ဒဂုံမြို့သစ် တောင်ပိုင်း အမှတ် ၁၄၀ ရပ်ကွက် အုပ်ချုပ်ရေးမှူးရုံးကို ရဲယာဥ်တန်းကား လေးစီး၊ လက်နက်အပြည့်အစုံနဲ့ လာရောက်ပြီးရပ်ကွက်နေသူတွေက ပိတ်သိမ်းထားတဲ့ အုပ်ချုပ်ရေးမှူးရုံး တံခါးကို လာရောက်ဖွင့်လှစ်ခဲ့ပါတယ်။
စစ်ကောင်စီက ခန့်အပ်ထားတဲ့ ရပ်ကွက်အုပ်ချုပ်ရေးမှူးကို လက်ခံနိုင်ဖို့ ရဲတပ်ဖွဲ့က ညနေ ၄ နာရီခန့်က ရုံးကို လာဖွင့်ခဲ့တာဖြစ်ပါတယ်။ အဲဒီလို လာရောက်ဖွင့်လှစ်ရာမှာ အုပ်ချုပ်ရေးမှူး မပါရှိဘဲ ရဲတပ်ဖွဲ့ကပဲ လာရောက်ဖွင့်လှစ်တာ ဖြစ်ပါတယ်။ဖွင့်အပြီးမှာတော့ ရဲတပ်ဖွဲ့က ပြန်လည်ထွက်ခွာသွားခဲ့ပါတယ်။
ဒါပေမဲ့ ရပ်ကွက်နေသူတွေက စုရုံးရောက်ရှိလာပြီး အဲဒီရုံးတံခါးကို သူတို့ကိုယ်ပိုင်သော့တွေနဲ့ ထပ်မံပိတ်သွားပါတယ်။
အဲဒီနောက် ခန့်ထားခံရတဲ့ အုပ်ချုပ်ရေးမှူးနေအိမ်ရှေ့မှာ စုဝေးဆန္ဒပြနေကြပါတယ်။
BBC Burmese
ဒဂုံတောင်မှာ ရပ်ကွက်ကပိတ်ထားတဲ့ အုပ်ချုပ်ရေးမှူးရုံးတစ်ရုံးကို ရဲတပ်ဖွဲ့ လာဖွင့်
Reviewed by THITHTOOLWIN
on
19:58
Rating:
No comments:
Post a Comment