အရောင်းတွေ အပြောင်းတွေကြားက မန္တလေး

ဝါဆိုသင်္ကန်းကပ်ဖိတ်တဲ့ ဖိတ်စာတစ်စောင် ရပ်ကွက်ထဲက လူငယ်တွေလာပို့လို့ အမေ့ကိုပေးလိုက်တော့ အမေကဖတ်ပြီး ''သမီး ဒါတို့နောက်လမ်းကြားထဲက အိမ်လိပ်စာပဲ။ ဒါပေမယ့် အမေ ဒီနာမည်တွေကို မသိဘူး ဖြစ်နေတယ်။ အရင်တုန်းက အဲဒီနေရာမှာ ပုံနှိပ်စက်အိမ်ပါ။ အခု လူသစ်တွေ ထင်တယ်''ဟု အမေက ဖိတ်စာဖတ်ရင်း ပြောသည်။
ဟုတ်တော့လည်းဟုတ်သည်။ ကျွန်မ သတိထားမိသည့် ငါးနှစ်၊ ခြောက်နှစ် အတွင်း ကျွန်မတို့ ရပ်ကွက်နှင့် အနီးအနားရှိ ရပ်ကွက်များသို့ လူသစ်များ ပြောင်းရွှေ့ နေထိုင်မှု များလာတာ၊ ပြောင်းရွှေ့နေထိုင်သူများထဲမှာ မြို့ထဲမှ ပြောင်းရွှေ့လာသော မန္တလေးမြို့ခံများ ပါဝင်သလို လူမျိုးခြားများ၊ တိုင်းရင်းသားလူမျိုးများ အများအပြား ပါဝင်လာတာကိုလည်း မြင်တွေ့နေရသည်။ ရပ်ကွက်အတွင်းရှိ အရင် လူဟောင်းတွေမှာလည်း မြေဈေးလေးရတော့ ရောင်းကာ မြို့သစ်မှ မြို့သစ်ထပ်သစ်သော တိုးချဲ့ မြို့သစ်များသို့ ပြောင်းရွှေ့နေထိုင် လုပ်ကိုင် စားသောက်မှုသည် တစ်ယောက်စ၊ နှစ်ယောက်စမှ ယခု ရပ်ကွက်လုံးနီးပါး ပြောင်းရွှေ့နေကြသည်ကိုလည်း တွေ့မြင်နေရသည်။
လွန်ခဲ့တဲ့ နှစ်ရက်လောက်က အိမ်မှာ ဖုန်းလာဆက်တဲ့ အစ်မ တစ်ယောက်ကို သူဖုန်းပြောနေသော အသံကြောင့် မေးမိသေးသည်။ သူပြောနေတာက ''အေး...သူငယ်ချင်း။ ငါတို့ အခု အိမ်ခွဲနေတာလေ။ အရင် နေရာမှာ
မဟုတ်တော့ဘူး။ အခုက နည်းနည်းဝေးတယ်။ မြို့သစ်ဘက်မှာ။ နင်ကြုံရင်လာလည်ဦး။ မကြုံတောင်မှ အားရင်တော့ လာလည်ပါဦးဟာ။ ဒီမှာ အသိမရှိတော့ နေရတာ ပျင်းတယ်။ ငါလည်း တစ်နေ့တစ်နေ့ ဖုန်းဖိုး
တော်တော်ကုန်တယ်။ ပျင်းတိုင်း သူငယ်ချင်းတွေဆီ ဆက်နေ တော့တာ။ ငါဖုန်းချလိုက်တော့မယ်နော်။ ငါတို့အိမ်ကို လာလည်ဦးနော်''ဟု ဆိုခြင်းကြောင့် စိတ်ဝင်စားတာနဲ့ မေးကြည့်မိသည်။
''အစ်မတို့ အရင်တုန်းက မဟာမြိုင်ထဲမှာ နေတာလေ။ အစ်မက မန္တလေးသူတော့ မဟုတ်ဘူး။ ကျောင်းလာတတ်ရင်း မန္တလေးသားနဲ့ အိမ်ထောင်ကျလို့ ဒီမှာပဲ အခြေချနေမယ် စဉ်းစားထားတာ။ သူနဲ့ အိမ်ထောင်ကျတာ
တစ်နှစ်လောက်တော့ ရှိပြီ။ မဟာမြိုင်ဘက်တုန်းက သူ့မိသားစုတွေနဲ့ ပေါင်းနေတာလေ။ အခု အစ်မတို့က အိမ်ခွဲနေပြီး စီးပွားရေးလုပ်ချင်တယ် ဆိုလို့ ဒီဘက်မှာ မြေ၀ယ်ပြီး ရင်းနှီးစားသောက်ဖို့ ထုတ်ပေးတယ်။
ဒီဘက်ကိုရောက်တာ ၃ လလောက်ပဲ ရှိသေးတယ်။ စီးပွားရေးကတော့ အကောင်အထည် မဖော်နိုင်သေးဘူး။ ရောက်ခါစက အိမ်မှာနေရင်း မုန့်ဆိုင်လေး ဖွင့်လိုက်သေးတယ်။ သိပ်အဆင်မပြေလို့ တစ်လလောက်ကြာတော့ ပိတ်လိုက်ရတယ်။ အခု အမျိုးသားက အိမ်စားစရိတ်အတွက် ကျောက်ဝိုင်းသွားပြီး အလုပ်ဆင်းတယ်။ တစ်နေ့ရတာလေးက စားစရိတ်တော့ ဖူလုံပါတယ်။ ပိုပိုလျှံလျှံတော့ မသုံးရဘူး။ တစ်ခါတစ်ခါ အဆင်မပြေရင်လည်း အရင်း လုပ်ဖို့ရှိတဲ့ ပိုက်ဆံလေးထဲက နုတ်သုံးရတယ်။ ကိုယ်ကလည်း ကျောင်းပြီးတော့ ၀န်ထမ်းပဲ လုပ်ဖူးတာလေ။သူများတွေလို ဈေးရောင်းစားဖို့က မလွယ်ဘူး ဖြစ်နေတယ်''ဟု မဟာမြိုင်ဘက်မှ မြို့သစ်သို့ ပြောင်းလာသူ မမွန်မွန်က ပြောပါသည်။
လူမျိုးခြားများ ပြောင်းရွေ့ နေထိုင်မှုသည် မန္တလေးမြို့ခံများ ပြောင်းရွေ့လာမှုနှင့် ဆန့်ကျင်ဘက် ခြားနားနေသည်ကို တွေ့ရသည်။ လားရှိုး၊ မြစ်ကြီးနား၊ ရှမ်းပြည်နယ်မြောက်ပိုင်း၊ တာမခန်ဘက်မှ တရုတ်လူမျိုး အများစု လာရောက် နေထိုင်မှု များပြားပြီး မြို့သစ်၏ အချက်အခြာကျသော လမ်းမတန်းများတွင် စီးပွားရေး လုပ်ငန်းများ လုပ်ကိုင်နေကြသည်ကို တွေ့ရသည်။ယင်းလူမျိုးများသည် မြို့သစ်မှတစ်ဆင့် မန္တလေး မြို့လယ် ရပ်ကွက်များသို့ ထပ်မံ ပြောင်းရွေ့ အခြေချ နေထိုင်ကြသည်။
မန္တလေးမြို့ တောင်ဘက်တွင်ရှိသော မြို့သစ်များ စတင် တိုးချဲ့လာခြင်းမှာ မန္တလေးမြို့၏ အကြီးမားဆုံး မီးလောင်ကျွမ်းမှုများတွင် ပါဝင်သော မီးဘေးဒုက္ခသည်များအား အစားထိုး နေရာချထားပေးရာမှ ပေါ်ပေါက်လာခြင်း ဖြစ်၏။
မန္တလေးမြို့သစ် အဖြစ် ပထမဦးဆုံး ချထားပေးခဲ့သော ပဲဖြူကုန်းမြို့သစ် (ယခု အနောက်မြို့သစ်)မှာ တိုးချဲ့ရပ်ကွက်များ များပြားလာသောကြောင့် မန္တလေးမြို့၏ အစည်ကားဆုံး နေရာတစ်ခုဟုပင် ဆိုနိုင်သည်။
မြို့သစ် စတည်ထောင်စဉ် ကတည်းက နေထိုင်လာသူ တစ်ဦးက'' ဦးတို့က မြို့သစ် စတည်ကတည်းက နေလာတာပါ။မြို့သစ်ကိုရောက်တာ ၁၉၈၉ ခုနှစ်လောက်ကပါ။ အဲဒီတုန်းက မြို့သစ်ဆိုတာ မန္တလေး မြို့ရဲ့အပြင်က
ရပ်ကွက်လေး တစ်ခုပါ။လမ်းတွေကလည်း အခုလို မဟုတ်ဘူး။ လယ်မြေတွေကို အကွက်ချပေးတာ ဆိုတော့ မိုးတွင်းဆိုရင် ရွံ့စေးတွေနဲ့ သွားရေးလာရေး တော်တော် ခက်ခဲပါတယ်။နောက်မြို့ထဲက ကျူးကျော်အိမ်တွေ သိမ်းသမျှ မြို့သစ်ဘက်မှာ နေရာချပေးတော့ ရပ်ကွက်လေးတွေ တိုးလာပြီး တဖြည်းဖြည်း လူနေ ထူထပ်လာတယ်။ ဦးလေးတို့ ဒီမှာနေတာ အနှစ် ၂၀ ကျော် ရှိပါပြီ။ ဒီကာလအတွင်းမှာ မြို့သစ်ရပ်ကွက်တွေ တစ်နေ့တစ်ခြား တိုးတက်လာတာ တွေ့ရတယ်။ အခုနောက်ပိုင်း ၁၀ နှစ် အတောအတွင်း တော်တော်လေး ပြောင်းလဲလာတယ်။ မြေဈေးတွေကလည်း နောက်ထပ် တိုးချဲ့ မြို့သစ်တွေ ပေါ်လာလို့ အရင်ကထက် ဈေးမြောက်လာတယ်။ ဒီကြားထဲ လူမျိုးခြားတွေက မြို့သစ်ရဲ့ အချက်အခြာကျတဲ့ နေရာတွေကို ဈေးကောင်းပေးပြီး ၀ယ်တဲ့အတွက် ဒီမှာရှိတဲ့ နယ်ခံတွေကလည်း ကြိုက်ဈေးရရင် ရောင်းပြီး ပြောင်းကြ၊ ရွေ့ကြတာတွေ များလာတယ်။တစ်ချို့ဆိုရင် အမြတ်လေးရတာနဲ့ ပြောင်းလိုက်၊ ဈေးချိုတဲ့ မြေကွက်ကို ပြန်ဝယ်လိုက်နဲ့ နောက်ဆုံး ရင်းနှီးစရာ ငွေရော မြေရော မရှိတော့တာတွေ အထိ ရှိလာတယ်။ သူတို့တွေ ဒီရက်ကွက်ထဲတော့ ပြန်ရောက်လာပါတယ်။ ဒါပေမယ့် အရင်လို အိမ်ပိုင်၊ မြေပိုင်တော့ မဟုတ်တော့ဘူး။သူများအိမ်မှာ ငှားနေရတဲ့ အခြေအနေမဲ့ ဖြစ်သွားတယ်။ တရုတ်လူမျိုးတွေ ကြတော့ မြေနေရာကို ကြိုက်ဈေးပေးဝယ်ပြီး အရင်းအနှီး များများနဲ့ စီးပွားရေးလုပ်ငန်းတွေ လုပ်ပြီး ဒီထက်သာတဲ့ မြို့တွင်း ဧရိယာတွေကို ပြောင်းရွေ့ နေထိုင်ကြတယ်။ တကယ်လို့ ဒီနေရာက စီးပွားရေး အရမ်း အောင်မြင်တယ် ဆိုရင် လူယုံတွေထားပြီး စီးပွားရေး ဆက်လုပ်တာတွေလည်း ရှိကြတယ်''ဟု ရှင်းပြပါသည်။
မြို့ထဲ ရပ်ကွက်များမှ မြို့သစ်သို့ ပြောင်းရွေ့နေထိုင်သူ မန္တလေးသား အများစု အနေဖြင့် တနိုင်တပိုင် စီးပွားရေးလုပ်ငန်း အသေးစားများကိုသာ လုပ်ကိုင်နိုင်ကြသည်။ လူမျိုးခြားများနှင့် တိုင်းရင်းသားများမှာမူ
မြို့သစ်ရပ်ကွက်များတွင်လည်း အရင်းအနှီးများသော စတိုးဆိုင်၊ စားသောက်ဆိုင်များ အပြင် အလုပ်ရုံများ ဖွင့်လှစ်ခြင်းဖြင့် မြို့သစ်၏ စီးပွားရေးကို ဦးဆောင်ထားကြသည်။
ယခုအခါ မန္တလေးမြို့ တောင်ဘက် တိုးချဲ့ရပ်ကွက်များတွင် လူနေထူထပ်သော မြို့သစ်များ အဖြစ် ကံသာယာ၊ အောင်ပင်လယ်၊ မြရည်နန္ဒာ၊ ထွန်တုံး၊ အောင်သာယာ မြို့သစ်၊ သင်ပန်းကုန်း မြို့သစ်၊ အင်းခရုမြို့သစ်၊ စက်မှုမြို့သစ် (၁)၊ စက်မှု မြို့သစ်(၂)နှင့် ရတနာပုံ မြို့သစ်တို့မှာ လူနေထူထပ်ကာ စည်ကားသော ရပ်ကွက်များ ဖြစ်လာပြီး သိပ္ပံလမ်းမှ တောင်ဘက် မနော်ဟရီလမ်း အထိ ဧရိယာသည် လူစည်ကားဆုံး မြို့သစ် ရပ်ကွက်များ အတွက် အဓိကကျသော  စီးပွားရေး အချက်အခြာ နေရာတစ်ခု ဖြစ်လာသည်။ မြို့သစ် ရပ်ကွက်များတွင် နေထိုင်သူများ၏ သုံးပုံနှစ်ပုံခန့်မှာ တစ်နေ့ ၀မ်းစာ ဖူလုံရေး အတွက် မြို့ထဲသို့ အလုပ်ကြမ်း လုပ်ကိုင်သူများ၊ နေ့စား သွားရောက် လုပ်ကိုင်သူများ၊ ဈေးရောင်းချသူများ၊ ကုမ္ပဏီလုပ်ငန်းတွင် လုပ်ကိုင်သူများ အစရှိသည့် မိမိတို့ လုပ်ငန်း ကိုယ်စီသို့ သွားရောက်ရာတွင် မြို့ပေါ်ရှိ ဘတ်စ်ကားလိုင်းများမှာ သွားရေးလာရေး အတွက် အခက်အခဲ ဖြစ်သောကြောင့် စက်ဘီးနှင့် ဆိုင်ကယ်ကိုသာ အသုံးပြုရသည်။ ယင်းသို့ သွားလာရာတွင် အများစုမှာ စက်ဘီးများကိုသာ အားထား၍ သွားလာနေရသည်ကိုလည်း တွေ့ရှိရသည်။
ညနေ ၅ နာရီလောက် ဆိုလျှင် မန္တလေးမြို့တွင်းမှာ တစ်နေကုန်တစ်နေခမ်း ၀မ်းရေးအတွက် ရှာဖွေ စားသောက်ရသော လူအုပ်ကြီးသည် ၇၈ လမ်းမကြီး အတိုင်း မြို့တွင်းမှ ပြန်ထွက်လာကြသည်။ ထိုသူတို့အထဲတွင် တစ်ချို့လည်း တက်ကြွနေမည်။ တစ်ချို့လည်း နွမ်းနယ်နေကြပါလိမ့်မည်။သေချာတာကတော့ အားလုံး၏ စိတ်တို့သည် အိမ်ပြန်ရောက်ရန် စိတ်စောနေကြပေမည်။ ၎င်းတို့ ကျောခိုင်းလာသော မန္တလေးမြို့ကြီးကတော့ ညအချိန်ရောက်လျှင် မီးရောင်စုံတွေကြားမှာ စား၊သောက်၊ပျော်ပါးကြသူတွေနဲ့ ကျန်နေရစ်ခဲ့သည်မှာ ကြာခဲ့ပြီ ဖြစ်သည်။