ဝန်ကြီး၏ ဂရုဏာကြေး ကျပ် ၇ သိန်း အပေါ် မုဒိမ်းကျင့် သတ်ဖြတ်ခံရသူ မသီတာထွေး မိခင် မေးခွန်းထုတ်

ရခိုင်ဝန်ကြီးများမှ ပေးအပ်သော ဂရုဏာကြေး ကျပ် (၇) သိန်းနှင့် ပတ်သက်ပြီး အတင်း အဓမ္မပြု ကျင့် သတ်ဖြတ်ခံလိုက်သော မသီတာထွေး၏ မိခင် ဒေါ်မမြက ငွေကို လက်မခံမီ ငွေပေးအပ်သော ၀န်ကြီးအား မေးခွန်း ထုတ်ခဲ့ကြောင်း သတင်း ရရှိသည်။

မသီတာထွေးသည် ယခုလို အဖြစ်ဆိုးနှင့် ကြုံခဲ့ရသည်။ (ဓါတ်ပုံ လေးဝတီ)

“ ဂရုဏာကြေး လာပေးတဲ့ ရခိုင်ဝန်ကြီးက လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ထိန်လင်း ဖြစ်ပါတယ်။ သူက ကျပ် ၇ သိန်းကို မသီတာထွေး မိခင် ဒေါ်မမြကို ပေးပါတယ်။ အဲဒီငွေကို လက်မခံခင်မှာ ဒေါ်မမြက ဒီငွေတွေဟာ ကုလားတွေဆီက လျော်ကြေး ပေးတာလား ဆိုပီး ၀န်ကြီးကို မေးပါတယ်။ ဒါဆိုရင် ကျွန်မ မယူပါရစေနဲ့ ဆိုပြီး ပြောပါတယ်” ဟု အခမ်းအနားသို့ ကိုယ်တိုင် တက်ရောက်ခဲ့သူ လူကြီး တစ်ဦးမှ ပြောသည်။
ဝန်ကြီးက အဆိုပါ ငွေမှာ လူသတ် တရားခံ မိသားစုများက ပေးသောငွေ မဟုတ်ကြောင်း ပြောကြားပြီးမှ ငွေကို လက်ခံယူခဲ့သည်ဟု ဆိုသည်။
“ ၀န်ကြီးက ဒီငွေတွေဟာ သူတို့ ၀န်ကြီးတွေ စုပေါင်းပြီး ကူညီ ထောက်ပံ့ပေးတာ ဖြစ်ပါတယ်။ ကုလားတွေဆီက ပေးတဲ့ ငွေမဟုတ်ဘူးလို့ ရှင်းပြပါတယ်။ ဒါမှ ဒေါ်မမြက မျက်ရည်တွေကျပြီး ငွေကို လက်ခံပါတယ်” ဟု သူက ဆက်ပြောသည်။
ရခိုင်ပြည်နယ် လုံခြုံရေးနှင့် နယ်စပ်ရေးရာ ၀န်ကြီး ဗိုလ်မှူးကြီး ထိန်လင်းသည် တစ်ခြား ပြည်နယ် နှင့် ခရိုင် အဆင့် လူကြီးများနှင့် အတူ အခင်း ဖြစ်ပွားပြီးနောက် ရမ်းဗြဲ့မြို့နယ် ကျောက်နီမော်ကျေးရွာသို့ ရောက်ရှိလာစဉ် အဆိုပါ ဂရုဏာကြေးကို မသီတာထွေး မိခင် ဒေါ်မမြအား ယမန်နေ့က ပေးအပ်ခဲ့ခြင်း ဖြစ်သည်။
၎င်းပြင် ၀န်ကြီးက ယခု သမီးသေဆုံးသွားမူနှင့် ပတ်သက်ပြီး မည်ကဲ့သို့ ဖြစ်စေလိုပါသလဲ ဟု မိခင် ဖြစ်သူ ဒေါ်မမမြကို မေးမြန်းခဲ့ကြောင်း၊ ဒေါ်မမြက ပြစ်မူ ကျူးလွန်သူ တရားခံ သုံးဦးကို သူ့ သမီး အသေဆိုးနဲ့ သေဆုံးသလို သေဆုံး စေလိုကြောင်း ပြောကြားခဲ့သည်ဟု သိရသည်။
“ ၀န်ကြီး တရား ဥပဒေနဲ့ အညီ ဖြစ်စေရပါမယ်။ ၀န်ကြီးက ၇ ရက် အချိန်ပေးပါ။ အမူနဲ့ အတူ တရားခံတွေကို ဖေါ်ထုတ်နေပါတယ်  ဆိုပီး ပြောဆိုသွားပါတယ် ” ဟု သူက ဆက်ပြောသည်။
ယခုအခါ အခင်း ဖြစ်ပွားရာ ကျောက်နီမော် ကျေးရွာပတ်ဝန်းကျင်တွင် ငြိမ်သက်နေပြီး မလိုလားအပ်သော ပြဿနာများ မဖြစ်ပွားရအောင် ပြည်နယ်၊ ခရိုင်၊ မြို့နယ် အဆင့် လူကြီးများ ရောက်ရှိနေပြီး လုံခြုံရေးကိုလည်း ကျေးရွာ တချို့တွင် တိုးမြှင့်ထားကြောင်း သိရသည်။

 မောင်အေး-(နိရဉ္စရာ)