မောင်တောမြို့နယ်မြောက်ပိုင်း "မီးတိုက်" ကျေးရွာတွင် စားနပ်ရိက္ခာများပြတ်လပ်နေပြီး ကလေးငယ်တစ်ချို့မှာလည်း ကျန်းမာရေးအခြေအနေဆိုးရွားနေ

မောင်တော၊ သြဂုတ် ၃၁

ဘင်္ဂလီအကြမ်းဖက်သမားများ၏ အန္တရာယ်ကြောင့် လမ်းပန်းဆက်သွယ်ရေး ပြတ်တောက်ကာ မောင်တောမြို့နယ်မြောက်ပိုင်း "မီးတိုက်" ကျေးရွာတွင် ပိတ်မိနေသည့် လူဦးရေ ၇၀၀ ကျော်မှာ စားနပ်ရိက္ခာများပြတ်လပ်ကာ ကလေး ၁၀ ဦးမှာလည်း ကျန်းမာရေးအခြေအနေ စိုးရိမ်နေရကြောင်း ကျေးရွာအတွင်းရှိ ပညာရေးဝန်ထမ်းတစ်ဦးက ပြောသည်။

“ စားနပ်ရိက္ခာကတေ့ာ ရှိတဲ့သူတွေဆီက မျှပြီးစားနေကြတာ ဒီနေ့ တစ်ရက်စာသာ ကျန်ပါတော့တယ်။ မနက်ဖြန်အတွက် ကျွန်တော်တို့မှာ စားစရာမရှိတော့ဘူး။ နောက်တစ်ခုက ဒီမှာ ကလေးငယ် ၃၀ လောက်ဟာ အိပ်ရာထဲမှာပဲ နာမကျန်းဖြစ်နေကြတယ်။ ၁၀ ဦးကတော့ စိုးရိမ်ရတဲ့ အခြေအနေပါ။ ကျန်မားရေးဝန်ထမ်း မရှိသလို ဆေးလည်း မရှိပါဘူး ” ဟု ပညာရေးဝန်ထမ်းတစ်ဦးဖြစ်သူ ဦးလှမြင့် က ပြောသည်။

အဆိုပါမီးတိုက်ကျေးရွာမှာ ဘင်္ဂလာဒေ့ရ်ှနယ်စပ်နှင့် နီးစပ်သည်ကတစ်ကြောင်း၊ လမ်းပန်းဆက်သွယ်ရေး ပြတ်တောက်နေမှုကြောင့် ပိတ်မိနေသည်ကတစ်ကြောင်းနှင့် ကျေးရွာအတွင်းရှိဒေသခံများမှာ လုံခြုံရေးအခြေအနေကို အထူးစိုးရိမ်နေကြခြင်းဖြစ်သည်။

“ ဘင်္ဂလာဒေ့ရ်ှနဲ့ မီးတိုက်ရွာဟာ ၄ မိုင်လောက်သာ ဝေးပါတယ်၊ အနီးဆုံးအနေအထားပါ၊ အဲဒီဖက်က ဝင်လာမှာကိုလည်း စိုးရိမ်ရတဲ့ အနေအထားပါ။ ” ဟု ဦးလှမြင့် က ဆိုသည်။

မီးတိုက်ကျေးရွာတွင် ကျေးရွာသား ၇၃၀ နှင့် ပညာရေးဝန်ထမ်းတစ်ချို့ ပိတ်မိနေခြင်းကြဖြစ်ပြီး လက်ရှိအချိန်၌ စားနပ်ရိက္ခာနှင့် ဆေးဝါးအကူညီများ အရေးတကြီး လိုအပ်နေကြခြင်းဖြစ်သည်။

ချလူးအောင် / DMG
Development Media Group
https://www.facebook.com/dmgnewsagency