အစီးရေ ၃၀ ပါသည့် စစ်ကောင်စီယာဥ်တန်းအား မိုင်းခွဲတိုက်ခိုက်ခဲ့ကြောင်း ထီးချိုင့်တော် လှန်ရေးအဖွဲ့(TR)က ယနေ့(ဒီဇင်ဘာ ၂၈) ထုတ်ပြန်သည်။
တိုက်ခိုက်မှုများကို ယနေ့နံနက် ၁နာရီမထိုးမီကစတင်ခဲ့ခြင်းဖြစ်ပြီး တွင်းငယ်ဘက်မှထွက်လာသော စစ်ကောင်စီတပ်အား ထီးချိုင့်မြို့အဝင်ဂိတ်အနီး မိုင်းလေးလုံဖြင့် တိုက်ခိုက်ခဲ့ခြင်းဖြစ်ကြောင်း ထုတ်ပြန်ချက်တွင် ဖော်ပြသည်။
ထို့အပြင် နံနက် ၁ နာရီ ၁၇ မိနစ်ခန့်တွင် အစီးရေ ၃၀ ပါ စစ်ကောင်စီတပ်ယာဥ်တန်းအား အင်းတိန်နှင့် ဇီးဖြူကျင်းအနီးဝန်းကျင်၌ မိုင်းနှစ်လုံးဖြင့် ဆက်လက်တိုက်ခိုက်ခဲ့ရာ စစ်ကောင်စီဘက်မှ အထိအခိုက်အကျအဆုံးများနိုင်သည်ဟု ထုတ်ပြန်ချက်က ဆိုသည်။
"အထိအခိုက်ကတော့ မသိနိုင်သေးပါဘူးဗျ။ စကစ တွေရဲ့ ယာဉ်တန်းတွေတက်လာသမျှ ဆက်လက်တိုက်ခိုက်သွားမှာပါ"ဟု ထီးချုင့်တော်လှန်ရေးအဖွဲ့မှ တာဝန်ရှိသူတစ်ဦးက ပြောသည်။
ထို့ကြောင့် ပြည်သူများအနေဖြင့် သတိပြုသွားလာကြပြီး စစ်ကောင်စီတပ်ယာဥ်တန်းများတွေ့ရှိပါက အဝေးသို့ အမြန်ဆုံးရှောင်ရှားသွားလာကြရန် ၎င်းက တိုက်တွန်းသည်။
ထီးချိုင့်မြို့နယ် တော်လှန်ရေးအဖွဲ့(TR)အနေဖြင့် မြို့နယ်အတွင်း၌ အကြမ်းဖက်စစ်ကောင်စီအားခုခံတိုက်ခိုက်လျက်ရှိရာ မိုင်းခွဲတိုက်ခိုက်ခြင်းကို ပိုမိုအားပြုလျှက်ရှိသည်။
People's Spring
Reviewed by THITHTOOLWIN
on
20:14
Rating:
No comments:
Post a Comment