူပုန်တွေမှာ မြိုပြတည်ဆောက်ရေး။ အုပ်ချုပ်ရေးလုပ်နိုင်တဲ့စွမ်းရည် နေပြည် တော်က စစ်အစိုးရထက် ပိုအားသာနေတယ်ဆိုတာကို သိသာနိုင်ပါတယ်။

သူပုန်တွေရဲ့ မြိုပြဒေသဟာ နေပြည်တော်အုပ်ချုပ်ရေးအောက်က ဒေသတွေထက် ပိုမိုဖွံဖြိုး ပိုမိုခေါတ်မှီပီး အင်တာနက်နဲ့တယ်လီ ဖုန်း ဆက်သွယ်ရေးတွေမှာ များစွာသာလွန်နေတာကိုတွေ့ရမှာဖြစ်ပါတယ်။ ဒါကြောင့်လဲ သူတို့ဒေသ ကိုစစ်အစိုးရအုပ်ချုပ်မှုအောက် သွတ်သွင်းမဲ့ ၂၀၁၀-နိုဝင်ဘာ ၇-ရက်ရွေး ကောက်ပွဲကိုလဲ သူပုန် ဟောင်းတွေက သူတို့နယ်မြေမှာ ကျင်းပခွင့်မပေးခဲ့ပါဘူး။ သူတို့ဒေသတွေကို ဟောင်ကောင်ကျွန်းလို။ မက္ကာအိုလို ကိုယ်ပိုင်အုပ်ချုပ်ခွင့်ရဒေ သအဖြစ်ပေးဖို့။ နိုင်ငံတခု စနစ် ၂-ခုကျင့်သုံးဖို့အထိ တိုင်းရင်း သား လက်နက်ကိုင်အဖွဲ့တချို့က တောင်းဆိုနေတာလဲဖြစ်ပါတယ်။

တကယ်လို့ အခုဖြစ်နေတဲ့ တိုက်ပွဲတွေ။ နယ်ခြားစောင့်တပ်ပြသာနာတွေ။ ကိုယ်ပိုင်အုပ်ချုပ် ခွင့်ပြသာနာတွေကို အချိန်မှီငြိမ်းချမ်းစွာနဲ့ဆွေးနွေးအဖြေမရှာနိုင်ဘူးဆိုရင်တော့ ခုနကထောက်ပြခဲ့တဲ့ သူပုန်တွေရဲ့ မြိုပြနိုင်ငံသစ်တွေအပြင် နေပြည်တော်နဲ့ တခြားဒေသက မြိုပြနိုင်ငံတွေပါ ပျက်စီးလာနိုင် တဲ့အခြေနေမျိုးဖြစ်လာနိုင်ပါတယ်။ ဒီအတွက် အမြန်ဆုံးဆွေးနွေးအဖြေရှာဖို့ နိုင်ငံတကာက တောင်းဆို နေပါတယ်။ ဒီတောတွင်းမှာဘဲ့ မြန်မာ့ဒီမိုကရေစီလှုပ်ရှားမှုခေါင်းဆောင် ဒေါ်အောင်ဆန်းစုကြည်ကလဲ အစိုးရ၀န်ကြီးတဦးဖြစ်သူ ဦးအောင်ကြည်နဲ့ ပြီးခဲ့တဲ့ လအတွင်းကဘဲ့ ဆွေးနွေးမှုတွေပြန်စလာတာတွေ့ ရပါတယ်။ တချိန်တည်းမှာဘဲ့ တိုင်းရင်းသားတွေနဲ့ဖြစ်နေတဲ့ လက်နက်ကိုင်ပတိပခ ပြေလည်စေရေး အတွက် သူတတ်နိုင်တဲ့ဖက်က ကူညီပေးချင်တယ်လို့ ကြေငြာချက်တစောင်ထုတ်ပြန်ခဲ့ပါတယ်။ နော က်တခါ ရွေးကောက်ပွဲ တိုင်းရင်းသားပါတီ ၅-ခုကလဲ အလားတူ ကြေငြာချက်မျိုးထုတ်ပြန်ထားပါ တယ်။

ဒါမေပဲ့ အခုချိန်ထိတော့ ကြေငြာချက်တွေ။ စာရွက်စာတန်းတွေအဆင့်မှာဘဲ့ရှိနေသေးပီး တိုက်ပွဲတွေကို တားဆီးရပ်တန့်အောင် တကယ်ဝင်လုပ်နိုင်တဲ့သူမတွေ့ရသေး။ နောက်တခါ ဒေါ်အောင် ဆန်းစုကြည်နဲ့ ၀န်ကြီးဦးအောင်ကြည်တို့ရဲ့ဆွေးနွေးမှုကကော အယင်စစ်အစိုးရခေါတ်ကထက်ပိုပီး ထူး လာပါ့မလားဆိုတာကိုလဲ အကဲခတ်တွေက သံသယ-ရှိနေဆဲဖြစ်ပါတယ်။ အထူးသဖြင့် အခုတိုက်ပွဲ တွေပြန်ဖြစ်နေတဲ့ တိုင်းရင်းသားလက်နက်ကိုင်အဖွဲ့ ၁၇-ဖွဲ့နဲ့ အပစ်ခတ်ရပ်စဲရေးသဘောတူညီမှုရ အောင် အဓိကနေရာက ကြားဝင်ဖြန်ဖြေပေးခဲ့သူ ၀န်ကြီးချုပ်ဟောင်း။ စစ်ထောက်လှမ်းရေးမှုးဟောင်း ဗိုလ်ချုပ်ကြီးခင်ညွန့်ကို ၂၀၀၄-ကစပီး ဖမ်းဆီးထောင်ချထားခြင်းက မြန်မာနိုင်ငံမှာ စေ့စပ်ဆွေးနွေးရေး သမားတွေအတွက်နေရာမရှိသေးဘူးဆိုတာကို သက်သက်ပြသလိုဖြစ်နေပါတယ်။

(ဒေါ်အောင်ဆန်းစုကြည်နဲ့ ဦးအောင်ကြည်တို့ရဲ့ တွေ့ဆုံပွဲ...)

ဒါကြောင့် ၂၃-နှစ်ကြာ ကျနော်တို့ရဲ့တော်လှန်ရေးအခြေနေကို ဆန်းစစ်မယ်ဆိုရင် အခြေနေ ဟာ ရှေ့ကိုမတိုးနိုင်တဲ့အပြင် နောက် ပြန်ဆုတ်နေတဲ့သဘော။ ငြိမ်းချမ်းရေးပျက်ပီး စေ့စပ်ဆွေးနွေး ရေးသမားတွေ ဖမ်းဆီးခံရ။ သေနပ်သံတွေပြန်ကြားလာနေတဲ့သဘောဖြစ်ပါတယ်။ ဒီပြသာနာတွေကို နိုင်ငံတကာအသိုင်းဝိုင်းက အမြန်ဆုံးကြားဝင်ဖြန်ဖြေပေးဖို့လိုနေပါတယ်။ တရုတ်နဲ့ အမေရိကန်အပါ ၀င် နိုင်ငံတကာဖက်ကနေ အချိန်မှီကြားဝင်ဖြန်ဖြေပေးဖို့ အချိန်နောက်ကျသွားမယ်ဆို ရင်တော့ လက် နက်ကိုင်ပတိပခ-အခြေနေဟာ ၁၉၈၈။ ၈-လေးလုံးအရေးတော်ပုံကာလ အခြေနေကို ပြန်ရောက်သွား ဖို့ သေချာသလောက်ရှိနေပါတယ်။

ဒီလိုအခြေနေမျိုးမှာ အာရပ်ကမ္ဘာမှာ လူထုအုံကြွမှုတွေ အရှိန်အဟုန်ကောင်းကောင်းနဲ့ တိုး တက်ဖြစ်ပေါ်နေပါတယ်။ လစ်ဗျားနိုင်ငံမှာဆိုရင် လက်နက်ကိုင်တော်လှန်ရေးက အထွတ်အထိပ်ကို ရောက်နေပြီး မြိုတော်ထရီပိုလီ-ကိုတောင် သူပုန်တွေက မနက်ဖြန်-သဖက်ခါမှာ သိမ်းဖို့ပြင်နေပါတယ်။ ဒီဖြစ်စဉ်တွေ အပေါ်ကျောင်းသားတွေက အားကျနေပီး ဒီဂရက်တွေ မြန်မာနိုင်ငံဆီကိုပါ ပြန်နှံလာမယ် လို့ သူတို့က မျော်လင့်နေပါတယ်။ ဒီမျော်လင့်ချက်ကိုပေးခဲ့သူတွေထဲမှာ အမေရိကန်လွတ်တော်အမတ် ဂျွန်မက်ကိန်း လို ပုဂိုလ်မျိုးတောင် ပါဝင်နေတဲ့အတွက် မဖြစ်နိုင်တာကို ကျောင်းသားတွေကမျော်လင့် နေတယ်လို့တော့ ပြောဖို့ခက်ပါတယ်။ တကယ်ကတော့ သူတို့ရဲ့မျော်လင့်ချက်ဟာ လူထုလှုပ်ရှားမှုတင် မကပါဘူး။ လစ်ဗျားကို နေတိုးအဖွဲ့က ဗုံးကျဲပီး သူပုန်တွေက တနိုင်ငံလုံးကို တဖြေးဖြေးချင်းသိမ်းပိုက် နေတဲ့ ဖြစ်စဉ်ကိုလဲ ကျောင်းသားသူပုန်တွေက အားကျနေတာဖြစ်ပါတယ်။

သူတို့ရဲ့မျော်လင့်- အားကျမှုတွေဟာ လက်တွေ့နဲ့ဘယ်လောက်နီးစပ်သလဲ။ စိတ်ကူးယဉ် သက်သက်များဖြစ်နေလေမလား။ ဒါဟာ နိုင်ငံတကာ အသိုင်းဝိုင်းရဲ့ရပ်တည်ချက်နဲ့ ပြည်တွင်းရှိနိုင်ငံ ရေး ပါတီတွေ။ နယ်စပ်ကလက်နက်ကိုင်အဖွဲ့တွေရဲ့ ပူးပေါင်းဆောင်ရွက်မှုအပေါ် မူတည်နေပါတယ်။ လက်ရှိဖြစ်နေတဲ့ စစ်ပွဲတွေ။ နိုင်ငံရေးပြသာနာတွေကို တွေဆုံဆွေးနွေးနွေးပီးအဖြေရှာနိုင်အောင် ကုလသမဂနဲ့ နိုင်ငံတကာအသိုင်းဝိုင်းက အရပ်ဝတ်-စစ်အစိုးရကိုအသေချာဖိအားပေးနိုင်မလား။ ဒါမှ မဟုတ် လစ်ဗျားစတိုင် စစ်ရေးအရ အရေးအရေးယူပီး အာနာရှင်စနစ်ကိုဖြတ်ချရေးကို ဆောင်ရွက် မလား။

ဒီနှစ်ခုထဲက တခုခုကို ရွေးချယ်ပီး အချိန်ဇယားအတိအကျနဲ့စတင်အကောင်ထည် ဖေါ်ဖို့ အရေး ပေါ်လိုနေပါတယ်။ ဒီ ၂-ခုစလုံးကိုလစ်လျှူရှုပီး လွန်ခဲ့တဲ့ ၂၃-နှစ်ကလိုဘဲ့ သောင်မတင်ရေမကျ ဇတ်မျောဆက်လုပ်ထားမယ်ဆိုရင်တော့ မြန်မာ့နိုင်ငံရေးအခြေနေဟာ မထူးဇါတ်ခင်းပီး လက်နက်ကိုင် တိုက်ပွဲနဲ့ လက်နက်ကိုင်တော်လှန်ရေးဖက်ဆီ ပြန်လည်ဦးလှည့်သွားဖို့ အခြေနေအရပ်ရပ်က တွန်းပို့နေ ပီဖြစ်ပါတယ်။


(မှတ်ချက်... ဓါတ်ပုံများကို Face book, Irrawaddy နှင့် Shanland တို့မှ ကူးယူဖေါ်ပြထားပါသည်)
...............................................................


(ဒီဆောင်းပါးမှာပါတဲ့အတိုင်း လူအတော်များများက မေးခွန်းထုတ်နေတဲ့ လွန်ခဲ့တဲ့ ၂၃-နှစ်က ၈-လေးလုံးမှာပါဝင်ခဲ့တဲ့သူတွေထဲက ကျောင်းသားတွေ အခုဘယ်ရောက်ကုန်ပီလဲ- ဆိုတာကို
လေ့လာဆန်းစစ်နိုင်ဖို့ ABSDF တပ်ဖွဲ့ဝင်တချို ၂၀၀၅-ဒီဇင်ဘာလ ရှေ့တန်းခရီးစဉ်တခုအကြောင်း
ဗွီဒီယို-မှတ်တန်းကိုပါ ဒီနေရာမှာတွဲပီးဖေါ်ပြလိုက်ပါတယ်။ ဗွီဒီယို-မှတ်တန်းတင်သူဟာ နယူးဇီလန်
နိုင်ငံသား အလွတ်သတင်းထောက်တဦးဖြစ်ပေမဲ့ အခုချိန်ထိ ပြန်လည်ဆက်သွယ်မှုမရသေးပါ)