ဆီးရီးယား နိုင်ငံမှာ သမ္မတ အာဆတ်ကို ဆန့်ကျင်တဲ့ လူထု အုံကြွမှုတွေ ဖြစ်ပွားခဲ့ချိန်က စလို့ အကျဉ်းသား ၁ သောင်း ၁ ထောင် လောက်ကို ဆီးရီးယား အစိုးရက စနစ်တကျ သတ်ဖြတ်ခဲ့တယ် ဆိုတဲ့ ခိုင်လုံတဲ့ အထောက် အထားတွေကို တိုက်ရိုက် ကြည့်ရှုခဲ့ရကြောင်း စစ်ရာဇဝတ်မှုတွေမှာ လိုက်ပါ ဆောင်ရွက်ဖူးတဲ့ အမှုလိုက် ရှေ့နေဟောင်း ၃ ဦးက ပြောပါတယ်။
ဆီးရီးယား အစိုးရရဲ့ စစ်ရဲ တပ်ဖွဲ့မှာ အလုပ်လုပ်ခဲ့ပြီး ဘက်ပြောင်းလာသူ တဦးဆီကနေ ထွက်လာတဲ့ ထောင်ပေါင်းများစွာသော ဓာတ်ပုံတွေကို ဒီ စုံစမ်း စစ်ဆေးသူတွေကနေ လေ့လာ ဆန်းစစ်ခဲ့ကြတာ ဖြစ်ပါတယ်။
အစိုးရကနေ စနစ်တကျ လုပ်ဆောင်ခဲ့တယ် ဆိုတဲ့ ခိုင်လုံတဲ့ အထောက်အထားတွေ ရှိပါတယ်၊ ထိန်းသိမ်းရေး စခန်း ၃ ခုက အကျဉ်းသားတွေဟာ အစာရေစာ ငတ်ပြတ်ပြီးနောက် ညှင်းပန်း နှိပ်စက် ခံရပြီး သတ်ဖြတ်ခံခဲ့ရတာပါလို့ ဓာတ်ပုံတွေကို လေ့လာ စမ်းစစ်နေတဲ့ ပါမောက္ခ ဒေးဗစ် ကရိန်းက ပြောပါတယ်။
အလောင်းတွေ အများစုဟာ ဆိုရင် ပိန်ချုံးနေတာကို တွေ့ရတယ်လို့ အစီရင်ခံစာက ဆိုပါတယ်။ အများအပြားဟာ မသေခင် ရိုက်နှက်ခံထားရပြီး လည်ပင်းညှစ် ခံထားရတာတွေကိုလည်း တွေ့ရတယ်လို့ ဆိုပါတယ်။
ဘီဘီစီ (မြန်မာပိုင်း)
 |
| အလက်ပိုမြို့က စစ်တွင်း တစ်နေရာ |
ဆီးရီးယား စစ်ရာဇဝတ်မှု အထောက်အထား တွေ့ရှိ
Reviewed by သစ်ထူးလွင်
on
23:55
Rating:
Reviewed by သစ်ထူးလွင်
on
23:55
Rating:
