ဘုရင့်နောင်တာဝါ(၂) ရှိ တာဝါကော်မတီ ဥက္ကဌ မှ ငွေကြေးများ ကောက်ခံနေခြင်း

        ရန်ကုန်မြို့၊ ကမာရွတ်မြို့နယ်၊ ဘုရင့်နောင်တာဝါ(၂)ရှိ စာသင်ကျောင်းများနှင့် ကုမ္ပဏီများအား ဇွန်/2014 နေ့မှစ၍ တစ်ခန်းလျှင် ၀န်ဆောင်ခ (၃၅,၀၀၀/-) နှုန်းဖြင့် စတင်ပေးရန် တာဝါနေသူများ ထံမှ ဘုရင့်နောင်တာဝါ(၂) ရှိ တာဝါကော်မတီ ဥက္ကဌ မှ ငွေကြေးများ ကောက်ခံနေသည်ဟု သိရှိရပါသည်။

ထို့ပြင် ယင်းနေ့တွင် ပေးဆောင်ခြင်း မရှိပါက စာသင်ကျောင်းများ၊ ကုမ္ပဏီများအား ရေဖြတ်တောက်ခြင်း စသည့် လုပ်ရပ်များဖြင့် ဒဏ်ခတ်မည် ဖြစ်ကြောင်းလဲ ယင်းစာ၇ွက်တွင် ရေးသားထားပါသည်။

ကော်မတီရှိ ပါဝင်လူများအားလုံး၏ လက်မှတ် မပါဘဲ ယင်းစာရွက်ကို ရိုက်နှိပ် ထုတ်ဝေသည် ဟုလဲ တာဝါနေသူများထံမှ ယူဆထားကြောင်း သိရှိရပါသည်။

ဦးညွှန့်ဦး  (ဗိုလ်မှူးဟောင်း ငြိမ်း) မှာ တာဝါကော်မတီ တွင် ဥက္ကဌ အဖြစ် ပါဝင်လျှက်ရှိပါသည် ဟု သိရှိ ရပါသည်။

" သူက ဒီတာဝါမှာ (၂)နှစ် ရှိပြီး ဥက္ကဌ တာဝန်ယူထားတာ ။ ဒီတာဝါမှာက ၀န်ဆောင်ခက ဒီတိုင်းတောင် တစ်လကို (၁၅,၀၀၀/-) ပေးနေရတာ ရေ၊ မီး နဲ့ အခြား စရိတ်မပါဘူး။ အဲဒါ ၀န်ဆောင်ခသက်သက်ပဲ။  အဲ့ဒါနဲ့ တောင် အခု (၃၅,၀၀၀/-) တိတိ တိုးတောင်းပြီး ကောက်တော့ စဉ်းစားသာကြည့်ကြပါတော့ "ဟု တာဝါရှိ နေထိုင်သူ တစ်ဦးက ဝေဖန် ထောက်ပြသည်။

          ' အဲ့ဒီ (၂/မေလ/၂၀၁၄) မှာ လုပ်သွားတဲ့ ကော်မတီ အစည်းအဝေးမှာ အချို့ကော်မတီဝင်တွေကိ်ု လုံးဝ အသိ မပေးပဲ လူ(၇)ယောက်၊ (၈)ယောက် လောက်နဲ့ ကြိတ်ပြီးလုပ်သွားတာ၊ ပြီးတော့ ဥက္ကဌ ပဲ ဆုံးဖြတ်ပြီး ဥက္ကဌ ပဲ လုပ်သွားတာ ကျန်တဲ့သူတွေ ဆန္ဒ မပါဘူး ' ဟု အစည်းအဝေး တက်ရောက်ခဲ့သူ ကော်မတီဝင် တစ်ဦးမှ ရင်ဖွင့် ပြောပြသည။်
          '' ခပ်ရှင်းရှင်း ပြော၇ရင် တချို့ဆို ကော်မတီ ထဲ ၀င်ဖို့ အသေလန့်နေတာ။ စည်းလုံးမှု့မရှိလို့လေ အဲ့ဒီကော်မတီ က တပ်ပျက်နေတာ (၂)နှစ်လောက်ရှိပြီ တကယ်ဆို လူသိများမှ တာဝါက နာမည်ကြီ်းပြီး ဈေးကောင်းရတာ အဲ့ဒါကို မသိပဲ နေတဲ့သူတွေကို တချိန်လုံး စိတ်ဒုက္ခပဲ လိုက်ပေးနေတာ။  အမှိုက်ပုံကြီးကလဲ တာဝါရှေ့တည့်တည့်မှာ အဲ့ဒါကျဘာမှ မလုပ်ဘူး။ အရင် နိုင်ငံခြားသားတွေ အများကြီးရှိတယ်။ အခုဆို မရှိသလောက် ဖြစ်သွားပြီ။ တာဝါက ဆက်ဆံရေးမကောင်းလို့လေ။
          "တိုးချင်တိုးပါ (၅,၀၀၀/-) ကျပ်လောက်ပေါ့အခုတော့ (၃၅,၀၀၀/-) တောင် ဆိုတော့ သူတို့ဆိုရင်ကော လတိုင်း ပေးနိုင်မလား။ မေးကြည့်ချင်တယ်။ အဓိပ္ပါယ်မရှိ ရေဖြတ်၊ မီးဖြတ်လုပ်ပြီး ပိုက်ဆံတွေပဲ တောင်းနေရင်တော့ ကျွန်တော်တို့တွေ ဖက်ကလဲ လုပ်သင့်တာ လုပ်ရမှာပဲ'' ဟု တာဝါရှိ ကုမ္ပဏီများအားလုံး၏ အဖွဲ့အစည်း အတွင်းမှ လူတစ်ဦးက ပြောကြားသည်။

ဝန်ဆောင်ခများကိုလဲ အမျိုးမျိုး နာမည်တပ်ယူဆောင်လျှက် ရှိပြီး ၎င်းကော်မတီအတွင်းတွင်လဲ စိတ်ဝမ်းကွဲပြား လျှက်ရှိနေသည်ဟု သိရှိရပါသည်။

တာဝါနေ ပြည်သူများ အနေဖြင့် ၀န်ဆောင်ခ အဆမတန် ကြီးမြင့်စွာ တောင်းခံနေမှု့အား တာဝန်ရှိ မြို့နယ်/ တိုင်း/ခရိုင် အဖွဲ့ အစည်းများ မှ လာရောက် ကြပ်မှတ် ပေးစေလိုကြောင်း ဆန္ဒ ရှိနေသည်ဟု သိရပါသည်။

  ကျော်ရင် (ကမာရွတ်)

BY THIT HTOO LWIN