မုံရွာ၊ဖေဖော်ဝါရီ - ၂၅
မုံရွာမြို့ပေါ်ရှိ ရပ်ကွက်အုပ်ချုပ်ရေးမှူး အများစုမှာ ယနေ့နှုတ်ထွက်စာတင်ကြောင်း ၎င်းတို့ထံမှ သိရသည်။
မြို့ပေါ်ရပ်ကွက် ၃၁ရပ်ကွက်တွင် မုံရွာဂေဇက်မှ စုံစမ်းရရှိမှု၌ ၂၉ရပ်ကွက်မှ အုပ်ချုပ်ရေးမှူးများ နှုတ်ထွက်စာတင်ကြောင်း သတင်းရရှိသည်။
" ဒီစနစ်ကို မကြိုက်လို့ သမိုင်းမှာ တရားခံလည်းမဖြစ်ချင်ပါဘူး။ကျွန်တော်တို့ကလည်း ပြည်သူဖြစ်တဲ့အတွက် ပြည်သူတွေနဲ့တစ်သားတည်းရှိတယ်ဆိုတာ သိစေချင်လို့ပါ။ဘယ်သူမှ တိုက်တွန်းလို့မဟုတ်ပါဘူး။ကိုယ်ပိုင်ဆုံးဖြတ်ချက်နဲ့ ကိုယ့်ရဲ့နောက်သားသမီးတွေ ၊မျိုးဆက်တွေအတွက် အခုလိုလုပ်ခဲ့တာပါ "ဟု အုပ်ချုပ်ရေးမှုးတစ်ဦးက ပြောသည်။
မုံရွာမြို့နယ်၊ ရပ်ကွက်အလိုက် ပြည်သူများ၏ ဆန္ဒခံယူခြင်းမရှိပဲ အုပ်ချုပ်ရေးမှုများကို ခန့်အပ်ခြင်းအား လက်မခံသဖြင့် ရပ်ကွက်အချို့တွင် ဆန္ဒထုတ်ဖော်ခြင်းများ ပြုလုပ်ခဲ့ကြသည်။
ရပ်ကွက်အုပ်ချုပ်ရေးမှူးများ နှုတ်ထွက်စာတင်ခြင်းနှင့်ပတ်သက်၍ မြို့နယ်အုပ်ချုပ်ရေးမှူးရုံးထံဆက်သွယ်သော်လည်းပြန်လည် ဖြေကြားခြင်း မရှိပါ။
မုံရွာမြို့နယ်အတွင်း ရပ်ကွက်ပေါင်း ၃၁ခု ၊ကျေးရွာအုပ်စုပေါင်း ၅၄ခု ရှိပြီး ကျေးရွာအုပ်ချုပ်ရေးမှူး အချို့လည်း နှုတ်ထွက်မှုများ ရှိနေသည်။
#MonywaGazette #ရပ်ကွက်အုပ်ချုပ်ရေးမှူး
Monywa Gazette
Reviewed by THITHTOOLWIN
on
21:26
Rating:
No comments:
Post a Comment