ဘာသာရေး လူမျိုးရေး ပဋိပက္ခတွေ မဖြစ်အောင် ဘာတွေ လုပ်ကြမလဲ

အားလုံး သိကြတဲ့ အတိုင်း မန္တလေးတိုင်း မိတ္တီလာမြို့နဲ့ ပဲခူးတိုင်း မြို့နယ်တချို့မှာ ဘာသာရေးနဲ့ လူမျိုးရေးဆန်တဲ့ အကြမ်းဖက်မှုတွေ ဖြစ်ပွားပြီးနောက် ဒါမျိုး ရန်ကုန်ကို ကူးစက်မ လာအောင် သက်ဆိုင်ရာ အာဏာပိုင်တွေ၊ နိုင်ငံရေးပါတီတွေ၊ လူမှုရေး အဖွဲ့အစည်းတွေ အပါအ၀င် မတူကွဲပြားတဲ့ ဘာသာဝင်တွေကပါ အတတ်နိုင်ဆုံး ကာကွယ် တားဆီးမှုတွေ လုပ်ခဲ့ကြပါတယ်။ ဒီအတွက်လည်း အားလုံး စိုးရိမ်ခဲ့သလို ပြီးခဲ့တဲ့ သင်္ကြန်ကာလတုန်းက ဘယ်လို ပြဿနာမျိုးမှ ဖြစ်ပွားတာမျိုး မရှိခဲ့ပါဘူး။

ဒါပေမယ့် ဧပြီ ၃၀ ရက်နေ့မှာတော့ ရန်ကုန်တိုင်း ဥက္ကံမြို့နယ်မှာ သပိတ်ကိုင် ကိုရင်လေး ၁ ပါးနဲ့ ဆိုင်ကယ်စီး အမျိုးသမီး ၁ ယောက် မတော်တဆ ထိခိုက်မိတာကို အကြောင်းပြုပြီး ဘာသာရေးနဲ့ လူမျိုးရေးဆန်တဲ့ အကြမ်းဖက်မှုတွေ ဖြစ်ပွားသွားခဲ့ပါပြီ။ ကနဦးသတင်းတွေအရ ဘာသာရေး အဆောက်အဦ ၁ လုံး၊ နေအိမ်နဲ့ ဆိုင်ခန်းတချို့ ဖျက်ဆီးခံရသလို ရဲတပ်ဖွဲ့က သေနတ်ပစ်ဖောက် လူစုခွဲရတဲ့အထိ အခြေအနေ ဆိုးရွားခဲ့ပါတယ်။ သက်ဆိုင်သူတွေအားလုံး ဒီလောက် သတိထား နေကြတဲ့ကြားက ဒီလို ပဋိပက္ခမျိုး ဘာကြောင့် ရန်ကုန်မှာ ဖြစ်လာခဲ့တာလဲ။ အကြောင်းရင်းက ဘာလဲ။ ဒါကို ဘယ်လို တားဆီးနိုင်မလဲ ဆိုတာ ခုတပတ် ဆွေးနွေးတင်ပြသွားမယ် ဖြစ်ပါတယ်။

