ကိုဗစ်ကူးစက်မှု အရှိန်မြှင့်တားဆီးရေးအမိန့် သမ္မတ Biden လက်မှတ်ထိုး

ကိုဗစ်ကူးစက်မှု အရှိန်မြှင့်တားဆီးရေးအမိန့် သမ္မတ Biden လက်မှတ်ထိုး 

အမေရိကန်သမ္မတသစ် ဂျိုးဘိုင်ဒန်ဟာ ကိုရိုနာဗိုင်းရပ်စ် ကပ်ရောဂါ ကူးစက်မှုတားဆီးနိုင်ရေးကို သူ သမ္မတတာဝန်ယူပြီး နောက်တနေ့ဖြစ်တဲ့ ကြာသပတေးနေ့မှာပဲ အရှိန်မြှင့် လုပ်ဆောင်လာသလို ကျောင်းနဲ့ စီးပွါးရေးလုပ်ငန်းတွေ စိတ်ချစွာပြန်ဖွင့်နိုင်ဖို့ ကြိုးစားရင်း ကာကွယ်ဆေးနဲ့ ဆေးပစ္စည်းတွေ တိုးထုတ်ဖို့ အပါအဝင် အမိန့်ထုတ်ပြန်ချက် ၁၀ ခုကို လက်မှတ်ရေးထိုးခဲ့ပါတယ်။

လာမယ့် လအတွင်း အမေရိကန်နိုင်ငံတလွှားမှာ ဗဟိုအစိုးရရဲ့ ထောက်ပံ့မှု နဲ့ ဒေသဆိုင်ရာ ကာကွယ်ဆေးထိုးစင်တာ ပေါင်း ၁၀၀ ကို ဖွင့်နိုင်ဖို့နဲ့ တချိန်ထည်းမှာပဲ ကိုရိုနာဗိုင်းရပ်စ်ပိုး ရှိမရှိ စစ်ဆေးမှုတွေ တိုးလုပ်ဖို့ ကြိုးစားနေပါတယ်။ အခုအချိန်ထိဆို ကာကွယ်ဆေးထိုးပြီးတဲ့ အမေရိကန်နိုင်ငံသားက ၁၆ သန်းလောက်ရှိပါတယ်။

အမေရိကန်နိုင်ငံသားတွေ ကျန်းကျန်းမာမာနဲ့ လုံခြုံစိတ်ချစွာ အလုပ်ခွင်ပြန်ဝင်နိုင်ဖို့နဲ့ ဒီကပ်ရောဂါ ကူးစက်မှုလေ ျှာ့ချနိုင် ဖို့တွေ အတွက် ကိုရိုနာဗိုင်းရပ်စ် ဆိုင်ရာရန်ပုံငွေ ၁.၉ ထရီလီယံ ထပ်ပေးဖို့ သမ္မတဘိုင်ဒန်က လွှတ်တော်ကို ပန်ကြားထားမှုကို အားဖြည့်တဲ့ အနေနဲ့ ဒီအမိန့်တွေကို ထုတ်ပြန်တာ ဖြစ်ကြောင်းလည်း သမ္မတအိမ်ဖြူက ပြောပါတယ်။

အာဏာအလွဲအပြောင်းကာလအတွင်း ထရမ့်အစိုးရအဖွဲ့က ပူးပေါင်းဆောင်ရွက်မှု မရှိပဲ ဒီရောဂါ အတွက် ကာကွယ်ဆေးဖြန့်ဖြူးရေး အစီအစဉ်တွေနဲ့ ပတ်သက်ပြီး နားလည်အောင် သူတို့ရဲ့ ကြိုးစားမှုကိုလည်း တားဆီးတာတွေရှိတယ်လို့ ဘိုင်ဒန့်အဖွဲ့တာဝန်ခံ အရာရှိတွေက ပြောပါတယ်။

ဒါပေမယ့် ကျန်းမာရေးနဲ့ လူမှုဝန်ဆောင်မှုဝန်ကြီး Alex Azar ကတော့ သူတို့ဟာ ပြီးခဲ့တဲ့ နိုဝင်ဘာနှောင်းပိုင်းကစပြီး အရွေးကောက်ခံသမ္မတဘိုင်ဒန်ရဲ့ အကူးအပြောင်းကာလ တာဝန်ခံ အဖွဲ့နဲ့ အကြိမ်ပေါင်း ၃၀၀ ကျော် တွေ့ဆုံဆွေးနွေးခဲ့ကြောင်း ပြောခဲ့ပါတယ်။


ဗွီအိုအေ (မြန်မာပိုင်း)

https://burmese.voanews.com/a/covid-joe-biden-executive-order-/5747469.html

ကိုဗစ်ကူးစက်မှု အရှိန်မြှင့်တားဆီးရေးအမိန့် သမ္မတ Biden လက်မှတ်ထိုး ကိုဗစ်ကူးစက်မှု အရှိန်မြှင့်တားဆီးရေးအမိန့် သမ္မတ Biden လက်မှတ်ထိုး Reviewed by THITHTOOLWIN on 23:27 Rating: 5

No comments:

Powered by Blogger.