အမျိုးသားပြန်လည်သင့်မြတ်ရေး: ပြည်ထောင်စုစိတ်ဓါတ် နှင့် ၂၁ ရာစုပင်လုံညီလာခံ

 05/11/2011 

ပြည်ထောင်စု ဖွဲ့စည်းတည်ဆောက်ရေး ကိစ္စရပ်သည် အမျိုးသားပြန်လည်သင့်မြတ်ရေးရဲ့ အရေးပါတဲ့ အစိတ် အပိုင်းများထဲက အစိတ်အပိုင်းတရပ်ဖြစ်လို့ ဒီကိစ္စကို အကြေအလည် ဆောင်ရွက်နိုင်ပါက ဆယ်စုနှစ် ပေါင်း ၆ ခုလောက်အထိ လိပ်ခဲတင်းလင်းဖြစ်နေသော  မြန်မာနိုင်ငံရဲ့ လူမျိုးစုရေးရာ ပြသနာများကို ပြေလည်သွားစေနိုင် မှာဖြစ်ပါတယ်။ ပြည်ထောင်စုတည်ဆောက်ရေးကိစ္စရပ်ဟာ လွယ်မယောင်နှင့်ခက်သည့်ကိစ္စ၊ တိမ်မယောင်နှင့်  နက်သည့်ကိစ္စဖြစ်တယ်။ ဒါကြောင့် တန်းတူရေး ပြည်ထောင်စု တည်ဆောက်မယ်ဆိုရင် ပြည်ထောင်စုစိတ်ဓါတ် ရှိဖို့ အလွန်အရေးတယ်၊ ဒါ့အပြင် သမိုင်းသင်္ခန်း စာယူဖို့လိုအပ်တယ်လို့ ထင်မြင်မိပါတယ်။

ပြည်ထောင်စုစိတ်ဓါတ်

နိုင်ငံတစ်နိုင်ငံအတွင်းမှာ အစဉ်အဆက်နေထိုင်လာခဲ့ကြတဲ့ မတူကွဲပြား သည့်လူမျိုးစု၊ လူမျိုးများဟာ ကိုယ်ပိုင် အုပ်ချုပ်ခွင့်ရှိသော၊ တန်းတူရည်တူရှိသော အခြေခံအောက်မှာ အတူအကွ နေထိုင်မယ်ဆိုတဲ့စိတ်၊ ဒါ့အပြင် ဗိုလ်ကျလွမ်းမိုးခြင်းကင်း ရမယ်ဆိုတဲ့စိတ်၊ တရားမျှတစွာဆက်ဆံရမယ်ဆိုတဲ့ စိတ်၊ စိုးရိမ်ခြင်း သံသယ ဖြစ်ခြင်းတွေ ကင်းစေရမယ်ဆိုတဲ့စိတ်၊ ဒါတွေဟာ ပြည်ထောင်စုစိတ်လို့ ယေဘုယျအား ဖြင့်ဆိုလို့ရနိုင်မယ်ထင် ပါတယ်။ ဒီလိုစိတ်ဓါတ်တွေရှိမှ စည်းလုံးညီညွတ်တဲ့ ပြည်ထောင်စုနိုင်ငံဖေါ်ဆောင်နိုင်မှာဖြစ်ပါတယ်။ မြန်မာ့ သမိုင်းတလျှောက်မှာ ဗိုလ်ချုပ်အောင်ဆန်းရဲ့ ဦးဆောင်မှုအောက်မှာ မြန်မာနိုင်ငံဟာစည်းလုံး ညီညွတ်မှု အရ ဆုံးကာလ ဖြစ်ခဲ့တယ်လို့ ဆိုကြတယ်။ ဒါဟာ ဗိုလ်ချုပ်အောင်ဆန်းရဲ့ ပြည်ထောင်စု စိတ်ဓါတ်ကို ထင်ဟပ် စေတာဘဲဖြစ်တယ်။ လွတ်လပ်ရေးဖခင် ဗိုလ်ချုပ်အောင်ဆန်းဟာ သူရဲ့ ပြည်ထောင်စုစိတ်ဓါတ် အခြေခံပေါ်မှာ စည်းလုံးညီညွတ်တဲ့ ပြည်ထောင်စုပေါ်ထွန်းရေးအတွက် အစွမ်းကုန်ကြိုးပန်းခဲ့ပါတယ်။

ပြည်ထောင် စုဖွဲ့စည်းတည်ဆောက်ရေး ကိစ္စဟာ မြန်မာနိုင်ငံလွတ်လပ်ရေးအောင်ပွဲပန်းတိုင်ရောက်လုဆဲဆဲ အ ချိန်မှာ ပေါ်လာတာဖြစ်တယ်။ အင်္ဂလိပ်ကိုလိုနီခေတ်မှာ တောင်တန်းဒေသ(ရှမ်းတောင်တန်းဒေသ၊ ကချင်၊ ချင်း လူမျိုးများနေထိုင်ရာဒေသများ) အုပ်ချုပ်ရေးနှင့် မြေပြန့်ဒေသ ဆိုပြီး ခွဲခြားအုပ်ချုပ်ခဲ့တဲ့ အခြေခံပေါ်မှာ လွတ်လပ် ရေးရတဲ့အခါ တောင်တန်းဒေသများဟာ မြေပြန့်ဒေသနဲ့ လွတ်လပ်ရေး အတူယူလို မယူလိုဆိုတဲ့ သဘောထား များပေါ်ခဲ့တယ်။   အကြောင်းအမျိုးမျိုးဖြင့် ဗမာလူများက လူနည်းစုလူမျိုးစုများအပေါ် လွမ်းမိုး သွားမှာကို အဆိုပါ လူမျိုးစုများက စိုးရိမ်ခဲ့ကြတယ်၊ သံသယတွေရှိခဲ့ကြတယ်။  ဒီ စိုးရိမ်စိတ်တွေ၊ သံသယစိတ်တွေကို ပပျောက် စေဖို့အတွက် ဗိုလ်ချုပ်က လုပ်ဆောင်နိုင်ခဲ့တယ်။ ပင်လုံစာချုပ်ဟာ  ဒီသံသယစိတ်တွေ ပြေပျောက်စေခဲ့တယ်။

တဖန် ဗိုလ်ချုပ်အောင်ဆန်းဟာ တိုင်းပြည်အကျိုးဖြစ်မဲ့ကိစ္စဆိုရင် ရဲရဲဝံ့ဝံ့ သတ္တိရှိရှိ လုပ်လေ့ရှိတယ်။ သူဟာ မြန်မာနိုင်ငံရဲ့ လူများစု ဖြစ်တဲ့ ဗမာ လူမျိုးထဲကပေါက်ဖွားလာသူ ဗမာ ဗုဒ္မွဘာသာ တစ်ယောက် ဖြစ်ပေမဲ့လည်း လူနည်းစု တွေရဲ့ လိုအင်ဆန္ဒတွေ၊ အခွင့်အရေးတွေကို ပစ်ပယ်လျှင် စည်းလုံးညီညွတ်သော ပြည်ထောင်စု ဘယ် တော့မှ ဖြစ်လာမှာမဟုတ်ဘူးဆိုတာ ကောင်းကောင်းသဘောပေါက် သူဖြစ်တယ်။ လူမျိုးစုတွေမခွဲထွက်ချင် အောင် လူများစုဖြစ်တဲ့ဗမာများက စည်းရုံးလုပ်ဆောင်ဖို့ တာဝန်ရှိ တယ်လို့ ခံယူချက်ရှိသူ ဖြစ်တယ်၊ သူ့ကိုယ်သူ လည်းစည်းရုံးရေးသမားကောင်း တစ်ယောက်လို့ ယုံကြည်ပုံရတယ်။ ဒါကြောင့်လည်း ခွဲထွက်ခွင့်အပေါ် စိုးရိမ်မှု မရှိခဲ့။ တိုင်းပြုပြည်ပြုလွတ်တော်မှာ ဗုဒ္မွဘာသာကို နိုင်ငံတော် ဘာသာလုပ်ဖို့ ကိစ္စတင်လာတုန်းလည်း …..

“ ကျနော်တို့က လူကြိုက်အောင်လုပ်နေတာမဟုတ်ဘူး ဒီလိုမဟုတ်မဟတ် ကိုယ်ထင်ရာတွေ လျှောက်လုပ်ကြ မယ်ဆိုရင် ကျနော် တို့တိုင်းပြည်ဟာ မကြာမီ ပျက်စီးပြိုကွဲပြီး ကျွန်သဘောက် ဖြစ်သွားမှာဘဲ။ ကျနော်တို့ တိုင်း ပြည်မှာ အလောင်းဘုရား လက်ထက်ကတည်းက မွတ်စလင်တွေရှိတယ်၊ ဘရင်ဂျီတွေရှိတယ်၊ အစတုန်းကရှိလာ ကြတဲ့ နတ်ကိုးကွယ်တဲ့တောင်တန်းသားတွေရှိတယ်၊ အဲဒီတောင်တန်းသားတွေဟာ အင်္ဂလိပ်လက်အောက်တုန်း က အချို့ခရစ်ယာန်တွေဖြစ်ပြီးအရိုးစွဲနေကြတယ်၊ သူတို့အားလုံးဟာ နိုင်ငံသားတွေဘဲ တိုင်းပြည်ကို ကျွန်တွင်းက တိုက်ထုတ်ကြတုန်းက ကျုပ်တို့ချည်းမဟုတ်ဘူး၊ သူတို့တတွေပါကြတယ်၊ အခုကျွန်တွင်းက လွတ်မယ်မကြံသေး ဘူး သူတို့တွေအပေါ်မှာအနိုင်ကျင့်ပြီး ငါတို့လူများစုရဲ့ဘာသာကို နိုင်ငံ တော်ဘာသာဖြစ်ရမယ်လို့ လုပ်လိုက်လျှင် ကျွန်တော်တို့ဟာ ခွေးလောက်တောင် သောက်သုံးမကျတဲ့အကောင် တွေဖြစ်သွားကြမှာပေါ့ ဆရာ” လို့ လူနည်း စုတွေအခွင့်အရေးဘက်က ပြတ်ပြတ်သားသား ကာကွယ်ပြောဆိုခဲ့တယ်။ ဒါတင်မသေးဘဲ လွတ်လပ်ရေး တိုက်ပွဲ မှာပါဝင်မှုကိုပါ အသိအမှတ်ပြုခဲ့ပါသေးတယ်။ ဒါဟာ ဗိုလ်ချုပ်အောင်ဆန်းရဲ့ ပြည်ထောင်စုစိတ်ဓါတ် သာဓက များ ဖြစ်ပါတယ်။  

လွတ်လပ်ရေးတိုက်ပွဲဝင်ခေါင်းဆောင်တွေထဲမှာ ဗိုလ်ချုပ်အောင်ဆန်း တစ်ယောက်သာ အဲဒီလို စိတ်ဓါတ် ရှိတယ် လို့ ဆိုလိုရင်းတော့ မဟုတ်ပါဘူး။ တခြားသောခေါင်းဆောင်ဆွေမှာလည်း ရှိကြပါတယ်။ လူမျိုးစုခေါင်းဆောင်များ ရဲ့ပူးပေါင်းပါဝင်မှုမရှိခဲ့ရင် ပင်လုံစာချုပ်ဆိုတာလည်း ဖြစ်လာမှာမဟုတ်သလို ပြည်ထောင်စုဆိုတာလည်း ဖြစ်လာမှာမဟုတ်ပါဘူး။

ပင်လုံစာချုပ်တော့ပေါ်ပေါက်ခဲ့ပါရဲ့ သို့သော် ပြည်ထောင်စု ဖောင်ဒေးရှင်းချပေးလို့မပြီးသေးခင်မှာဘဲ ဗိုလ်ချုပ် အောင်ဆန်းနှင့်ခေါင်းဆောင်ကြီးများဟာ လုပ်ကြံခံလိုက်ရတော့ကာ ပြည်ထောင်စုကို ဆက်လက်ပုံဖေါ် တည် ဆောက်တဲ့ခေါင်းဆောင်ကြီးများလက်ထဲမှာ မမျှမတတွေဖြစ်၊ တဘက်စောင်းနင်းတွေဖြစ်၊ နိုင်ငံရေးပြသနာတွေ၊ ပြည်ထောင်စုဖွဲ့စည်းမှု ဆိုင်ရာ ပြသနာတွေဖြစ်ပေါ်လာခဲ့ပါတယ်။ ဒါတွေကိုအကြောင်းခံပြီး ဗိုလ်ချုပ်နေဝင်းက စစ်အာဏာရှင်စနစ်ကို အုတ်မြစ်ခိုင်ခိုင်တည်ဆောက်ပေးလိုက်တယ်။ စစ်အာဏာရှင် ဦးနေဝင်းဟာ ၁၉၇၄ အခြေခံဥပဒေနဲ့ ပြည်ထောင်စုဆိုရှယ်လစ် မြန်မာနိုင်ငံဆိုပြီး ပြည်ထောင်စုနိုင်ငံဖွဲ့စည်းထူထောင်ခဲ့တယ်။ မ အောင်မြင်ခဲ့ပါ။ အခု ဗိုလ်ချုပ်မှူးကြီးသန်းရွှေ ကလည်း ၂၀၀၈ အခြခံဥပဒေကို တဘက်သတ်ပြဌာန်းလိုက်ပြန်ပြီ။ ဒီအခြေခံဥပဒေသည် ကိုယ်ပိုင်အုပ်ချုပ်ခွင့်ရတိုင်းတို့ ကိုယ်ပိုင်အုပ်ချုပ်ခွင့်ရဒေသစသည့်အသုံးအနှုန်းများဖြင့် ပြည်ထောင်စုပုံစံ ကိုဖွဲ့စည်းပေးထားသော်လည်း အနှစ်သာရကင်းမဲ့ပြီး စစ်အာဏာရှင်စနစ် အုပ်မြစ်ခိုင်စွာ ဆက်လက် စိုးမိုးရေးကို ဖော်ဆောင်ထားတာတယ်။ အမျိုးသားခေါင်းဆောင် ဒေါ်အောင်ဆန်းစုကြည်အပါအဝင် လူမျိုးစုခေါင်းဆောင်များနှင့်ပြည်သူလူထုတို့ကလည်း ဒီ ၂၀၀၈ အခြေခံဥပဒေကိုလက်မခံပါ။ ဒါကြောင့်လည်း ၂၁ ရာစု ဒုတိယပင်လုံညီလာခံကျင်းပရေးဆိုတာကို ဒေါ်အောင်ဆန်းစုကြည်တို့က တာစူနေကြတာဖြစ်ပါတယ်။

ဒီ ဖြစ်ပေါ်လာမဲ့ ဒုတိယ ပင်လုံညီလာခံဟာ ၁၉၄၇ တုံးကကျင်းပတဲ့ ပင်လုံညီလာခံနဲ့တော့ အခြေအနေကော အချိန်အခါပါမတူ သလို နိုင်ငံရေးအခင်အကျင်း၊ နိုင်ငံရေးနောက်ခံတွေ၊ စဉ်းစားမှုတွေးခေါ်မှုတွေကလည်းတူ နိုင်မှာ မဟုတ်ပါဘူး။ သို့သော် မည်သည့်အရာတွေ မည်သို့ပင်ကွဲပြားခြားစေကာမူ အနိမ့်ဆုံးကတော့ ဗိုလ်ချုပ် အောင်ဆန်းလို ပြည်ထောင်စုစိတ်ဓါတ် အခြေခံမျိုးကိုတော့ ခေါင်းဆောင်တိုင်းက ခိုင်ခိုင်မာမာ မွေးမြူ ကိုင်စွဲထား ဖို့ လိုအပ်ပါလိမ့်မယ်လို့ထင်မိပါတယ်။

 သမိုင်းသင်္ခန်းစာ

ဒီကနေ့ဟာ မနက်ဖန်အတွက် သမိုင်းဖြစ်တယ်။ ဒီကနေ့ခေါင်းဆောင်များရဲ့လုပ်ဆောင်ချက်တွေဟာ မနက်ဖန် မှာ နှောင်လာနောက်သား တွေအတွက် သမိုင်းအမွေတွေဖြစ်သွားကြမှာပါ။ သူတို့အတွက်ကောင်းမွေလား ဆိုးမွေ လား ဆိုတာ ကတော့ ဒီကနေ့လုပ်ဆောင်ချက်ပေါ်မှာမူတည်ပါတယ်။  

ယခုအခါမှာ ကျတော်တို့ တတွေဟာလည်း သမိုင်းဖြတ်သန်းမှုရဲ့ ကောင်းမွေဆိုးမွေတွေကိုခံနေကြရတာ ဘဲဖြစ်တယ်။  လွတ်လပ်ရေးတိုက်ပွဲဝင်ခေါင်းဆောင်ကြီးများ၏ ကြိုးပန်းဆောင်ရွက်ခဲ့မှုကြောင့် ကျနော်တို့ နိုင်ငံ ဟာ ဖက်ဆစ်ဂျပန်လက်အောက်၊ အင်္ဂလိပ်ကိုလိုနီ လက်အောက်မှ လွတ်မြှောက်ခဲ့ရတယ်။ ကောင်းမွေခံစားရ စေဖို့ သက်စွန်ဆံဖျားကြိုးပန်းပေးလိုက်ကာမှ ကောင်းမွေတော့မရ၊ ဆိုးမွေရစေလိုက်သလိုဖြစ်ခဲ့ရပါတယ်။ လွတ်လပ်ရေးနှင့်အတူ ဒီခေါင်းဆောင်တွေရဲ့လက်ထဲမှာဘဲ ပြည်တွင်းစစ်ဖြစ်လာခဲ့ရတယ်။ စစ်အာဏာရှင်စနစ် လည်းပေါက်ဖွားလာခဲ့တယ်။

တိုင်းပြည်ကို ဆင်းရဲတွင်းနက်စေခဲ့တာ ပြည်တွင်းစစ်ဘဲ၊ ပြည်သူတွေကို ဆင်းရဲမွဲတေစေခဲ့တာ ဒီ စစ်အာဏာရှင် စနစ်ဘဲဖြစ်တယ်။ ကိုလိုနီခေတ်၊ ဖက်ဆစ်ဂျပန်ခေတ်တွေမှာထက် ဒီစစ်အစိုးရ လက်အောက်မှာ ရှမ်း၊ ကရင်၊ ကချင်၊ချင်း၊ ဗမာ၊ အားလုံး အားလုံးသော ပြည်သူတွေဟာ ပိုပြီးဆင်းရဲစုတ်ပြတ်ကုန်ကြတယ်။ ဒီကနေ့ နိုင်ငံတကာ နိုင်ငံရေး စီးပွားရေ ကိုအမှီမလိုက်နိုင်ဘဲ ဆင်းရဲမွဲတေနောက်ကျကျန်နေခဲ့ရတာဟာ  သမိုင်းရဲ့ ဆိုးမွေတွေကို ခံနေကြရလို့ဘဲဖြစ်တယ်။ ပြည်တွင်းမှာ ဆင်းဆင်းရဲရဲနဲ့ပင်ပင်ပန်းပန်း ရှာဖွေစားသောက် နေ ကြရတဲ့ လူထုတွေ၊ နယ်စပ်ဒေသ ဒုက္ခသည်စခန်းမှာသိမ်သိမ်ငယ်ငယ် နေထိုင်နေရကြရတာတွေ၊ အိမ်နားနီး ချင်းနိုင်ငံတွေမှာ အနှိမ်ခံ ပြီး အောက်ခြေအလုပ် သွားရောက်လုပ်ကိုင်နေရတဲ့ သောင်းပေါင်းများစွာ ပြည်သူတွေ၊ ဒါတွေဟာ သမိုင်းဆိုးမွှေ ရဲ့ပြယုဂ် တွေပါဘဲ။  

ဒီ ပြည်တွင်းစစ်ထဲမှာ၊ စစ်အာဏာရှင်စနစ်အောက်မှာ၊ အပစ်မဲ့ ပြည်သူတွေစာရင်းမရှိ အင်းမရှိသေဆုံးခဲ့ကြတယ်။ ရာပေါင်းများစွာ ဒုက္ခိတဘဝရောက်ခဲ့ကြရတယ်၊ ကလေးသူငယ်ထောင်ပေါင်းများစွာ မိဘမဲ့တွေဖြစ်ကုန်ကြတယ်၊ ဒါတင်မကဘဲ ပြည်သူတရပ်လုံးကို တချိန်လုံး စိုးရိမ်စိတ်တွေ ကြောက်စိတ်တွေ၊ သံသယစိတ်တွေ နဲ့ လွမ်း စေခဲ့ တယ်။ ဒါ လတ်တလော သမိုင်းရဲ့ဆိုးမွေတွေပါဘဲ။

သမိုင်းဆိုတာ မမေ့သင့်သလို ဖျောက်ဖျက်ပစ်ကောင်းတဲ့အရာ လည်းမဟုတ်ပါဘူး။ သို့သော် သမိုင်းကြောင်း အ ဖြစ် အပျက်တွေထဲက သင်္ခန်းစာကိုမယူဘဲနဲ့၊ ဝါဒစွဲ လူမျိုးစွဲ၊ အစွဲကြီးစွာနဲ့   သမိုင်းကို၊ ကိုယ့် အယူအဆ တခု တည်းကို၊ ကိုယ့်အမြင်ကိုယ့်ရှု့ဒေါင့်တခုတည်းကိုဘဲ အသေဆုပ်ကိုင်ပြီး၊ အငြင်းပွားတာတွေ၊ ထိုးနက် တိုက်ခိုက် တာတွေ အတောမသတ်နိုင်လျှင် စစ်အာဏာရှင်စနစ်ကအမြဲတမ်းပန်း ပန်လျှက်ဖြစ်နေပါလိမ့်မယ်။  နှောင်လာ နောက်သားများဟာလည်း ဆိုးမွေ သံသယာထဲမှာတဝဲလည်လည် ဖြစ်နေမှာပါ။ ဒါကြောင့် စိတ်ဓါတ်အရလည်းရှိ၊ သမိုင်းကသင်္ခန်းစာယူပြီး၊ လက်တွေ့ဘဝနှင့် ကိုက်ညီတဲ့၊ စဉ်းစားမျှော်မြင်နိုင်မှုလည်းရှိပါက တိုးတက်ပြီး အင် အား တောင့်တင်းတဲ့ ပြည်ထောင်စုနိုင်ငံတခုတည်ဆောက် သွားနိုင်မှာဖြစ်ပါတယ်။ ဒါမှသာ အမျိုးသားပြန် လည်သင့်မြတ်ရေးလမ်းကြောင်းပေါ်ရောက်မှာဖြစ်ပြီး နှောင်လာနောက်သားအများအတွက် ကောင်းမွှေများ ကို ပေးသွားနိုင်မှာဖြစ်ပါတယ်။

ဝင်းမောင်

05/11/2011