မဆလ၊ နဝတ ၊ နအဖ

တစ်နေ့သ၌ ကျွန်ုပ်သည် နံ နက်ခင်းတစ်ခုမှာ ထမင်းစားခန်း အတွင်း စားပွဲတွင် ထိုင်ကာ ကော် ဖီကို တစ်ငှဲ့ သတင်းစာကို တစ် လှည့်ဖြင့် သင့်တင့်လျောက်ပတ်စွာ  ဇိမ်ကျနေပါ၏။ ယနေ့ သတင်းစာ များတွင်ကား ပုံရိပ်များ လုံးဝ ပြောင်းသွားကာ မြန်မာ့ကျက်သရေ ခေါင်းပေါင်းစတို့မှာ လှုပ်ကာလှုပ် ကာဖြင့်သာ တလူလူလွင့်နေတာ တွေ့မြင်နေရပါပေတော့၏။ကမ္ဘာဦးလေးဖက်တွား လူ သားတို့၏ ပုံရိပ်မှ ယနေ့ ၂၁ ရာ စု ကာလအင်္ဂါဂြိုဟ်ပေါ်သွား လူ သားတို့၏ ပုံရိပ်အထိ ပြောင်းလဲမှု ပေါင်း သိန်းသောင်းပင် ရှိခဲ့ပြီဖြစ်ပါ ၏။ သမိုင်းဦးဘုံမြေ ကျောက်လက် နက်ကိုင် ဝစ်လစ်စလစ် လူသား တွေ ဘဝမှနေ လေယာဉ်ကို လက် နက်လုပ်ကာ ‘၉။၁၁’ ဖြစ်ပွားခဲ့ပါ သော ကာလအထိ အပြောင်းအလဲ တို့သည်ကား အံ့သြစရာများဖြင့်သာ ပြည့်လျှမ်းနေပါ၏။ လူတွေလည်း ပြောင်းလဲ၏။ ခေတ်တွေလည်း ပြောင်းလဲ၏။ စနစ်တွေလည်း ပြောင်းလဲခဲ့ပါပေ၏။

ကြေးပိုင်ကျွန်ပိုင်ရှင်ခေတ်၊ ပ ဒေသရာဇ်ခေတ်၊ ကွန်မြူနစ်ခေတ်၊ ဆိုရှယ်လစ်ခေတ် တို့မှသည် အာ ဏာရှင်ခေတ် ဆိတ်သုဉ်း၍ ‘ဒီမိုက ရေစီမုခ်ဦး’ ကို အထူးတွေ့ရသည့် ခေတ်ကာလအထိ တတိတိဖြင့် ပြောင်းလဲလာခဲ့ပေရာ အလွန် တရာမှ စိတ်ဝင်စားစရာ ကောင်း သည့် လမ်းကြောင်း အပြောင်းအလဲ များပါလေ။သို့ဖြင့် ကျွန်ုပ် ယနေ့ထုတ် သတင်းစာကို ယခင်ထုံးစံပမာ နောက်ကနေ စလှန်ပြီး နာရေး၊ သာရေးနှင့် ကြော်ငြာများစွာကို စေ့ စေ့ငုငု ဖတ်ရှုဖြစ်ပါပေ၏။ ဂျာနယ် အသစ်တစ်စောင်မှာ ထုတ်ဝေတာ ကို ခေတ္တရပ်နားထားရာမှ အယ်ဒီ တာအဖွဲ့သစ်ဖြင့် အသွင်သစ်ပုံစံ သစ် အရှိန်အဟုန်ဖြင့် ပြန်လည် ထွက်လာမည်ဟု ကြော်ငြာထား တာ တွေ့ရပါပေ၏။

ခေတ်ကာလ စနစ်ခဝါချ  အပြောင်းအလဲပေါင်း များစွာထဲမှ မြင်တွေ့ရသည့် အပြောင်းအလဲ အချို့ပါပေ။ အချို့နေရာတွင် မြေပိုင်ရှင် ‘အမည်ပြောင်းလဲခြင်း’ ဆိုသည့် ကြော်ငြာများကိုလည်း မြင်တွေ့ ရပါ၏။ ‘ကုန်ပစ္စည်း အမှတ်တံဆိပ် ပြောင်းလဲခြင်း’ ကြော်ငြာများလည်း တွေ့ရပါ၏။ဤနေရာ၊ ဤစာမျက်နှာတွင် ပုံစံ ခပ်ဆင်ဆင် ကြော်ငြာများစွာကို သတိထားမိစရာ တွေ့လာရပါပေ ၏။ ဤကား အခြားမဟုတ်…။ ကျွန်ုပ်မြင်တွေ့ရသည်မှာ ‘အမည် ပြောင်း’ ကြော်ငြာများသာ ဖြစ်ပါ တော့၏။ အနှီ စာမျက်နှာ ၁၈ တွင် ‘အမည်ပြောင်းလဲခြင်း’ ကြော် ငြာများစွာကို ပလူပျံများပမာ မြင် တွေ့လိုက်ရသည့်အခါ ဦးစွာ ပထမ အံ့သြရပါ၏။