မိတ္ထီလာမြို့ ဒုက္ခသည်များ

ရခိုင်ပြည်နယ်မှာ အကြမ်းဖက်မှုတွေ ဖြစ်ပွားခဲ့စဉ်တုန်းကတော့ အာဏာပိုင်တွေက ဒါဟာ ဘာသာရေးနဲ့ လူမျိုးရေးဆန်တဲ့ ပြဿနာတွေ မဟုတ်ပါဘူး။ ဒါကြောင့် မြန်မာပြည်အတွင်းကို ကူးစက်မလာနိုင်ပါဘူး ဆိုပြီး နိုင်ငံတကာကို ပြောဆိုခဲ့ကြပါတယ်။ ဒါပေမယ့် မြန်မာနိုင်ငံ အလယ်ပိုင်း မန္တလေးတိုင်း မိတ္တီလာမြို့နဲ့ ပဲခူးတိုင်းအနောက်ခြမ်းက မြို့နယ်တွေမှာ လူအသေအပျောက် ၄၀ ကျော်သည်အထိ အကြမ်းဖက်မှုတွေ ဖြစ်ပွားလာတဲ့အခါမှာတော့ ဒါဟာ ဘာသာရေးနဲ့ လူမျိုးရေးကို အခြေခံတဲ့ ပဋိပက္ခ မဟုတ်ပါဘူးလို့ ငြင်းလို့ မရတော့ပါဘူး။ ဒီအတွက်လည်း ဒီလို အကြမ်းဖက်မှုမျိုး ရန်ကုန်ကို ကူးစက်မလာအောင် အသည်းအသန် တားဆီး ကာကွယ်ခဲ့ကြပါတယ်။ ဒါပေမယ့် ဘယ်လိုဖြစ်ဖြစ် ဒီ ပဋိပက္ခ ရန်ကုန်ကို ကူးစက်ခဲ့ပါပြီ။

အခုလို ပဋိပက္ခ အကြမ်းဖက်မှုတွေဟာ သာမန် အသေးအဖွဲ ပြဿနာလေးတွေကနေ စတာချည်းပဲ ဖြစ်ပါတယ်။ ဒါပေမယ့် အမုန်းတရား ကိန်းအောင်းနေပြီးသား အခြေအနေအောက်မှာ ဘယ်လို ပြဿနာလေးတွေမဆို အကြမ်းဖက်မှုကြီးအဖြစ် အလျင်အမြန် ကူးပြောင်းသွားနိုင်ပါတယ်။ ပြောရရင် ပြဿနာရဲ့ အရင်းခံဟာ လူတွေစိတ်ထဲ ၀င်ရောက်နေတဲ့ အမုန်းတရား ဖြစ်ပါတယ်။ နှစ်ပေါင်းများစွာ အတူယှဉ်တွဲနေထိုင်လာတဲ့ ဒီ ဘာသာ ၂ ခု အကြား အခုအချိန်ကာလ ရောက်မှ ဘာကြောင့် အမုန်းတရားတွေ ဖြစ်ပေါ်လာရသလဲ ဆိုတာလည်း ဆန်းစစ်ကြည့်ဖို့ လိုပါတယ်။ ပြဿနာကို ဘယ်မှာမှ အထူးရှာဖွေနေစရာ မလိုပါဘူး။ အခုနောက်ပိုင်း လူတွေစိတ်ထဲ အမုန်းတရား ပေါ်ပေါက်စေတဲ့ ဟောပြောမှု၊ ၀ါဒဖြန့်ချိမှုနဲ့ လှုံ့ဆော်တာတွေ အဆက်မပြတ် လုပ်နေလို့ အမုန်းတရားတွေ တဖြည်းဖြည်းပျံ့နှံ့လာတာ ဖြစ်ပါတယ်။

တကယ်တော့ ဒီ အမုန်းတရားတွေဟာ လောင်စာနဲ့ တူပါတယ်။ အသေးအဖွဲလို့ ဆိုတဲ့ ပြဿနာမီးစလေး တို့လိုက်တာနဲ့ ကြီးမားတဲ့ အကြမ်းဖက်မှုတွေအဖြစ် အလွယ်တကူ လောင်မြိုက်သွားစေတာ ဖြစ်ပါတယ်။ တချို့ နိုင်ငံရေးအင်အားစုတွေကတော့ ဒီ အမုန်းတရား ဖြန့်ဖြူးနေတာကို နှစ်ခြိုက်ကြပါတယ်။ သာမန်ပြည်သူတွေထဲ ဒီ ဘာသာရေးဆန်တဲ့ အမုန်းတရား ပျံ့နှံ့နေခြင်းအားဖြင့် နှစ်ပေါင်းများစွာ တိုင်းပြည် ချွတ်ခြုံကျခဲ့ရတာ၊ ပြည်သူတွေ ဆင်းရဲမွဲတေခဲ့ရတာ၊ လူစဉ်မမှီ ဖြစ်ခဲ့ရတာတွေဟာ စစ်အာဏာရှင်တွေကြောင့် မဟုတ်ဘဲ ဒီဘာသာခြားတွေကြောင့် ဖြစ်သယောင်ယောင် လမ်းလွှဲနိုင်လို့ပဲ ဖြစ်ပါတယ်။ တပြိုင်နက်တည်း ပြည်သူတွေ တခဲနက် ထောက်ခံအားပေးတဲ့ လူ့အခွင့်အရေး လေးစားလိုက်နာပြီး သမာသမတ်ကျတဲ့ အတိုက်အခံ နိုင်ငံရေးပါတီ၊ အဖွဲ့အစည်းနဲ့ ခေါင်းဆောင်တွေကိုလည်း ဒီ ဘာသာရေးဆိုင်ရာ အမုန်းတရားနဲ့ ဆက်စပ်ပြီး လူထုထောက်ခံမှု လျော့ကျအောင် လုပ်နိုင်လို့ပဲ ဖြစ်ပါတယ်။

ဘယ်လိုပဲဖြစ်ဖြစ် မြန်မာနိုင်ငံကို မီးလောင်တိုက်ထဲ သွင်းမယ့် ဒီ အမုန်းတရား ဖြန့်ဖြူးရေး လုပ်ကိုင်ဆောင်ရွက်မှုဟာ အတော်ကို ကြောက်စရာ ကောင်းပါတယ်။ မြန်မာပြည်ထဲမှာ ထိတ်လန့်စရာကောင်းတဲ့ ဘာသာရေးနဲ့ လူမျိုးရေးဆန်တဲ့ နောက်ထပ် အကြမ်းဖက်မှုတွေ မဖြစ်ပွား မပေါ်ပေါက်ဖို့ဆိုရင် လုံခြုံရေးအင်အား တိုးမြှင့်ချထားရုံ၊ ပုဒ်မ ၁၈၈ နေ၀င်မီးငြိမ်း အမိန့်ထုတ်ရုံ၊ မီးသတ်ကားတွေ အဆင်သင့် ပြင်ထားရုံ၊ ရပ်ကွက်တိုင်း ကင်းစောင့်ရုံ လောက်နဲ့ မလုံလောက်ပါဘူး။ အမုန်းတရားကို ဖြစ်ပေါ်စေတဲ့ ဟောပြောမှု၊ စည်းရုံးမှု၊ လှုံဆော်မှုတွေကို ထိထိရောက်ရောက် တားမြစ်ဖို့ လိုပါတယ်။ ဒါကို အားပေးအားမြှောက်ပြုမှုတွေ၊ ထပ်ဆင့် ဖြန့်ဖြူးမှုတွေနဲ့ ငွေကြေးထောက်ပံ့ပေးမှုတွေကိုလည်း ထိထိရောက်ရောက် အရေးယူဖို့ လိုပါတယ်။ ဒါတွေကို မလုပ်ကိုင်ခဲ့ရင်တော့ မြန်မာပြည်ဆိုတာ ထိတ်လန့်ကြောက်ရွံ့ဖွယ် အခြေအနေအောက်မှာ နေထိုင်ရတဲ့၊ အကြမ်းဖက်မှုတွေ နေရာအနှံ့ ဖြစ်ပေါ်နေတဲ့ မတည်ငြိမ်တဲ့ တိုင်းပြည်အဖြစ် ကျဆင်းသွားမှာ ဖြစ်ပါကြောင်း တင်ပြလိုက်ရပါတယ်။

 by တိုင်းကျော်  (ဒီဗွီဘီ)