 |
| ဇန်နဝါရီလ ၁၈ ရက်နေ့က နေပြည်တော်မှာရှိတဲ့ Kempinski (ကန်ပင်စကီ ဟိုတယ်) မှာ ကျင်းပတဲ့ သတင်းစာရှင်းလင်းပွဲမှာ အမေရိကန်အစိုးရ လက်ထောက်နိုင်ငံခြားရေးဝန်ကြီး Antony Blinken ကိုတွေ့ရစဉ် Photo:Myo Thant Khaing/RFA |
နေပြည်တော်မှာ နုိုင်ငံတော်သမ္မတ ဦးသိန်းစိန် ၊ အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် ၊ တပ်မတော် ဒုတိယကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး စိုးဝင်းတို့နဲ့ တွေ့ဆုံအပြီး Kempinski (ကန်ပင်စကီ ဟိုတယ်) မှာ ကျင်းပတဲ့ သတင်းစာရှင်းလင်းပွဲမှာ သတင်းထောက်တစ်ဦး မေးမြန်းတာကို Mr. Blinken က အခုလို ဖြေကြားခဲ့တာဖြစ်ပါတယ်။
“အမေရိကန်အစိုးရရဲ့ မြန်မာနုိုင်ငံဆိုင်ရာ ဆက်ဆံရေးဟာ မြန်မာနိုင်ငံနဲ့သာ သက်ဆုိုင်ပါတယ်၊ တရုတ်နုိုင်ငံ နဲ့ ဆက်စပ်မှု မရှိပါဘူး၊ မိမိတို့သဘောထားက မြန်မာနုိုင်ငံအနေနဲ့ တရုတ်အပါအဝင် အိမ်နီးခြင်းနုိုင်ငံ အားလုံးနဲ့ ဆက်ဆံရေး ကောင်းမွန်ဖို့ လိုလားတာဖြစ်ပါတယ်၊ ဆက်ဆံရေး ကောင်းမွန်တဲ့ မြန်မာနဲ့ တရုတ်နှစ်နုိုင်ငံဟာ ဒေသတွင်း ငြိမ်းချမ်းရေးနဲ့ အေးချမ်းသာယာဝပြောရေးကို ဖန်တီးနုိုင်မယ်လို့ ယုံကြည် တာဖြစ်ပါတယ်” လို့ ပြောသွားတာ ဖြစ်ပါတယ်။
ဒါ့အပြင် မြန်မာနိုင်ငံမှာ အောင်မြင်စွာကျင်းပပြီးစီးသွားတဲ့ ၂ဝ၁၅ ရွေးကောက်ပွဲအတွက် မြန်မာနုိုင်ငံသားတွေကို ချီးကျူးဂုဏ်ပြုကြောင်းနဲ့ အနုိုင်ရတဲ့ အမျိုးသားဒီမိုကရေစီအဖွဲ့ချုပ်ကိုလည်း ဂုဏ်ပြုကြောင်းလည်း ပြောပါတယ်။
အမျိုးသားပညာရေးကို သပိတ်မှောက်ခဲ့တဲ့အတွက် အကျဉ်းထောင်တွေထဲမှာ ဖမ်းဆီးခံထားရ ဆဲ ကျောင်းသူ ကျောင်းသားတွေနဲ့ နိုင်ငံရေးအကျဉ်းသားတွေ အစိုးရသစ် တာဝန်မယူခင်မှာ အားလုံး လွတ်မြောက်ရေးအတွက်လည်း နုိုင်ငံတော်သမ္မတ ဦးသိန်းစိန်နဲ့ တွေ့ဆုံရာမှာ ဆွေးနွေးခဲ့တယ်လို့ ပြောပါတယ်။
လက်ရှိနုိုင်ငံရေး အခြေအနေဟာ တွေ့ဆုံဆွေးနွေးအဖြေရှာပြီး အစိုးရသစ်ကို အောင်မြင်စွာ ဖွဲ့စည်းသွားနိုင် ဖို့အတွက် အချိန်ကာလဖြစ်ကြောင်း၊ ရွေးကောက်ပွဲအပြီး လက်ရှိနုိုင်ငံရေး အခြေအနေဟာ မြန်မာနုိုင်ငံ ဒီမိုကရေစီ စနစ်ဆီသွားနုိုင်ဖို့ အဆင့်တစ်ခုကို ကျော်ဖြတ်ပြီးတာသာဖြစ်ကြောင်းနဲ့ အနာဂတ်မှာ အခက်အခဲတွေနဲ့ စိန်ခေါ်မှုတွေ အများအပြားကို ကျော်ဖြတ်ရဦးမှာဖြစ်ကြောင်းလည်း လက်ထောက် နုိုင်ငံခြားရေးဝန်ကြီးက ပြော ပါတယ်။
RFA Burmese
http://www.rfa.org/burmese
တရုတ်နဲ့ ဆက်ဆံရေး မထိခိုက်
Reviewed by THITHTOOLWIN
on
22:12
Rating:
Reviewed by THITHTOOLWIN
on
22:12
Rating:
