မြန်မာနိုင်ငံ
အနောက်ဘက်ခြမ်း ရခိုင်ပြည်နယ်ကနေ ဘင်္ဂလားဒေ့ရ်ှကို နယ်စပ်ကတဆင့်
တရားမဝင်တင်ပို့နေတဲ့ ပုစွန်ကျားဟာ အခုနှစ်မှာ အရင်နှစ်တွေနဲ့မတူ
အဝင်နည်းနေပါတယ်။
ပုစွန်ကျားဈေးဟာ
အတက်အကျမရှိပေမယ့် မြန်မာငွေတန်ဖိုးတက်နေတဲ့အတွက် အခုလို
တင်ပို့နိုင်တဲ့နှုန်း ကျသွားရတာလို့ မောင်တောမြို့ ပုစွန်ကုန်သည်တဦးက
ပြောပါတယ်။
“ဒီနှစ်က
ကျနော်တို့ဘက်က ပုစွန်ဈေးကတော့ ပုံမှန်ပါပဲ။ ဒါပေမယ့် ဘင်္ဂလားဘက်ကို
တင်သွင်းရတဲ့ အခါမှာ ငွေလဲနှုန်းကျတာကြောင့် ပုစွန်လုပ်ငန်းက ကျနော်တို့မှာ
အထိနာနေပါတယ်။ အရှုံးပေါ်နေပါတယ်။ အဲ့ဒီအတွက် ပုစွန်တင်ပို့တာ
လျှော့သွားတာဖြစ်ပါတယ်။”
ဘင်္ဂလားဘက်မှာ
ပုစွန်ကျားအကောင် ၂၀ ပါ တကီလိုဆိုရင် တာကာငွေ ၇၀၀ ပေါက်ဈေးရှိပြီး အဲ့ဒီလို
မြန်မာဘက်မှာတော့ တကီလို ကျပ်ငွေ ၇၀၀၀ ထောင် ပေါက်ဈေးရှိတာကြောင့်
ငွေလဲနှုန်းနဲ့ ပြန်တွက်လိုက်ရင် အရှုံးပေါ်ရတဲ့ အခြေအနေကို ရောက်နေရတာလို့
ဆိုပါတယ်။
ငွေလဲနှုန်းကတော့ ဘင်္ဂလားငွေ တတာကာကို မြန်မာငွေ ၁၀ ကျပ် ပြား ၄၀ ဈေးပေါက်ပါတယ်။
အရင်နှစ်တွေက
ရခိုင်ပြည်နယ်က စစ်တွေ၊ ကျောက်ဖြူ၊ ဘူးသီးတောင်၊ မောင်တော စတဲ့
မြို့နယ်တွေက စီးပွားရေးသမားတွေဟာ ငါးဖမ်းသမားတွေဆီက ပုစွန်တွေကို ၀ယ်ပြီး
ဘင်္ဂလားဒေ့ရ်ှနိုင်ငံကို ပြန်လည်း တင်းသွင်းနေတာလို့ မောင်တောက
ပုစွန်ကုန်သည်က ပြောပါတယ်။
“အခုက
ဘင်္ဂလားဘက်ကို မြန်မာဘက်က ပုစွန်အ၀ယ်ဒိုင်တွေဆီကနေလာတာ မရှိသလောက်
ဖြစ်သွားတယ်။ မောင်တောနယ်ထဲက ကိုယ်ပိုင် မွေးမြူရေးကန်တွေနဲ့ လုပ်နေတဲ့
မွေးမြူရေး ပိုင်ရှင်တွေလောက်ပဲ ဘင်္ဂလားဘက်မှာ သွားသွင်းတော့တယ်။”
မြန်မာဘက်က
တရားမ၀င်တင်ပို့တဲ့ ပုစွန်တွေကို ဘင်္ဂလားဒေ့ရ်ှနိုင်ငံ တက္ကနာနဲ့
ကော့စ်ဘာဇာတို့က တဆင့် စစ်တကောင်းမြို့တွေကို တင်ပို့နေတာ ဖြစ်ပါတယ်။
မြန်မာငွေတန်ဖိုးမြင့်တက်မှုကြောင့် ပုစွန်တင်ပို့နှုန်း ကျဆင်း
![မြန်မာငွေတန်ဖိုးမြင့်တက်မှုကြောင့် ပုစွန်တင်ပို့နှုန်း ကျဆင်း]()
Reviewed by သစ်ထူးလွင်
on
14:23
Rating:
