ဇူလိုင်လ ၂၂ ရက်နေ့ နေ့လည်ပိုင်းမှာ အော်စလိုမြို့တော်က ၀န်ကြီးချုပ်ရုံး အပါအ၀င် အစိုးရ ရုံးချုပ်တွေကို ပစ်မှတ်ထား တိုက်ခိုက်ခဲ့တာဖြစ်ပြီးတော့ နာရီအနည်းငယ် အကြာမှာတော့ အော်စလိုမြို့မြောက်ဘက် ကျွန်းငယ်လေးပေါ်က လူငယ်တွေရဲ့ တောတွင်းစခန်းချရာ နေရာတနေရာမှာ ရဲအရာရှိဝတ်စုံနဲ့ သေနတ်သမားက ပစ်ခတ်ခဲ့လို့ နောက်ထပ် သေဆုံးမှုတွေ ဖြစ်ပေါ်ခဲ့ရတာပါ။ ဒီနေရာမှာ သေဆုံးသူ အများစုဟာ လူငယ်တွေ ဖြစ်ကြပါတယ်။
ဒီတိုက်ခိုက်မှု နှစ်ခုဟာ အဆက်အစပ်ရှိသလား ဆိုတာ မသိရသေးပါဘူး။ ဘယ်သူဘယ်ဝါ လက်ချက် ဆိုတာကိုလည်း ဘယ်သူကမှ ကြေညာကြခြင်း မရှိသေးပါဘူး။
ဝန်ကြီးချုပ် ယန်စ် စတိုလန်ဘာ့ဂ် (Jens Stoltenberg) ဟာ ဒီတိုက်ခိုက်မှုမှာ ထိခိုက်ဒဏ်ရာရခြင်း မရှိဘူးလို့ အစိုးရရဲ့ ပြောရေးဆိုခွင့်ရှိသူက ပြောပြီးတော့ အစိုးရအဖွဲ့ ရုံးချုပ်တွေရှိရာ ၁၇ ထပ် အဆောက်အဦးက ပြတင်းတံခါး ရာပေါင်းများစွာဟာ ပျက်စီးသွားခဲ့ပါတယ်။
အနီးအနားက ရုံးတွေရဲ့အထပ်တွေမှာလည်း မီးတွေ လောင်နေပါတယ်။ အမေရိကန် သမ္မတ ဘရက်အိုဘားမားက ဒီတိုက်ခိုက်မှုကို ရှုတ်ချလိုက်ပြီးတော့ ကုလသမဂ္ဂ အတွင်းရေးမှူးချုပ် ဘန်ကီမွန်းကတော့ အတိုက်အခိုက်ခံရတဲ့ နော်ဝေပြည်သူတွေနဲ့ ကုလသမဂ္ဂက အတူရပ်တည်နေတယ်လို့ ပြောဆိုခဲ့ပါတယ်။
နော်ဝေ အကြမ်းဖက်မှု၂ခု ဆက်တိုက်ဖြစ်ပွား
Reviewed by သစ်ထူးလွင်
on
10:55
Rating:
Reviewed by သစ်ထူးလွင်
on
10:55
Rating:
