ရန်ကုန်၊ ဖေဖော်ဝါရီ ၉
စစ်ကောင်စီကို ဆန့်ကျင်တဲ့ အနုပညာသမားတစ်ဦးဖြစ်တဲ့ ဒါရိုက်တာဝိုင်း ယနေ့ နံနက်ပိုင်းမှာရန်ကုန်မြို့ပုဇွန်တောင်မြို့နယ်ရှိ သူ့နေအိမ်တိုက်ခန်းမှာပင် စစ်ကောင်စီက လာရောက်ဖမ်းဆီးသွားကာ လက်ရှိမှာ ပုဇွန်တောင်စခန်းမှ ထိန်းသိမ်းထားတယ်လို့ သိရပါတယ်။
စာရေးဆရာ သွန်းနေစိုးက'' ဟုတ်ပါတယ် ကိုဝိုင်းကိုဖမ်းသွားပါတယ်။ ရှောင်နေရာကနေ ကျန်းမာရေးမကောင်းလို့ ပြန်လာတာထင်တယ် ခင်ဗျာ။လောလောဆယ် ပုဇွန်တောင်ရဲစခန်းမှာတဲ့ လိုက်ကြပါဦးဗျာ''လို့ သံလွင်တိုင်းမ်ကို အတည်ပြုပေးခဲ့ပါတယ်။
ဒါရိုက်တာဝိုင်းဟာ တိမ်းရှောင်နေရာမှ နေအိမ်တိုက်ခန်းသို့ခေတ္တပြန်ရောက်ချိန် မိနစ်သုံးဆယ်ခန့်သာ ရှိသေးချိန်မှာရဲကား ၂စီးနဲ့လာရောက်
ဖမ်းဆီးသွားတာလို့လည်း မြေပြင်သတင်းတွေအရ သိရပါတယ်။
၄င်းဟာဖမ်းဆီးရာသို့ လိုက်ပါသွားချိန်မှာ အတော့်ကို နွမ်းနယ်နေဟန်ရှိပြီး ဒါရိုက်တာဝိုင်းဟာ မကြာသေးခင်ကလေဖြန်းထားသူဖြစ်လို့ကျန်းမာရေး စိုးရိမ်စရာဖြစ်နေကြောင်းလည်း သိရပါတယ် ။
သတင်း - သံလွင်တိုင်းမ်
Reviewed by THITHTOOLWIN
on
21:56
Rating:
No comments:
Post a Comment