‘သီရိခေတ္တရာမြို့’၊ အထက (၃)၊ နဝမတန်း (B)  မှ ‘မောင်ချစ်တီး’ ၏ ဖခင်အမည်မှန်မှာ ‘ဦးတ ရုတ်ကြီး’ သာဖြစ်ပါ၏။’
‘ဟံသာဝတီမြို့၊ အထက (၁)၊      ဒသမတန်း (A) မှ ‘မဖြူတုတ်’ အား ယနေ့မှစတင်၍ ‘မဟူရာ’ ဟု ပြောင်းလဲခေါ်ပါရန်’
‘ဝေသာလီမြို့၊ အမက (၆)၊ တတိယတန်းမှ ‘မောင်ပဲမြစ်’ အား ‘မောင်မောင်ထွား’ ဟု ပြောင်းလဲ ခေါ်ဆိုပေးပါရန်’
‘တပ်ကုန်းမြို့၊ တတိယနှစ် မူကြိုမှ ‘နေကျော်ဆန်း’ အား       ‘လေကျော်ဆန်း’ ဟု အမည်ပြောင်း လဲခေါ်ဆို သိမှတ်ပေးပါရန်’

ဤသို့ထိုသို့ နာမည်ပြင် နာ မည်ပြောင်းတို့ကို စို့စို့ပို့ပို့ များများ စားစား တွေ့မြင်ဖတ်ရှုလိုက်ရလေ ရာ ကျွန်ုပ်မှာ ငယ်ဘဝတစ်ခါက အကြောင်းအရာတစ်ခုကို အလိုလို ပြန်လည်မြင်ယောင်လာပါလေ တော့၏။ အချိန်ကား ‘ဒေသကော လိပ်စနစ်’ များအပြီးတိုင် ပိတ်သိမ်း ပြီး ‘မေဂျာအသီးသီး’ ဖြင့် ပထမ နှစ်ကို ပြန်လည်ဖွင့်လှစ်ခဲ့သည့် ၁၉၈၃ ခုနှစ် ကာလပါလေ။ထိုအခါက ပထမနှစ် တက် ရောက်စ သူငယ်ချင်းမတစ်ဦးမှာ   ‘နာမည်ပြောင်း ကင်ပွန်းတပ်ပွဲ’ ဖိတ်ကြားလွှာပေးပို့လာပါ၏။ အနှီ အမည်ပြောင်း ကင်ပွန်းတပ်ပွဲကို ညနေစောင်းအချိန် သူတို့အိမ်မှာ ကျင်းပမည် ဖြစ်ပါ၏။ ငယ်သူငယ် ချင်းမ၏ အမည်ရင်း အမည်ဟောင်း မှာ ‘မအေး’ ဖြစ်ပါ၏။ ယခု ပြောင်းလဲမည့် သူ၏ အမည်သစ် ကား ခေတ်ဆန်ဆန် ‘မြတ်မြတ် ဘုန်းဟန်’ ဟု ဖြစ်ပါပေ၏။ထိုအချိန် ထိုကာလက သွား လာရေးယာဉ်မှာ ‘စက်ဘီး’ သာ ဖြစ်ပါ၏။ သူတို့ နေထိုင်ရာ ရပ် ကွက်မှာ မြို့မြောက်ဘက် နဝင်းရပ် ကွက်ဖြစ်ကာ ကျွန်ုပ်တို့ နေထိုင် ရာနေရာ ရပ်ကွက်မှာ မြို့တောင် ဘက်ကျကျမှာရှိပါ၏။ အခြား မြို့ နေရာအနှံ့မှ သူငယ်ချင်းများလည်း စက်ဘီးကိုယ်စီ နင်းကာ ချီတက် လာခဲ့ကြပါ၏။ သူတို့အိမ်မှာ လူ အပြည့်ဖြစ်နေကာ ထိုင်စရာနေရာ ပင် မလပ်တော့ဘဲ အိမ်ရှေ့ရှိ ရွှေ ဆိုင်အခန်းကျဉ်းထဲမှာပါ ဝင်ရောက် ထိုင်ကြရပါ၏။ ထိုနေ့က မှတ်မှတ် ရရ ‘ရွှေတောင်အိုဆာကာခေါက်ဆွဲ’ အဝဆွဲခဲ့ကြရပါ၏။

ငယ်သူငယ်ချင်း အရင်းခေါက် ခေါက်များ စနောက်ပျော်ရွှင်ခဲ့ကြ ပြီး အသီးသီး အသစ်ရောက်လာ လိုက်၊ ပထမတစ်သိုက်နေရာ ဖယ် ပေးပြီး ထပြန်လိုက်၊ နောက်တစ် သုတ် ရောက်လာလိုက် ပထမ စား ပြီးသူများ နေရာဖယ်ပေးကာ နှုတ် ဆက်ထပြန်သွားလိုက်ဖြင့် တသော သောသာ ရှိခဲ့ကြပါ၏။ ပြန်မည့် သူများကလည်း နှုတ်ဆက် သူငယ် ချင်းမကလည်း ပြန်နှုတ်ဆက်ဖြင့် အမည်ပြောင်းမင်္ဂလာပွဲမှာအောင် မြင်ခဲ့ပါပေ၏။သို့လေသော်ငြား တစ်ခုခုလွဲ မှားနေသလိုလို စိတ်မှာ ခံစားမိပေ ရာ အသေအချာ ပြန်စဉ်းစားကြပါ လေသောအခါ အူတက်အောင်သာ ရယ်ရပါတော့၏။ ကြည့်ပါ မိတ် ဆွေ…။ ပြန်ဖို့ လုပ်နေသူ တစ် ယောက်က သူငယ်ချင်းမကို နှုတ် ဆက်ပါ၏။

‘ကဲကဲ…ငါတို့လည်း ပြန် တော့မယ် မအေးရေ’
‘အေး..အေး..ဟုတ်ပြီ..ဟုတ်ပြီ’
‘မအေးရေ ဟောဒီဝိုင်းမှာ မုန့် လိုနေတယ်’
‘လာပြီ..လာပြီ’
‘ကျောင်းကျမှ တွေ့မယ် မအေးရေ’
‘ကောင်းပါပြီအေ’
‘မအေး..မနက်ကျ ကင်န် တီးမှာ ဆုံရအောင်’
‘အိုကေ သူငယ်ချင်း’
‘တို့ပြန်ပြီ မအေး…’
‘အေးပါအေးပါ…မနက်ဖြန် မှတွေ့မယ်’
‘မအေးရေ…ဟောဒီမှာ ပြာ လောင်’
‘သေနာကောင်…ခုမှပေါ် လာတယ်’
‘မအေးရေ…သွားပြီ’
‘ကောင်းပြီ သူငယ်ချင်း’
‘ဟောဒါ ငါ့လက်ဆောင် မအေး’
‘အေးအေး…ရပါတယ်ဟ’
‘မအေး..သံပရာသီးရှိသေး လား’
‘သွားဝယ်ခိုင်းထားတယ်အစ် ကို’
‘နင့် ဝမ်းဆက်ကလေးက လှ လိုက်တာ မအေးရာ’
‘ငါဝတ်ထားလို့ပါဟာ’
‘မအေး..နင့်သူငယ်ချင်း ဖုန်း လာတယ်’
‘ဟုတ်ကဲ့အဖေ…လာပြီ.. လာပြီ..’
‘ဒီကောင် လေးပွဲတောင် စား တာ မအေးရ’
‘အေးပါအေးပါ..ငတ်ကြီးကျ’
‘မအေး..မနက်ဖြန် ကင်န် တီးကျမှ ဆက်ဝါးမယ်’
‘မျိုပါ..ဆို့ပါ..ရပါတယ်..’
‘မအေး..လစ်ပြီဟေ့’
‘ဂွဒ်နိုက်..ဂွဒ်နိုက်..’
‘မြတ်မြတ်ဘုန်းဟန်’ ဟု အမည်သစ်ပြောင်းပွဲ လုပ်ကာ ကျွေးမွေးဧည့်ခံခဲ့ပါသော သူငယ် ချင်းမအား ဝမ်းသာအားရနှုတ်ဆက် သွားကြသူအပေါင်းမှာ ‘အမည် ဟောင်း’ ကိုသာ ခေါ်ဝေါ်ဆက်ဆံ ခဲ့ကြပါပေ၏။ မည်သို့ပင်ဆိုစေ ကာမူ ‘အမည်ပြောင်းကြော်ငြာ’ များ သတင်းစာ စာမျက်နှာ ၁၈ မှာ တွေ့တွေ့နေရဦးမည် ဖြစ်ရာ ကျွန်ုပ်၏ သူငယ်ချင်းမကိုသာ အစဉ်ထာဝရ သတိရရနေမိမှာ ဖြစ် ပါတော့၏လေ။

ဆာသော်ဒိုး
Popular Myanmar News Journal