မလေးရှားက မြန်မာ ၁၈၀ နီးပါး နေရပ်ပြန်

မလေးရှားနိုင်ငံက နေရပ်ပြန် မြန်မာနိုင်ငံသားများ။ (ဓာတ်ပုံ - မြန်မာသံရုံး(မလေးရှား) - ဖေဖော်ဝါရီ ၂၅၊ ၂၀၂၁)


ကပ်ဘေးကာလမှာ မလေးရှားနိုင်ငံထဲမှာ ပိတ်မိနေတဲ့ မြန်မာနိုင်ငံသား ၁၈၀ နီးပါးကို ဒီနေ့မှာပဲ မြန်မာသံရုံးအစီစဉ်နဲ့ နေရပ်ပြန်ပို့ခဲ့ပါတယ်။ ဒီသတင်းကို ဗွီအိုအေမြန်မာပိုင်း သတင်းထောက် မအေးအေးမာက ပြောပြမှာပါ။

မလေးရှားနိုင်ငံမှာ ကိုဗစ်ကပ်ဘေးကာလ မှာပိတ်မိနေတဲ့မြန်မာနိုင်ငံသား ၁၈၀ နီးပါးကို ဒီနေ့မှာပဲ နေရပ်ပြန်ပို့ခဲ့ကြောင်း မလေးရှားအခြေစိုက် မြန်မာလူမှုကူညီရေးအသင်းဥက္ကဋ္ဌ ဦးစန်းဝင်းကပြောပြပါတယ်။

"ဒီနေ့မှာတေ့ာ ၅၆ ကြိမ်မြောက် ကယ်ဆယ်ရေး လေယာဉ်မှာတော့ ထိန်းသိမ်းရေးစခန်းကလူတွေ ဒီရက်အတွင်းပြန်တာတွေ များနေတဲ့အတွက်ကြောင့် အကြောင်းအမျိုးမျိုးကြောင့် မလေးရှားမှာ ပိတ်မိနေတဲ့သူတွေ၊ ကျန်းမာရေးမကောင်းသူတွေ ၁၇၇ ဦး ပြန်သွားပါတယ်။ မနေ့က ၂၄ ရက်နေ့ကတော့ ထိန်းသိမ်းရေးစခန်းတွေကနေပြီးတော့ အကြောင်းအမျိုးမျိုးကြောင့် ဖမ်းဆီးထိန်းသိမ်းခံထားရတဲ့ မြန်မာနိုင်ငံသား လူ ၅၀ ဦး ပါသွားပါတယ်။"

ဒီရက်ပိုင်းမှာတော့ မြန်မာစစ်အုပ်ချုပ်ရေးကောင်စီနဲ့ မလေးရှားအစိုးရတို့ အစီစဉ်နဲ့ မလေးရှားထိန်းသိမ်းရေးစခန်း ၁၃ ခုက လွတ်ရက်စေ့တဲ့အချုပ်သား ၁,၀၀၀ ကျော်ဟာ စစ်သင်္ဘောတွေနဲ့ နေရပ်ပြန်ခဲ့ကြပါတယ်။ ဒီနေ့မှာတော့ လေယာဉ်ခရီးစဉ်ထဲမှာတော့ လွတ်ရက်စေ့အချုပ်သားတွေ မပါဝင်ပါဘူး။

မလေးရှားနိုင်ငံက ထိန်းသိမ်းရေးစခန်း ၁၃ ခုမှာ လွတ်ရက်စေ့နေတဲ့ မြန်မာအချုပ်သား အခုဆိုရင် ၃,၀၀၀ ထက်မနည်း ကျန်ရှိနေပါတယ်။ ဒါအပြင် တရားမဝင်မြန်မာနိုင်ငံသား ၁၀,၀၀၀ ကျော်ကလည်း နေရပ်ပြန်ဖို့အတွက် မြန်မာသံရုံးကို စာရင်းပေးသွင်းထားပါတယ်။ အခုဆိုရင် မြန်မာသံရုံးကလည်း တပတ်ကို ၃ ကြိမ် ကယ်ဆယ်ရေးလေယာဉ်တွေနဲ့ နေရပ်ပြန်ပို့ပေးနေပါတယ်။


မအေးအေးမာ/ VOA Burmese

https://burmese.voanews.com/a/malaysia-migrant-return-to-myanmar/5792273.html

မလေးရှားက မြန်မာ ၁၈၀ နီးပါး နေရပ်ပြန် မလေးရှားက မြန်မာ ၁၈၀ နီးပါး နေရပ်ပြန် Reviewed by THITHTOOLWIN on 20:21 Rating: 5

No comments:

Powered by Blogger.